Korintoƒuɔ 1 16:2 - Katɔti Ɔku Kedee

² Na Kwasida limeyi biala ni, ɔdi biala ɔklibi lɛla lɛdi use sɛsɛɛ na kalɛ na ɔ́kɛ kenye na ɔklibi-nya use kalɛ na ɔ́sɔ ulabla egulabi adi buyi si líbo-mii kudɔ.

Korintoƒuɔ 1 16:2 Referans Kwoze

Batalane Kabla 20:7

Amu na Kwasida limeyi lideedi lɛlɔ ni, bɔ́sala lɛlɔ lisu bɔnii bɔɔdi Blɔti adila. Na ka Paulo ɔdubo bɔtɔlɔ kadi kegye ɔsu ni, útemi laa útédu usientɛ.

Luka 16:10

“Ukyuli ɔni mɔɔda ala ani nse blii suɛ na ulu lɛlɔ ni, ɔdubɔda ala enengudi lɛnɔ na ulu lɛlɔ. Na ukyuli ɔni naaasia ulu lɛlɔ ku ala ani nse blii suɛ ni, ulasia ulu lɛlɔ ku ala enengudi lɛnɔ.

Lɛkpa Ulu 8:18

Mmomu binyimo ka bina Unwoti Katɔti néte-mii ɔyikun ɔmmɔ asa na bɛ́bla akɛla ammɔ na úti ɔɔtina ka ɔ́di kenye kani na úse ku bina bati kuuku úse lɛlɔ aani kalɛ na use ɔmwi mɛni.

Budie Taatina 1:10

Na limeyi lɛni lɛlɔ na baƒɔtaadine baasa teemwi Blɔti ni, Katɔti Kɔyu kɔ́ƒɔ-mi lɛlɔ kemmo ƒui na línu ka lɛdi lɛdi lɛ́ku momoomo aani kakpɛɛ na lɛɛtɛmi na mina kama.

Yohane 20:19

Na Kwasida kadi kammɔ useyi ni, batɛyane bammɔ básala na bákalɛ lɛlɔ bákya ɔtɔ kemmo ka baayia Yudaƒuɔ benengu bammɔ ɔsu. Amu na Yesu úbo úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Luka 24:1

Na Kwasida ɔtanta tutuutu ni, beleku bammɔ bésie kaƒiɔtɔ kɔtu na bada ala ani ƒui na báklibi bése.

Ala Alɛdi 2 31:10

Na ɔkpane unengudi ɔni nákya uwi ɔmmɔ kemmo na baalɔ-nwu Asaria ɔni ndi Sadok kaba kemmo ubi ni, údie kenye ɔnini, “Ɔ́si uwi ɔni bekyuli bammɔ bése kalɔ ku ala amɛni buboku ni, bɔ́kɛ adila ku ala bamba na etulo kalɛ na bɔɔwia muedi. Na bɔ́nu bɔ́ti ka Unwoti kusɛ kusɛ ɔsiaku bula bekyuli sɔsɔ. Nu ala ani udu nébu!”

Ala Kalɔ Buse 26:12

Ka edula ɔkyawi údu ni, Isak ɔ́kya edula. Na ka údu ana ɔƒɛwi ni, ɔ́ƒɛ edula liti liti ɔsia kama, ɔsika Katɔti úte-nwu kusɛ kusɛ na ɔ́ya na edula ádia-nwu geen.

Yohane 20:26

Amu na Kwasida unwi kama ni, batɛyane bammɔ básɔ bása belie ɔtɔ kemmo, na Toma lɛnɔ ɔkya-ma akɔ. Básɔ bákalɛ ɔtɔ ɔmmɔ lɛni kani. Nsu Yesu úbo na úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Marko 14:8

Uleku ɔmɛni ɔ́bla lɛla lɛni na wakana. Úti nnɔmii bɔmɛni úwi-mi lɛlɔ úse ute mina kukpi asa na bava-mi.

Ala Kalɔ Buse 33:11

muuvele-ɔ nnii ƒɔ mina etela ani na lɛ́ya na béti béboku-ɔ. Ɔsika Unwoti Katɔti ɔ́bla-mi lɛƒɔndia na lɛla biala na mɔɔwia ni, mbo-ni.” Na ka Yakob unye kpakplaa lɛni ɔsu ni, Esau ɔ́ƒɔ etela ammɔ.

Ala Kalɔ Buse 32:10

Ńtamanku ƒula lɛƒɔndia lɛni na aabla-mi ku kalɛ na aadi ƒula etemila lɛlɔ teete ami ƒula kabla ɔblane. Mina ugyii ɔdadi kani nkya-mi kɔnu uwi ɔni na lɛ́via Yordan Ketu kamɛni. Na ɔƒaani ni, mina kaduli bekyuli lɛti pɛ bubo esu akpa anyɔ.

Ala Kalɔ Buse 30:30

Bebuo ɛlɛɛ bani na ebo asa na líbo ni, béemomo geen. Na Unwoti Katɔti kusɛ kusɛ ɔ́siaku lɛla biala lɛni na lɛ́bla líte-ɔ. Nsu Ɔƒɛni ni, uwi ɔmani na ami lɛnɔ ndubɔbla lɛla lɛdi lite lɛlɔ na meti mada mina kaduli?”

Ala Kalɔ Buse 30:27

Amu na Laban ɔ́su-nwu ɔnini, “Si mina ablala áƒɔ-ɔ anu bɔdi ni, buvele na asɔ akya. Ɔsika ńtéye línu na básu-mi ka awɔ ɔsu na Katɔti úte-mi kusɛ kusɛ.”

Korintoƒuɔ 2 8:10

Na ɔkɛnku kebunku kani na biite bawabane mɛni litemi lɛlɔ ni, mina kasusu kani muute-mii ndi ka ɔdia ka bɛwɔlɔ lɛla lɛni kalɔ na bíse ɔ́si lɛkwa lɛni návi kemmo. Amii ndi bekyuli bedeedi bani nábla ɔmɛni kasusu. Na bíse-ni kalɔ lɛnɔ.