Korintoƒuɔ 1 2:9 - Katɔti Ɔku Kedee

⁹ Nsu Bunweni Kedee Ɔku ɔɔsu ɔnii, “Lɛla lɛni na ɔdi útanu iye útenu, na ɔdi útakali lɛnɔ ka lɛdubɔlɛ ni, ani geen ndi lɛla lɛni na Katɔti ɔ́klibi úse úte bekyuli bani mɔɔyɔ́-nwu.”

Korintoƒuɔ 1 2:9 Referans Kwoze

Yesaia 64:4

Na ɔ́si bati kuuku uwi ƒui ni, ukyuli biala útenu ku nwuna kɔtu iye ɔnu ku nwuna lɛnumi ka Unwoti bamba ɔdi ɔkya aani ƒula kalɛ na uukpó teete bekyuli bani na béti bana anu ƒui básia-nwu lɛlɔ lɛni.

Kɔgya 31:19

Áklibi ala abuni geen ése bekyuli bani mɔɔbu-ɔ na békeli bábatamiku-ɔ. Na adubuti-nya ete-ma na bekyuli ƒui anumi.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Yesaia 65:17

“Ndubo katɔ kawɔdi ku kalɔ kawɔdi budie na bekyuli bayiƒala ala ani na ávi ƒui.

Hebriƒuɔ 11:16

Mmomu ni, baanu ulu teete kalɔ kani ndia ntulo kammɔ. Na aka ndi Katɔ Ɔga Ɔma kadi. Ɔmmɔ ɔsu ulekpo Katɔti lɛnɔ kɔƒa ka balɔ-nwu banii bana Katɔti. Ɔsika ɔ́ɔda ɔma unengudi ɔdi úse-ma.

Mateo 25:34

“Na Ɔga ɔmmɔ ɔdubɔsu bekyuli bani nnye-nwu kudɔ ɔnini, ‘Amii ndi bekyuli bani na Katɔti ɔni ndi mina Ɔti ɔ́ya na lɛlɔ lɛdubɔyɔ-mii kaduɛ. Anwuɔsu bibo na bibeduo lɛga kadikɔ kani na Katɔti ɔ́klibi úse úte-mii ɔ́si kayawi kalɔ kesekɔ ƒui.

Yohane 1 4:19

Bɔɔyɔ́ Katɔti ku bekyuli ɔsika Katɔti náka-bu bɔyɔ.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Mateo 20:23

Mmɔ na Yesu ɔ́su-ma ɔnini, “Sɔsɔ na ɔdi ka bɛdubɔkana-nya buti. Nsu liiibo kuƒi ka lidie ukyuli ɔdi nnii ulie-mi kɔdianu ku kɔmii. Kuliekɔ kɔmɛni kuse kute bekyuli bani na mina ɔti ɔ́klibi-ku úse.”