Korintoƒuɔ 1 8:1 - Katɔti Ɔku Kedee

¹ Na ɔƒɛni ni, mɔɔyɔ́ ka lɛsu-mii lɛla lɛdi na adila ani na béti bákpa na baƒiɔ abi lɛlɔ. Bɔɔsu bɔnii bula ƒui bubo lɛlati. Nsu bɔgyi lɛnɔ ka lɛlati lɛmɛni lɛɛyá na ukyuli uuƒu na ɔɔtina lɛlɔ. Nsu lɛla lɛni mɔɔkya-bu ogya ni, ani ndi si aayɔ́ bekyuli.

Korintoƒuɔ 1 8:1 Referans Kwoze

Korintoƒuɔ 1 8:7

Ɔɔɔdi ukyuli biala ngyi litemi geen lɛmɛni. Ala ani na bekyuli bábla bése baakpá ni, ése áƒɔ badi lɛlɔ kemmo ɔni na úbedu ɔmwi kadi si bádi adila amɛni udu ni, baabu banii baƒiɔ adila na adi. Na bana kasusu kpɛtɛ kpɛtɛ kaadú-ma kɔtɔ ka adila ammɔ aayá beesé lɛlɔ.

Romaƒuɔ 14:3

Na ukyuli ɔni mɔɔdi lɛla biala mɛni ni, utanu ɔnwani ɔni mɔɔdi ala aƒunadi ka ɔ́sɔ. Na ukyuli ɔni mɔɔdi ala aƒunadi lɛnɔ utadu ɔni mɔɔdi lɛla biala kɔtɔ. Ɔsika Katɔti ɔ́ƒɔ anwu lɛnɔ.

Yesaia 5:21

Bɔbuɛ beete bekyuli bani mɔɔnu lɛlɔ banundane na baakali ka bagyi lɛla lɛdi.

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Korintoƒuɔ 1 8:2

Ukyuli biala ɔni mɔɔkali ɔnii ɔgyi lɛla lɛdi ni, geen geen ni, ɔɔɔgyi-ni kalɛ na ɔlɛka ɔti.

Romaƒuɔ 15:14

Banwa, ami ɔlati lɛ́ƒɔ lɛ́di geen ka ala abuni bɔbla bɔ́ƒɔ-mii lɛlɔ kemmo ƒui. Na bɛgyi ala ƒui kalɛ na biti ala ammɔ bɛtina lɛlɔ.

Eƒesoƒuɔ 4:16

Anwu náya na ɔlɔna ɔmmɔ kɔkɛ ƒui kɔ́sala. Na ɔlɔna umodi ɔmmɔ ɔdanku lɛlɔ na ɔlɔna ekpo ani násala ɔsu. Anwuɔsu si ɔlɔna kakɛ biala kábla kaduɛ kalɛ na ɔ́manku ni, ɔlɔna umodi ɔmmɔ ɔɔyu ɔkplu na bɔyɔ kemmo.

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Batalane Kabla 15:29

Bini ala ani na béti bákpa béte baƒiɔ ku ubugya bɔni ku bebuo bani na bélii-ma amɔ bádu bɔkun ku kɔsɔnɔ bɔdi. Si bɛda lɛlɔ lɛni ni, keyi kadubɔyɔku-mii. Bɛkya kpoo.

Yesaia 47:10

Bɛ́bɛ binye bina ekpidi pii ani na bɛɛbla kama aani kekpo lɛgyumanala na bíse kayi bɛɛsu bɛnini, ‘Ukyuli ɔdi ulanu-bu!’ Nsu bina lɛlati ku lɛnunda líse-mii lisusu, na bɛ́kali ka amii kani ndi bayikune bani mɔɔdi lɛlɔ.

Bumomo Bɔka 25:2

Na ɔkɛnku ɔmmɔ ɔsu beleku bamɛni baakpanku banana bammɔ teesienku bana lɛƒiɔkpa emeyi bɔdi kalɔ. Na Israelƒuɔ baadi adila ani béti bákpa béte baƒiɔ na baalɛ-ma akɔnkɔ kalɔ.

Korintoƒuɔ 1 10:28

Mmomu si ukyuli ɔdi ɔ́su-ɔ ɔnii béti adila ammɔ bákpa béte baƒiɔ badi ni, tadi-nya. Ɔmɛni ɔdubɔya na kayi kelékpoku ukyuli ɔmmɔ.

Batalane Kabla 21:25

Na ama bani naaadi Yudaƒuɔ na bénwini baƒɔtaadine ni, búnweni-ma ɔku na bɔ́su-ma ka ni, bada ala ani na béti bákpa béte baƒiɔ bɔdi baya ku ubugya bɔni baya, na batakun bebuo bani na bélii-ma amɔ bádu, na batadi kɔsɔnɔ.”

Batalane Kabla 15:10

Na ɔƒaani ni, bi ɔsu na bɛɛkɔ́ku Blɔti lɛni? Abu ku bula bati kuuku bútakana etila amɛni udu buti! Bi ɔsu na biiti-nya taasia baƒɔtaadine bamɛni lɛlɔ?

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Korintoƒuɔ 1 5:6

Útalɛka bitaatina lɛlɔ. Bɛɛɛgyi bɛnii bɔnyii blii mɔɔsálaku ɔlaaƒɔ ɔni na bánwu na ɔɔyá na ɔna ƒui uuƒu?

Korintoƒuɔ 1 5:2

Na bi ɔsu na bɛɛtina lɛlɔ? Ɔlɛka biteewulo kɔnyana mmomu. Na ukyuli ɔni nábla lɛla lɛmɛni udu ni, ɔdi ka bɛda-nwu bidie bina baƒɔtaadine akɔ.

Korintoƒuɔ 1 4:18

Bina akɔ badi báta bénwini bekyuli bani mɔɔtina lɛlɔ teetulo bakpanadi, ɔsika bákali banii nsɔ lɛɛɛdubo naaabanu-mii.

Korintoƒuɔ 1 4:10

Bɔdi badɔlɔdi na Kristo ɔsu. Nsu amii bɛdi banundane ka bɛ́bla unwi ku Kristo ɔsu. Abu buse aani bekyuli bani na ekubi eeebo-ma lɛlɔ kemmo. Nsu amii ni, lɛlɔ lɛ́sa-mii. Bɔɔɔdi lɛla lɛdi na bekyuli anumi. Nsu amii ni, bibo ɔbu.

Korintoƒuɔ 1 1:5

Ɔni bɛ́bla unwi ku Kristo ɔsu ni, bɛɛtí litemi buni lɛmmɔ na biidie-ni keyi na bínwini Kɔyu kemmo balakɛne lɛnɔ.

Romaƒuɔ 14:22

Anwuɔsu si lɛla lɛni na áƒɔ ádi na ala amɛni lɛlɔ ni, ya na asɔ akya awɔ ku Katɔti ntɛ kani. Lɛlɔ lɛdubɔyɔ ukyuli ɔni na nwuna kayi kaladu-nwu kɔtɔ na lɛla lɛni na ɔɔnu ka lɛdia lɛlɔ.

Romaƒuɔ 14:14

Ka nliku Blɔti Yesu ɔsu ni, ngyi geen na mina kayi kemmo ka adila adi eeebo na eesé lɛlɔ na anya alati udu kemmo. Nsu si ɔdi ɔ́nu lɛla lɛdi aani lɛla lɛni muusé lɛlɔ ni, lɛla lɛmmɔ lɛdubuse-nwu lɛlɔ.

Romaƒuɔ 14:10

Bi ɔsu na aadú ƒ'ɔnwani kɔtɔ? Iye ni, bi ɔsu na aanu ƒ'ɔnwani aani si ɔ́sɔ? Bula ƒui bɔdubunye Katɔti lɛgaboku lɛmmɔ anumi na ɔtɛku-bu litemi.

Romaƒuɔ 12:16

Bɛbla unwi ku bina bakpana na bina ngba bulie kemmo. Bitatalaku lɛlɔ katɔ, mmomu bɛtuna na bɛsala ku bani neeebo kenyekɔ kadi na bekyuli anumi. Na bitanu lɛlɔ bitetulo bakladi.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 14:19

Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemmo.

Korintoƒuɔ 1 4:6

Banwa, kalɛ na binu ala ani na mɔɔsu kalɔ ɔsu na líti ami ku Apolo línwini lɛla lɛni na bɛnu bɛtɛya. Na bɛtɛya ala ani kalɔ na etemila amɛni eedie taatina ɔni na bénweni banii, “Bɛbla ala bɛsiaku ulu lɛlɔ.” Ɔmɛni ɔsu bitatalaku ukyuli ɔdi katɔ bitetulo ɔbambadi.

Korintoƒuɔ 1 10:15

Mɔɔtɛmiku-mii aani bekyuli bani náda anu. Anwuɔsu bɛbu ala ani na mɔɔsu-mii mɛni kemmo bɛnu.