Korintoƒuɔ 1 3:1 - Katɔti Ɔku Kedee

¹ Banwa, na litemi geen bɔsu kenye ni, naaakana na matɛmiku-mii aani kalɛ na mɔɔtɛmiku bekyuli bani na Katɔti Kɔyu kɔ́ƒɔ-ma lɛlɔ kemmo. Mmomu ndubɔtɛmiku-mii aani bekyuli bani na bana anu amu asia kayawi ala lɛlɔ. Na bɛmu bɛdi banamu wɛlɛ wɛlɛ na Kristo bɔƒɔtaadi bɔmmɔ kemmo.

Korintoƒuɔ 1 3:1 Referans Kwoze

Hebriƒuɔ 5:13

Na ukyuli ɔni na lɛnyi ntu kani na ɔɔnyimi ni, ɔmu ɔdi ɔnamu na útedu ka unu ala bɔtina bɔni ndanku ukyuli lɛlɔ bɔbla siin kalɔ.

Korintoƒuɔ 1 2:6

Nsu ni, mina kenye kani na mɔɔsu ni, kadanku bekyuli bani náda anu na béesie anumi na kɔyu kemmo ala kalɔ bunu kemmo. Na kaaadanku kayawi kamɛni kemmo lɛnunda iye bayikune bani mɔɔdi kayawi kamɛni lɛlɔ na baayii ku udu lɛlɔ.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Romaƒuɔ 7:14

Bula ƒui bɔgyi ka ɔda bubo bɔdanku kɔyu kemmo ala. Nsu ami nli ngba aani ɔyawine, na likpidi bɔbla bɔɔdi-mi lɛlɔ.

Yohane 1 2:12

Mina bebi bayɔne, muunweni-mii ɔmɛni ɔsika mɔɔwia ka bɛti ka Katɔti úti bina ekpidi ɔ́kyiɛ-mii na Yesu Kristo ɔsu.

Galatiƒuɔ 6:1

Banwa, si ɔdi ɔ́bla likpidi lɛdi ni, amii bani na Katɔti Kɔyu kɔ́ƒɔ-mii lɛlɔ kemmo ni, binwini-nwu buɛɛ na ɔda likpidi lɛmmɔ bɔbla ɔya. Nsu bɛnu kaduɛ kalɛ na bina akɔ ɔdi uleduo ɔgbankpi ɔmmɔ udu kemmo.

Mateo 16:23

Yesu únwini kɔnakunwi ɔ́su Petro ɔnini, “Satan! Gyu tɔlɔ-mi lɛlɔ! Éti lɛlɔ eenwíni ukisine na mina lɛlɔ. Aayɔ́ akpanku-mi atákya likpidi kemmo! Kasusu kani na éti mɛni kátasi Katɔti kudɔ. Mmomu bekyuli kasusu kadi.”

Korintoƒuɔ 1 14:37

Si bina akɔ ɔdi ɔɔkali ɔnii Katɔti kenye udiene na ɔdi iye ubo Kɔyu kemmo litela lɛdi ni, ɔdi ka ɔnu ɔti ka lɛla lɛni na muunweni-mii lɛdi ɔda ɔni na Katɔti úbo.