รโฮงะ 11:4 - ้พระคัมภีร์ละว้า

⁴ ปุย ลอา เซ มัฮ โคะ กาวก ลอา โคะ ไม่ ออม ฮลาวง ลอา, ชุง ลั่กกา พะโองจาว ป กุม ปลัฮเตะ เฮี.

รโฮงะ 11:4 Referans Kwoze

เยเรมี 11:16

ไพรม อื อาึ อัฮ โม เซ มัฮ โคะ กาวก เกลอึม ฮละ นาวก นึง เปลิ ตึก นึง ไมจ แตะ. ปเลี่ย เฮี อาึ ซ เกือฮ กาื ระ กาื กอ ฮอยจ ละ, กัก อื ซ เฆลฮ, ฮละ อื ซ ฮะ นึง งอ.

ลืลาว 52:8

อาึ อื ปังเมอ มัฮ เยอะ ตอก โคะ กาวก เกลอึม ฮละ ป อาวต นึง เญือะ ยุฮ พะจาว โฮ. อาึ อาึง ลอป รพาวม แตะ นึง รพาวม ฮรัก ตอน ฮมัน ยุฮ พะจาว โอ เญาะ ไก ลอยจ.

อิซยา 54:5

พะจาว ป ซัง โม เปะ เกิต เซ เอีจ มัฮ ตอก ปรเมะ เญือะ เปอะ. มอยฮ อื มัฮ พะจาว กุม ตฮัน มะลอง. ป โตฮ ปะ ฮา ป โอ ไมจ มัฮ พะจาว ซง่ะ ซงอม ทื โม อิซราเอน. ปุย อัฮ อื มัฮ พะจาว กุม ปลัฮเตะ เตือง โอยจ อื.

รโฮงะ 1:20

ไลลวง ลปุง โด่ะ ป เกว ไม่ ซโมยญ อาแลฮ โนง ป เอีจ ยุ เปอะ นึง เตะ ดอม อาึ เซ, ไม่ ออม ฮลาวง อาแลฮ ป มัฮ ไคร เซ, ซ รโฮงะ ละ เปอะ ตอก มัฮ ป แพป แตะ ไม่ อื เซ. ซโมยญ อาแลฮ โนง เซ มัฮ โม เตปด่า ยุฮ คริตซจัก เตือง อาแลฮ อื. ออม ฮลาวง อาแลฮ เซ มัฮ โรฮ คริตซจัก เตือง อาแลฮ อื เซ,” อัฮ เซ.

นังซื รโปะ ปาวโล ละ คริตซจัก เวียง โรม 11:17

โคะ กาวก ซมา ปุย เอีจ เรียก ปุย โปวฮ กัก อื ง่อน. เอีจ โรวก แม กัก กาวก พริ กอป ดิ อื ไม่ โคะ กาวก ย่วง เซ. โม เปะ ปุย ตังเมือง ตอก โรฮ เปอะ กัก กาวก พริ เซ. เอีจ โฮลฮ เปอะ จีวิต ไม่ เรียง แด่น แตะ เบือ รโจะ ดิ เปอะ ไม่ โม ยิว ตอก ไล กอป ปุย กัก โคะ เซ โฮ.

ลูกา 11:33

“ไก โตว ป เตี ออม ไม่ เม่าะ อื อาึง ก เดีย อื. ป เตี ครุป นึง ทัง เงอ ปุ โรฮ ซ ไก. ฮา เซ ตึน ซ อาึง อื นึง ควน เตี อื เดอึม ซ ซเปีย ละ ป เลียก โตะ เญือะ เซ.

2 โมเซ 8:22

“ซเงะ เซ อาึ ซ เกือฮ เมือง โกเชน ตัง ฮา ก ไฮญ, นึง อาวต ปุย ไน อาึ นึง อื. ซ เกือฮ โตว โรป เลียก นา เซ. โม เปะ ซ ยุง เปอะ มัฮ อาึ พะจาว ป เปลีฮ อัมนัต แตะ นึง เมือง เฮี.

มีคา 4:13

พะจาว อัฮ เฮี, “โม เปะ ปุย เวียง เยรูซาเลม, โกฮ ปุฮ แปฮ ปุย โม เซ ตอก ปุฮ ปุย เฮงาะ โฮ เมิฮ. อาึ ซ เกือฮ โม เปะ ระ เรียง ตอก โมวก ไก โด่วง ไร, ตอก โรฮ โมวก ไก กลอฮ ไร ซเงี โฮ. โม เปะ ซ เกือฮ เปอะ เมือง ปุย ม่ะ บลวย. คาวคอง รโจะ โม เซ อาึง นึง ยุฮ แตะ กัน ไฮะฮอน, โม เปะ ซ ทไว แม เปอะ ละ อาึ ป มัฮ พะจาว กุม ปลัฮเตะ เตือง โอยจ อื,” อัฮ เซ พะจาว.

1 กซัต 17:1

ไก ปุย ติ. มอยฮ อื มัฮ เอลียา. มัฮ มู ทิตชบี่ อาวต นึง เมือง กิเลอัต. ปุย เซ ฮอยจ เคะ กซัต อาฮัป. อัฮ เฮี ละ อื, “แจง ไอม เยโฮวา พะจาว ยุฮ โม อิซราเอน ตอก ออฮ, ไน ลอา ลอวย เนอึม เฮี แจง โรฮ โอ เญือะ ซ ไก รอาวม เฮละ นึง ตอก เซ โรฮ. รน่ะ ปุ โรฮ ซ ไก โนก ฮา ซ ปัว แม อาึ อื นึง พะจาว ป รซอฮ อาึ ละ เซ,” อัฮ เซ ละ อื.

5 โมเซ 10:8

เญือม เซ พะจาว เลือก พิเซต โม เลวี ละ ซ เกือฮ อื แปน ป กลอม โรวก ฮิต ลปุง ซันญา ยุฮ พะจาว. เกือฮ อื แปน ป รซอฮ ละ พะจาว, เกือฮ อื เกียฮ ปิฮ มุ่น ละ ปุย เบือ มอยฮ พะจาว, ตอก เอีจ ยุฮ ลอป อื ฮอยจ ละ ซเงะ เนาะ เฮี.

ลูกา 21:36

ไมจ เปอะ เครอึง รไจจ นึง. ไมจ เปอะ ไววอน ลอป เดอึม เปอะ ซ ไก เรียง แด่น ละ ซ โปน แตะ โอเอีฮ ป ซ เกิต เซ ไม่ ซ โฮลฮ เปอะ อาวต ซองนา กวน ปุย ปลัฮเตะ,” อัฮ เซ.