รโฮงะ 20:14 - ้พระคัมภีร์ละว้า

¹⁴ อัมนัต ลั่ก ยุม ไม่ เมือง ป ยุม เอีจ ไก ป โปวฮ โตะ ตุง งอ. เอีจ มัฮ ตุง งอ เซ ป มัฮ ยุม โฮน ลอา เยอ.

รโฮงะ 20:14 Referans Kwoze

1 โคริน 15:26

อัมนัต ป ตอซู ไม่ เอะ ป ซ ยุฮ พะเยซู ไลจ ไม่ รเคะ โอเอีฮ ไฮญ เตือง โอยจ อื, เอีจ มัฮ อัมนัต ลั่ก ยุม.

รโฮงะ 20:6

โม ป โกฮ ไอม เน่อึม ลั่ก ยุม แตะ คัก รกา อื เซ โฮลฮ รพาวม ไมจ มวน แตะ เบือ อื, ไม่ โฮลฮ อื แปน ปุย ซง่ะ ซงอม ละ พะจาว. เอีจ มัฮ โปน อื ยุม โฮน ลอา นึง อื เซ. ซ โฮลฮ แปน ซตุ รซอฮ ละ พะจาว ไม่ ละ พะคริต. ซ โฮลฮ ตัตเตียง ดิ โอเอีฮ ไม่ อื ติ เปือน เนอึม.

รโฮงะ 21:8

โม ป ฮลัต นึง ปุย ไม่ โม ป โอ เจือ, โม ป โอ เนอึม รพาวม ละ พะจาว, โม ป ยุฮ ยุม ไม่ ปุย, โม ป เลนจุ, โม ป โกว อัมนัต พี, โม ป ไว ฮุป, ไม่ โม ป อัฮ ป โอ เนอึม เตือง โอยจ อื, รโตง อื เอีจ มัฮ ตุง งอ รเออึป ไม่ มัต. เอีจ มัฮ เซ ป มัฮ ยุม โฮน ลอา เยอ,” อัฮ เซ.

รโฮงะ 19:20

ป บุก บรอง ปิญ เซ โฮมวต โกะพริ เซ ไม่ ป ซึป ลปุง พะจาว โอ เนอึม ติ ปุย เซ. เอีจ มัฮ ปุย เซ ป ยุฮ ป ซัมคัน ซองนา โกะพริ เซ. มัฮ ป จุ โม ป ไว ฮุป โกะพริ เซ ไม่ โม ป ไก ควน ไม ยุฮ โกะพริ เซ นึง, เบือ ป ซัมคัน ยุฮ แตะ เซ. ปุย ลอา เซ ไก ป โปวฮ โตะ ตุง งอ รเออึป ไม่ มัต เตือง ไอม อื.

รโฮงะ 1:18

อาึ มัฮ ป ไอม ลอป. อาึ ปัง เอีจ ยุม ติ โฮน, แลน เมอะ, ปเลี่ย เฮี ไอม ลั่ง เงอะ. ซ ไอม ฮอยจ เฆียง เฮี โอ เญาะ ไก ลอยจ. อาึ ไปญ ควน กัฮ กอแจ อัมนัต ลั่ก ยุม ไม่ เมือง ป ยุม.

รโฮงะ 21:4

พะจาว ซ บ่วต รบวต นึง ไง่ อื โครยญ เฌีย. ไลลวง ยุม ปุย เญาะ ซ ไก โตว เฟือฮ เอิน. ตุก เปละ นัน พาวม ไม่ เยือมๆ ญึ่ตๆ ปุ โรฮ เญาะ ซ ไก. ป โซะ ป คระ นึง อื ปุ โรฮ ซ ไก, นึง เอีจ ไฆร ไลลวง ป ไก ไพรม เซ.”

รโฮงะ 20:13

ปลัฮ รอาวม รแม่ ป ยุม อาวต นึง แตะ. อัมนัต ลั่ก ยุม ไม่ เมือง ป ยุม รแม่ โรฮ ป ยุม อาวต นึง แตะ โรฮ. ปุย เตือง โอยจ อื เอีจ ลอก กัน รเตีฮ ตัม ป ยุฮ ป อัฮ แตะ โครยญ โฆะ อื.

รโฮงะ 20:10

พี ระ ป กอ จุ ปุย เซ เอีจ ไก ป โปวฮ โตะ ตุง งอ รเออึป ไม่ มัต เซ. นา เซ เอีจ มัฮ นา ก อาวต โกะพริ เซ ไม่ ป ซึป ลปุง พะจาว โอ เนอึม ติ ปุย เซ. โม เซ ซ โฮลฮ อาวม ป โซะ เตือง ซเง่ะ รซาวม โอ เญาะ ไก ลอยจ.

1 โคริน 15:53

โอเอีฮ เกียฮ ซเออึม เฮี ไมจ อื ลโปลฮ ติ แตะ แปน ป โอ เกียฮ ซเออึม. โอเอีฮ เกียฮ ยุม เฮี ไมจ โรฮ อื ลโปลฮ ติ แตะ แปน ป โอ เกียฮ ยุม.

โฮเชยา 13:14

“อาึ ซ เรอึม โตว ปุย โม เฮี เกือฮ โปน ฮา เมือง ป ยุม, เญาะ ซ เรอึม โตว เกือฮ โปน ฮา อัมนัต ลั่ก ยุม เซ. อาึ ซ ดวน อัมนัต ลั่ก ยุม เซ ฮอยจ ยุฮ ไลจ ไม่, ซ เกือฮ เอิน เมือง ป ยุม เซ ฮอยจ ยุฮ ชิปไฮ ละ. อาึ เญาะ ซ เลียก พาวม โตว นึง ปุย โม เซ เฟือฮ เอิน.

รโฮงะ 20:15

ป ออฮ ป เอีฮ ญุ่ก, ป โอ พะจาว โจต อาึง มอยฮ อื นึง นังซื จีวิต เซ, ไก ป โปวฮ โตะ ตุง งอ เซ เตือง โอยจ อื.

รโฮงะ 2:11

“โม ป ไก ฮยวก เกอ ไมจ อื ง่อต ป อัฮ ลปุ พะจาว ละ คริตซจัก เตือง โอยจ อื. โม ป เป ป โอ ไมจ เจอ เอีจ โปน อื ยุม โฮน ลอา นึง อื เซ,” อัฮ เซ พะโองจาว.

รโฮงะ 6:8

อาึ แก เยอะ. โอก แม บรอง ซเงี ลึ่ป นึง ติ ตัว. ป บุก บรอง เซ มอยฮ อื มัฮ ยุม. เมือง ป ยุม ฮอยจ ดิ ไม่ อื. ปุย ปลัฮเตะ พา เลีฮ ปาวน, โม เซ โฮลฮ อัมนัต ละ ซ ยุฮ แตะ ยุม ไม่ อื ตา ติ เตะ. ซ ยุฮ ยุม ไม่ อื นึง วิจ ง่อน, นึง ไปลญ เออึป ง่อน, นึง พาญัต ง่อน, นึง โกะพริ ปลัฮเตะ ง่อน.

รโฮงะ 14:10

ปุย เซ จัมเปน อื ลอก รพาวม ฮาวก ยุฮ พะจาว ป ตอก ไปล อะงุน ตึก นึง เรียง แตะ เซ. มัฮ ป เรฮ อื นึง จอก รพาวม ฮาวก ยุฮ แตะ. ปุย เซ ซ โฮลฮ อาวม ป โซะ นึง งอ รเออึป ไม่ มัต ซองนา เตปด่า ซง่ะ ซงอม ยุฮ พะจาว ไม่ กวน แกะ เซ.