ลืลาว 99:5 - ้พระคัมภีร์ละว้า

⁵ โม เปะ เตือง โอยจ เปอะ, ไมจ เปอะ ลืลาว เยโฮวา พะจาว ยุฮ เอะ. ไมจ เปอะ นุ่ม ติ แตะ ไววอน โบ ก โบลวง อื ชวง แตะ. พะจาว มัฮ เนอึม ป ซง่ะ ซงอม.

ลืลาว 99:5 Referans Kwoze

ลืลาว 132:7

เอะ อัฮ เฮี, “ไมจ เอะ โฮว ฮอยจ นา ก อาวต พะจาว, ไมจ เอะ นุ่ม ไว อื โบ ชวง อื.

อิซยา 66:1

เฮี มัฮ ป อัฮ พะจาว. “เมือง มะลอง มัฮ นา ก งาวม อาึ. ปลัฮเตะ มัฮ ก พรอก อาึ ชวง แตะ. โม เปะ ซ ยุฮ เปอะ อาึง เญือะ ตอก เมอ เนิ? ไก นา เมอ ก ไอจ อาึ อื?

ลืลาว 108:5

โอ พะจาว, ปัว เปอะ เปลีฮ เมาะ ระ อัมนัต แตะ นึง มะลอง, ไม่ เปลีฮ เปอะ อัมนัต โญตซัก ยุฮ แตะ เลี่ป ปลัฮเตะ เฮี.

ลืลาว 34:3

ไมจ เปอะ ลืลาว ดิ พะจาว ไม่ อาึ ไม่ ย่อง ดิ มอยฮ อื แปน ป ระ ป คาว.

2 โมเซ 15:2

พะจาว มัฮ ป เฆีญ อาึ ฮา ป โอ ไมจ. มัฮ ป เกือฮ อาึ โปน ฮา ป โตะ ป ตอง. มัฮ พะจาว ยุฮ ฮุ. อาึ ซ ลืลาว เยอะ. มัฮ พะจาว ทื จัตเจือ ไพรม เมอะ. อาึ วุฮ ฮุ ระ จอง เงอะ ฮลาวง.

อิซยา 25:1

โอ พะจาว, ปะ มัฮ เปอะ พะจาว ยุฮ อาึ, อาึ ซ ลืลาว มอยฮ เปอะ. อาึ ซ รโพ โญตซัก เปอะ, นึง มัฮ เปอะ ป เกียฮ ยุฮ กัน ซัมคัน. แพนกัน ป คิต ป ง่อต เปอะ อาึง เน่อึม ไพรม อื เซ มัฮ เนอึม ป แจง แน ตอน ฮมัน.

อิซยา 12:4

ซเงะ เซ โม เปะ ซ อัฮ เปอะ เฮี, “ไมจ ปุย ญันดี่ ไม่ พะจาว. ไมจ อื กอก รโฮงะ มอยฮ อื. ไมจ ปุย ครอฮ ไลลวง กัน ไมจ ยุฮ พะจาว ละ ปุย โครยญ ปะเทต. ไมจ เปอะ เกือฮ ปุย ยุง เมาะ ซัมคัน มอยฮ พะจาว เซ.

ลืลาว 99:3

ไมจ ปุย ลืลาว มอยฮ ระ ไล ยุฮ อื นึง มัฮ อื ป คึ ป นัก. พะจาว มัฮ เนอึม ป ซง่ะ ซงอม.

ลืลาว 118:28

โอ พะจาว, มัฮ ปะ ป มัฮ พะจาว ยุฮ ฮุ. อาึ ญันดี่ เนอึม ไม่ เปอะ. อาึ ซ วุฮ ปะ ระ จอง ปะ ฮลาวง.

ลืลาว 107:32

ไมจ อื รโฮงะ ไลลวง โญตซัก อื ละ ปุย นึง กัน โพรม ระ ยุฮ โม ลัปซด่อน, ไม่ ลืลาว อื พะจาว นึง กัน โพรม ยุฮ โม ป ระ ป คาว.

ลืลาว 99:9

โม เปะ เตือง โอยจ เปอะ, ไมจ เนอึม เปอะ ลืลาว เยโฮวา ป มัฮ พะจาว ยุฮ เอะ. ไมจ เปอะ นุ่ม ไววอน นึง บลาวง ซัมคัน ยุฮ อื. เยโฮวา พะจาว ยุฮ เอะ มัฮ เนอึม ป ซง่ะ ซงอม.

ลืลาว 21:13

โอ พะจาว, เอะ ลืลาว ปะ นึง มัฮ เปอะ ป ตึก นึง ระ เรียง ระ แด่น แตะ. เอะ ซ เชีย ลืลาว อัมนัต ระ ยุฮ เปอะ.

3 กซัต 28:2

เญือม เซ กซัต ด่าวิต โกฮ ชุง อัฮ เฮี, “โม เปะ ป มัฮ โกะ เนะ คระ เฌือต เตอะ เตือง โอยจ เปอะ, ง่อต ป อัฮ อาึ เฮี. อาึ ไก รพาวม ฆวต ยุฮ วิฮัน ละ ซ แปน อื ก อาวต ฮิต ลปุง ซันญา ยุฮ เยโฮวา, ไม่ แปน อื ก โบลวง พะจาว ชวง แตะ นึง. อาึ เอีจ เพรียง โรฮ ควน ซ ยุฮ แตะ วิฮัน เซ โครยญ เจือ.

โฮเชยา 11:7

โม ปุย ไน อาึ เซ ซาวป แนฮ ลเตือฮ ติ แตะ โฮว ซไง ฮา อาึ แนฮ. โม เซ ซ กอก ปัว พะจาว ตึก นึง ฮลาวง แตะ ยวก แอก ฮา ซอังปา แตะ, ปังเมอ โอ ไก ป ยวก ละ อื.