Korintoƒuɔ 1 10:1 - Katɔti Ɔku Kedee

¹ Banwa, mɔɔwia ka binyimo lɛla lɛni nálɛku bula bati kuuku bani násiaku Mose. Ulɔyɔ ɔ́tɔnku-ma, na ɔ́gyumana-ma ƒui. Na bávi Ɛpugyie ntɛ.

Korintoƒuɔ 1 10:1 Referans Kwoze

Israelƒuɔ Bɔlɛ 14:29

Nsu Israelƒuɔ bésie bávi ɛpu ɔmmɔ kemmo kalɔ kakwiidi lɛlɔ, na ntu bɔmmɔ bunye aani awodu na bana kɔmii ku kɔdianu kakɛ ƒui.

Kɔgya 105:39

Katɔti ɔ́ya ulɔyɔ liƒlukutu bonwu lɛdi lɛ́ka lɛ́mana-ma ka bakɛ. Na ogya bonwu ɔdi lɛnɔ ɔɔda usien na anwu na baanu teesie.

Hebriƒuɔ 11:29

Ɔkɛnku bɔƒɔtaadi lɛlɔ na Israel bekyuli bakɛ kalɔ kakwiidi lɛlɔ bávia Ɛpugyie. Nsu Egyipteƒuɔ ama ni, ɛpu ɔmmɔ úti-ma ɔni na baavia-ka.

Korintoƒuɔ 1 14:38

Na si ukyuli ɔmmɔ uuní litemi lɛmɛni ni, ɔdi ka amii lɛnɔ bini-nwu.

Kɔgya 78:53

Na ɔ́tɔnku-ma ɔni na lɛla lɛdi lítabla-ma na liƒu lɛdi lɛnɔ lítada-ma. Na bana bekisine ama ni, ɛpu ɔmmɔ ɔ́nyina-ma ƒui.

Kɔgya 66:6

Ɔ́ya na bula nana bene bábwɛ bávi Ɛpugyie ntɛ na bakɛ lɛgba básia kalɔkplu bávia. Bibo na bɔkɛ ebiti na lɛla lɛni na ɔ́bla ɔsu.

Nehemia 9:19

“Na ɔ́si ƒula kɔnyana bonwu kɔni na ébo ɔsu ni, étenwini kama átakya-ma na ketele kemmo mmɔ. Na si ƒula bekyuli bakɛ ɔƒiiwi ni, eeti liƒlukutu teetile-ma ɔƒɛ. Na si bákɛ usien aayá lɛgyavonku bonwu liite-ma bukeye na ɔɔtina-ma ulu.

Yosua 4:23

Na bɛsu-ma ka bina Unwoti Katɔti ɔ́ya na Yordan Ketu kákwii úti útédu ka Israelƒuɔ ƒui bávia-ka aani kalɛ kani na ɔ́ya na, Ɛpugyie ɔ́kwii asa na Israelƒuɔ bávia.

Lɛkpa Ulu 1:33

ina ka anwu nágyu ɔtɔ-mii na útáwia ekpo ani na bɛdubulie na bɛnwuna úte-mii. Na anwu kani nátaawia ulu teete-mii. Anwu néteete-mii ogya na ɔɔtɔnku-mii usien na ɔɔyá na liƒlukutu lɛɛtɔnku-mii na limeyi kemmo.

Bumomo Bɔka 33:8

Báta Pi-Hahirot anumi mmɔ bátávia ɛpu bésie ketele kalɔ kakwiidi kemmo. Na bésie bávi Etam ketele kalɔ kakwiidi kammɔ emeyi atɛ na bátáda keliekɔ na Mara.

Bumomo Bɔka 14:14

Na badubo bekyuli bani nlie kalɔ kamɛni lɛlɔ lɛla lɛmɛni bɔsu. Kalɔ kamɛni bekyuli béenu kukuuku kalɛ na awɔ Unwoti akya Israelƒuɔ akɔ, na bánu-ɔ anumi ku anumi ku kalɛ na ƒula liƒlukutu lɛ́yu líbelie-ma eli ku kalɛ na aatɔ-ma anumi aani liƒlukutu lɛkpa bonwu kalɛ na ɔƒiiwi, na usien lɛnɔ aani lɛgyavonku bonwu kalɛ.

Israelƒuɔ Bɔlɛ 40:34

Amu na liƒlukutu lɛdi líbebi Kevo Kasakɔ kammɔ lɛlɔ na Unwoti bukeye bɔ́ƒɔ ɔtɔ ɔmmɔ kemmo ƒui.

Korintoƒuɔ 1 12:1

Na ɔƒɛni ni, na ala ani ndanku Katɔti Kɔyu etela lɛlɔ ni, banwa, mɔɔyɔ́ ka bɛti litemi geen lɛni nkya-nya kemmo.

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Galatiƒuɔ 3:29

Anwuɔsu si bɛdi Kristo ɔdi ni, na bɛdi Abraham kaba bebi, na bɛdi Katɔti linyese lɛmmɔ ala badine.

Romaƒuɔ 11:21

Ɔsika si Katɔti útenye útada Yudaƒuɔ bani nse aani kugyii kɔmmɔ ɔlati kɔgba bɔƒɛ ni, bɛɛkali ka ɔdubunye ɔda amii amu?

Yohane 4:20

Abu Samariaƒuɔ bɔgyi ka kɔbi kɔmɛni lɛlɔ kani na bula nana bene bábla lɛkpa. Nsu bi náya na amii Yudaƒuɔ bɛɛsu bɛnii Yerusalem kani ndi likpo lɛni na ɔlɛka bɔɔkpá?”

Romaƒuɔ 1:13

Banwa, bɛti ka lɛ́bla kasusu uwi pii kemmo ka libo-mii kudɔ nka, nsu lɛla lɛdi lítile-mi kuƒi. Mɔɔyɔ́ ka lɛya na bekyuli baƒɔ Kristo badi na bina akɔ aani kalɛ na lɛ́bla na bekyuli bani naaadi Yudaƒuɔ akɔ.