Korintoƒuɔ 1 2:3 - Katɔti Ɔku Kedee

³ Na ka líbo-mii kudɔ ni, lɛlɔ lɛ́bla-mi kpɛtɛ kpɛtɛ. Na liƒu lɛ́da-mi. Na lɛlɔ lɛnɔ lɛ́tɔ-mi.

Korintoƒuɔ 1 2:3 Referans Kwoze

Korintoƒuɔ 2 13:4

Ina ka bákana Yesu bámana ugyii lɛlɔ na úkpi uwi ɔni kemmo na use kpɛtɛ kpɛtɛ ni, Katɔti ɔyikun kemmo na ɔ́sɔ ɔ́ta uli ngba. Na ka abu-ku Yesu bɔ́bla unwi ɔsu ni, buse kpɛtɛ kpɛtɛ aani kalɛ na anwu lɛnɔ use kpɛtɛ kpɛtɛ. Nsu bubo Katɔti ɔyikun ka bɔbla lɛla lɛni na ɔlɛka bɔbla na bina akɔ, ɔsika abu ku-nwu bulie na nwuna ɔyikun kemmo.

Korintoƒuɔ 2 13:9

Lɛlɔ lɛɛyɔ́-bu si bina bɔƒɔtaadi bɔɔyu ɔkplu, na use aani si bula ɔyikun ɔɔƒana na bina lɛlɔ. Na lɛla lɛni na buuvele ndi ka bɛlɛ lili bɛwɔlɔ.

Korintoƒuɔ 2 10:10

Bina akɔ ɔdi ɔdubɔsu ɔnii muunweni lɛku kpakplaa lɛni etemila mbo unu. Nsu si nkya-mii kudɔ ni, lɛ́ba na mina etemila eeyile atu.

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Korintoƒuɔ 2 6:4

Mmomu ni, lɛla biala lɛni na bɔɔbla kemmo ni, buudie taatina nwaa ka Katɔti kabla bablane na bɔdi. Bunye kpakplaa na lɛƒɛda ku lɛbibo ku bukpoku kemmo.

Korintoƒuɔ 2 4:16

Kasusu kamɛni ɔsu na enu aláƒɛ-bu si ina bula ɔlɔna ugyii ɔmɛni ɔɔyii udu muedi ni, bɔgyi ka bula kɔyu kemmo ngba bulie bɔɔbla ɔwɔdi uwi biala.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Batalane Kabla 18:12

Nsu uwi ɔni na bése Galio Roma aban lɛga na Akaia kalɔ lɛlɔ ni, Yudaƒuɔ badi bábla lɛkpa lɛdi na bánwi litemi bámana Paulo lɛlɔ na béƒie-nwu bésienku litemi katɛkɔ.

Batalane Kabla 18:6

Amu uwi ɔni na Yudaƒuɔ bamɛni báta bénye-nwu lɛlɔ na beetemi enyekpi taasiku Yesu lɛlɔ ni, Paulo úveli enu úwi-ma, na ɔ́su-ma ɔnini, “Si bɛ́yii ni, mina kɔnu, mina ɔgba uuubo-nwu kemmo. Ɔ́si ɔƒaani ni, lísela bekyuli bani naaadi Yudaƒuɔ kudɔ ntásu-ma litemi buni lɛmɛni.”

Korintoƒuɔ 2 7:5

Ka búbeduo Makedonia muedi ni, bútakɛ bɔnwuna bɔdi. Mmomu ɔgbankpi sɔɔn na bekyuli bada baasiaku-bu kesii biala. Na bekyuli beekpóku-bu na liƒu lɛkya-bu lɛlɔ kemmo.

Batalane Kabla 17:1

Amu ka bésie bátásia Amƒipoli ku Apolonia ni, bétédu Tesalonika. Na mɛni na Yudaƒuɔ kasalakɔ kadi kákya.

Batalane Kabla 18:1

Amu na ɔmmɔ kama ni, Paulo ɔ́tɔlɔ Atene úsie Korinto.

Yesaia 19:16

Na limeyi lɛmmɔ lɛlɔ ni, Egyipteƒuɔ badubɔta babla aani beleku, na lɛlɔ litaatɔ-ma geen ku bɔyia na Unwoti Katɔti kɔnu kɔni na ɔ́talaku katɔ ɔnii ɔɔƒiɛmi-ma ɔsu.

Korintoƒuɔ 2 7:15

Anwuɔsu na ɔɔyɔ́-mii teebu si uunyimo kalɛ bina ƒui bínye kagyumana na bínu ala ani na bɔ́tina-mii ku kalɛ na bɛ́ƒɔ-nwu na bíboku lɛlɔ kalɔ bíte-nwu na bɛɛbu-nwu ɔsu.

Eƒesoƒuɔ 6:5

Amii bani mɔɔbla ukyuli bamba kabla ni, biboku lɛlɔ kalɔ na binu bina benwoti litemi ku ɔbu ɔsiku kayi ƒui aani kalɛ na bɛdubunu Kristo litemi.