ลืลาว 91:4 - ้พระคัมภีร์ละว้า

⁴ ซ เฆีญ ปะ นึง โพรยจ แตะ. ปะ ซ โฮลฮ เปอะ เปิง โพรยจ อื ตอก เปิง กวน แอ โพรยจ มะ แตะ โฮ. รพาวม เนอึม อื ซ แปน ตอก โล ไม่ ควน เฆีญ เปอะ ติ แตะ.

ลืลาว 91:4 Referans Kwoze

ลืลาว 61:4

ปัว เปอะ เกือฮ อาึ อาวต ลอป นึง พากัง ยุฮ เปอะ โอ เญาะ ไก ลอยจ. เกือฮ อาึ เลียก เปิง ฆรึม โพรยจ เปอะ ละ ซ โปน เนอะ ฮา ป โอ ไมจ.

ลืลาว 57:1

โอ พะจาว, ปัว ปะ เลียก พาวม นึง แตะ นึง ฮอยจ เปิง อาึ เปอะ. อาึ ปัว เม่าะ ติ แตะ ฆรึม โพรยจ เปอะ ฮอยจ ละ ไฆร โอยจ ป โตะ ป ตอง ป มัฮ ตอก เฮละ ระ กาื กอ โฮ.

ลืลาว 17:8

ปัว เปอะ โซะโกะ ฮรักซา นึง อาึ ตอก โซะโกะ ฮรักซา ปุย นึง ซลอง ไง่ แตะ โฮ. ปัว เปอะ เม่าะ อาึ ฆรึม โพรยจ เปอะ ตอก เม่าะ แอ กวน แตะ โฮ.

5 โมเซ 32:11

ตอก โรฮ กลัง ลอง ป มอง เพอึก กวน แตะ เกือฮ โปว โฮ, ดี โพรยจ แตะ เวือฮ มอง รัป กวน แตะ เซ นึง อื, พะจาว ยุฮ โรฮ อื ละ โม อิซราเอน ตอก เซ โรฮ.

ลืลาว 35:2

ปัว ปะ จาวป ลปิ ไร ไม่ ไปญ เปอะ โล ระ ยุฮ แตะ, ละ ซ ฮอยจ เรอึม เปอะ อาึ เกือฮ โปน ฮา โม เซ.

1 โมเซ 15:1

ฟวยจ เซ อัปรัม ยุ บลอง พะจาว. ฮมอง อัฮ อื เฮี ละ แตะ, “อัปรัม, ปุ ฮลัต นึง โอเอีฮ ฮี. อาึ ซ เฆีญ ปะ เกือฮ โปน ฮา โอเอีฮ ป ซ ยุฮ ป โซะ ละ เปอะ. ซ เกือฮ โรฮ ลังวัน ระ เนอึม ละ เปอะ ไม่ อื,” อัฮ เซ ละ อื.

มัตไท 23:37

พะเยซู อัฮ แม เฮี, “เฮฮ, เฮฮ, เยรูซาเลม ป มัฮ เวียง ป ยุฮ ยุม ไม่ โม ป ซึป ลปุง พะจาว ไม่ แล่น เปอะ ป ดวน พะจาว ฮอยจ เคะ เปอะ นึง ซโมะ. อาึ รไม่จ ลอป ครุป ลุกเมือง เปอะ ตอก ครุป แอ กวน แตะ โฮ. โม เปะ ปังเมอ โอ เปอะ ญอม ฮอยจ เคะ อาึ.

รูต 2:12

ปัว พะจาว เกือฮ ลังวัน ไมจ ละ เปอะ. เอีจ ฮอยจ เปิง เนอึม เปอะ เยโฮวา พะจาว ยุฮ โม อิซราเอน. เอีจ เลียก ชุง เปอะ เดีย ฮลอง กุนมุ่น ยุฮ อื,” อัฮ เซ ละ อื.

ติโต 1:2

โอเอีฮ เซ มัฮ ไก อื เบือ ซโอว รพาวม ปุย ไม่ ซ โฮลฮ แตะ จีวิต โอ เญาะ ไก ลอยจ, ป ซันญา พะจาว อาึง เน่อึม เจน เตะ ฆอ รอาวม ลั่ง. พะจาว เซ มัฮ โตว ป เกียฮ อัฮ ป โอ เนอึม.

มาระโก 13:31

ปลัฮเตะ ไม่ มะลอง ซ ไฆร. ป อัฮ ป มวยญ อาึ ปังเมอ โอ เกียฮ ไฆร เฟือฮ เอิน.

ลืลาว 138:2

อาึ นา เยอะ ลวง วิฮัน ซง่ะ ซงอม ยุฮ เปอะ, นุ่ม ติ แตะ ไว ปะ ไม่ ลืลาว แตะ มอยฮ เปอะ, เบือ รพาวม ฮรัก ตอน ฮมัน ยุฮ เปอะ ไม่ เบือ รพาวม เนอึม เปอะ. ปะ เอีจ เปลีฮ ที เปอะ มัฮ มอยฮ แตะ ไม่ ลปุง แตะ เซ ป ระ ไล ฮา โอเอีฮ ไฮญ เตือง โอยจ อื.