รโฮงะ 6:12 - ้พระคัมภีร์ละว้า

¹² เญือม เซ อาึ ชวน แม เต กวน แกะ ทา อาแลฮ เซ ติ แม. แปน แลฮ เตือง เซ. เญือม เซ เรียง ลัมเลือ ดุงเดียง เตะ นึง. ซเงะ เปียน ติ แตะ ลอง เอิน ตอก พา ลอง โฮ. เคิ เปียน โรฮ ติ แตะ ซครัก เอิน ตอก ฮนัม เตือง โม่ว อื.

รโฮงะ 6:12 Referans Kwoze

มัตไท 24:29

“เญือม เอีจ ลอยจ เคิ เนอึม อาวม ปุย เม่ะมั่ก โซะ ลอน เซ, ซเงะ ซ เฟียก, เคิ ปุ เญือะ ซ รัง. ซโมยญ ซ ดุฮ ฮา มะลอง. โอเอีฮ ป ไก อัมนัต นึง กังฮาว ซ รกุฮ รเตียง. เญือะ ซ อาวต โตว เบือง แตะ.

โยเอน 2:10

เญือม โฮว อื เซ ปลัฮเตะ ซ ดุงเดียง เอิน ฆาื อื, ปลัฮ มะลอง ซ ซูซอย ตื โรฮ. ซเงะ ซ เฟียก, เคิ ไม่ ซโมยญ ปุ โรฮ เญาะ ซ รัง ติ ตื เนอึม.

โยเอน 3:15

เญือม เซ ซเงะ ไม่ เคิ ซ เฟียก ตัน เอิน, ซโมยญ ปุ โรฮ เญาะ ซ รัง เฟือฮ เอิน.

อาโมต 8:9

“ซเงะ เซ อาึ ซ เกือฮ ซเงะ เลียก เมือ ง่อน ซเงะ. ปลัฮเตะ ซ เฟียก เอิน ฆาื อื เมือ ซเง่ะ อื. เอีจ มัฮ อาึ ป มัฮ พะจาว เยโฮวา ป อัฮ เซ ละ เปอะ.

รโฮงะ 16:18

ฟวยจ เซ โอก ปลุกปลัก เนอึม บริ นึง, ลอยฮ เนอึม ไอฮ พาวม แตะ. ดุงเดียง เตะ นึง ไม่ อื เรียง. เคียง ไก ปุย นึง ปลัฮเตะ เฮี ฮอยจ ปเลี่ย ไก โตว เญือม เรียง ดุงเดียง เตะ เมาะ เซ ติ ชวง.

รโฮงะ 11:13

เญือม เซ ดุงเดียง เอิน เตะ นึง จุบั่น เอิน. เรียง ลัมเลือ เอิน. เวียง เซ เยอ พา เลีฮ กาว ปุน, ไลจ ติ ปุน. ป ยุม ฆาื ดุงเดียง เตะ เซ ไก อาแลฮ เปือน ปุย. เมาะ ป คัง ลั่ง อื เซ ฮลัต เตีจ. ลืลาว พะจาว เมือง มะลอง ฆาื อื.

อิซยา 50:3

อาึ เอีจ ปุน เกือฮ ปลัฮ มะลอง ฮอป ป เฟียก ป ตัน, เอีจ เลอึป โรฮ นึง เครอึง ลอง ตอก เครอึง จาวป ปุย เญือม ยุม ปุย โฮ,” อัฮ เซ พะจาว.

รโฮงะ 8:5

เญือม เซ เตปด่า เซ ไปญ โรวก ซโลวง เซ, ตุย ดุฮ งอ โตะ อื เน่อึม นึง คัน ทไว เซ เกือฮ นาวก. ฟวยจ เซ น่าึก อื นึง ปลัฮเตะ. โอก เอิน เนอึม บริ นึง ฆาื อื ไม่ ลอยฮ โอเอีฮ เนอึม ไอฮ พาวม แตะ. ปลุกปลัก ดุงเดียง เตะ นึง ไม่ อื.

อิซยา 24:23

เญือม เซ เคิ เญาะ ซ รัง โตว, ซเงะ ปุ โรฮ เญาะ ซ ซอต ซเปีย แตะ ละ ปุย, นึง เอีจ มัฮ พะจาว ป กุม ตฮัน มะลอง เซ กซัต ป ตึก นึง ระ แตะ. พะจาว ซ ตัตเตียง นึง เวียง เยรูซาเลม ป มัฮ บลาวง ซีโยน เซ. เมาะ โม ป ระ ป คาว ซน่ะ ลลาึง ปุย ไน อื ซ โฮลฮ ตื ยุ อัมนัต โญตซัก ยุฮ อื เซ.

มัตไท 24:7

ปุย ปะเทต เฮี ซ ตอซู ปุย ปะเทต เซิต. ปุย เมือง เฮี ซ ตอซู ปุย เมือง เซิต. ซ เกิต ไปลญ อาวป เออึป กิฮ ไม่ ดุงเดียง เตะ นึง โฮวน โดฮ.

มาระโก 15:33

เญือม เซ เยอ ติ เมือง เซ เฟียก เน่อึม เญือม ง่อน ซเงะ ฮอยจ ละ ลอวย โมง เมือ กปู อื.

มัตไท 28:2

เญือม เซ เกิต ดุงเดียง เตะ นึง เรียง, นึง เอีจ เลีฮ เตปด่า ยุฮ พะจาว เน่อึม มะลอง ติ ปุย, วิต ซโมะ เซ โอก ฮา โตะ อูโมง, งาวม นึง อื.

มัตไท 27:54

ไน ลอยะ ไม่ โม ตฮัน ป มอง พะเยซู, เญือม ยุ อื ดุงเดียง เตะ ไม่ ยุ อื ป เกิต ละ แตะ ตอก เซ, โตวฮ ฆราึง ฆาื อื, อัฮ เฮี ละ ปุ แตะ, “ปุย เฮี มัฮ เนอึม กวน พะจาว,” อัฮ เซ ละ ปุ แตะ.

มัตไท 27:45

เญือม เซ เยอ ติ เมือง เซ เฟียก เน่อึม เญือม ง่อน ซเงะ ฮอยจ ละ ลอวย โมง เมือ กปู อื.

เซคาริยา 14:5

โม เปะ ซ โฮลฮ เปอะ ตอ คระ โตะ โลก เซ นึง ซ โบฮ คระ ละ เปอะ ฮอยจ โบ ฆรุง เวียง เซ. ซ ตอ เปอะ ฮา เม่ะมั่ก แตะ ตอก เญือม ตอ ปุย ฮา ดุงเดียง เตะ เจน มัฮ อุตซียา กซัต เมือง ยูด่า โฆะ. เญือม เซ เยโฮวา พะจาว ยุฮ ฮุ ซ ฮอยจ ดิ ไม่ โม เตปด่า ยุฮ แตะ เตือง โอยจ อื.

อาโมต 1:1

ไลลวง เฮี มัฮ ป อัฮ อาโมต ป มัฮ ไน โม ป เลียง แกะ นึง ย่วง เทโคอา ตา ติ ปุย. มัฮ ป เกว ไม่ ไลลวง โม อิซราเอน, มัฮ ป ยุ ป ฮมอง อื เจน แปน อุตซียา กซัต เมือง ยูด่า. มัฮ โรฮ เญือม แปน เยโรโบ่อัม กวน เยโฮอัต กซัต ละ เมือง อิซราเอน, ปุก กา ดุงเดียง เตะ ลอา เนอึม.

อิซยา 34:4

เญือม เซ เคิ ซเงะ ไม่ ซโมยญ ป อาวต นึง มะลอง เซ ซ เฟียก ซ ไลจ. มะลอง ซ ปอ ไอฮ ติ แตะ ตอก ปอ ปุย นังซื โฮ. ซโมยญ ติ มะลอง ซ ดุฮ ฮอยจ ลังเตะ ตอก ราื ฮละ อะงุน เน่อึม นึง โคะ อื ไม่ ราื เปลิ เม ตึม เน่อึม นึง โคะ อื โฮ.

มัตไท 11:21

อัฮ เฮี ละ อื, “ย่วง โคราซิน ไม่ ย่วง เบ่ตซาอีด่า ซ โฮวน เม่ะมั่ก เปอะ เตือง ลอา ย่วง แตะ. กัน ซัมคัน ยุฮ อาึ นึง ย่วง เปอะ, มัฮ ยุฮ ฮุ นึง ย่วง ไทระ ไม่ ย่วง ไซด่อน, แจง เอีจ เลี่ญ จาวป อื เครอึง ฮาื ฆัน ไม่ งาวม อื นึง จะ อา, ละ ซ เปลีฮ อื เฌาะ อื รพาวม ไพรม ไอฮ อื รพาวม โคระ แตะ.

รโฮงะ 8:12

เตปด่า ติ อื แม, ปาึง โรฮ โตวต ยุฮ แตะ. แปน ปาวน เตือง เซ. ซเงะ ไม่ เคิ ไม่ ซโมยญ พา เลีฮ ลอวย, ไลจ ตา ติ เตะ. พา เลีฮ ลอวย, มัฮ เกือฮ อื เฟียก ตา ติ เตะ. เมือ ซเง่ะ อื พา เลีฮ ลอวย, เฟียก โรฮ ตา ติ เตะ. เมือ ก ซาวม อื ซเปีย เคิ ไม่ ซโมยญ พา เลีฮ ลอวย, เฟียก โรฮ ตา ติ เตะ.

รโฮงะ 16:8

เตปด่า ติ อื แม, แปน ปาวน เตือง เซ, โทก โรฮ ซโลวง ยุฮ แตะ นึง ซเงะ, เกือฮ อื เรียง กอยจ ฮา ไพรม แตะ ปอ ปุน ฮลาึก เอิน อื ปุย.