Korintoƒuɔ 1 13:3 - Katɔti Ɔku Kedee

³ Na si ina líti mina ala ani nse-mi ƒui líte bawabane na lɛ́ya na bekyuli muedi bakyula-mi nsu naaayɔ bekyuli ni, lɛɛɛdi lɛla lɛdi.

Korintoƒuɔ 1 13:3 Referans Kwoze

Yohane 15:13

Na bɔyɔ bunengudi bɔni kani na ukyuli ɔdubɔkana na ɔyɔ nwuna bakpana ndi ka uti nwuna ngba ute na bana lili.

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Galatiƒuɔ 5:26

Na bitaya na bɔtalaku lɛlɔ katɔ iye butaakya lɛlɔ kɔnyi iye buteekpoku lɛlɔ kogyulo.

Luka 18:28

Mmɔ na Petro ɔ́su Yesu ɔnini, “Nu, abu bɔ́da bula kɔduli ala ƒui búwi na búbo bɔsiaku-ɔ.”

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.

Yohane 12:43

Na baayɔ́ ɔbu ɔni nási bekyuli kudɔ teetulo ɔni nási Katɔti kudɔ.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Batalane Kabla 21:13

Mmɔ na ɔ́su-bu ɔnini, “Bi ɔsu na biiwulo na bɛɛƒɛ-mi enu lɛni? Ami lɛ́tuna ka benyimi-mi na Yerusalem, na likpi lite Blɔti Yesu lɛnyi.”

Yohane 13:37

Amu na Petro úye-nwu ɔnini, “Blɔti, bi ɔsu na naaakana-a bɔsiaku ɔƒaani? Nnye kagyumana ka likpi na ƒula lili!”

Yohane 6:63

Katɔti Kɔyu muute ngba. Na ukyuli ɔlɔna ɔɔɔdi lɛla lɛdi. Ala ani ƒui na mɔɔsu-mii ni, ndanku Katɔti Kɔyu kɔni muute ngba líboku-mii.

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Yeremia 7:8

Nsu amii alati bɛnu lɛla lɛni mɔɔlɛ́ ɔƒɛni! Bíti bina kayi ƒui bɛ́sia ɔkɔ bɔnyi ku ala ani neeebo kɔsia kɔdi lɛlɔ.

Ƒilipiƒuɔ 2:3

Bitabla lɛla lɛdi bitasiaku amii lɛti lɛkɛ lɛlɔ iye bɛbla na biti bɛtina lɛlɔ. Mmomu biboku lɛlɔ kalɔ bite lɛlɔ. Na uwi biala ni, ɔdi biala utaabu ɔkpanadi teetulo lɛlɔ.

Yesaia 57:12

Bɛɛkali ka bɛdaku lɛla lɛbuni lɛdi bɔbla taagya, nsu ndubo-mii keyi budie ku bina ablala na bɛnu bina kenyekɔ bɛti.