ลืลาว 71:20 - ้พระคัมภีร์ละว้า

²⁰ ปะ เอีจ เกือฮ เปอะ อาึ ลอก เม่ะมั่ก แตะ ไม่ ป โตะ ป ตอง โฮวน เจือ, ปังเมอ ซ เกือฮ แม เปอะ อาึ ยุ ป ไมจ ป มวน ลั่กกา แตะ. อาึ ปัง ฮอยจ โตะ ครุฮ ลั่ก ยุม ก โด่ะ อื นึง ปลัฮเตะ, ปะ ซ ยวก แม เปอะ อาึ เกือฮ โอก ฮา นา เซ.

ลืลาว 71:20 Referans Kwoze

ลืลาว 138:7

อาึ ปัง โฮว เยอะ ลลาึง ป ญัก ป นอ ละ แตะ, ปะ ปังเมอ ซ เรอึม เปอะ อาึ เกือฮ โปน ฮา อื. ปะ ซ ตอซู เปอะ ไม่ โม ป ฮาวก รพาวม ละ อาึ นึง เกละ อื ยุ อาึ เซ. ซ เรอึม เปอะ อาึ เกือฮ โปน ฮา อื เบือ อัมนัต ระ ยุฮ เปอะ.

ลืลาว 60:3

ปะ เอีจ เกือฮ เปอะ ปุย ไน แตะ อาวม เม่ะมั่ก แตะ. เอีจ เกือฮ เปอะ เอะ จังเจีญ จังบ่อฮ ตอก ป ญุ่ยจ นึง ไปล อะงุน โฮ.

ลืลาว 86:13

รพาวม ฮรัก ตอน ฮมัน ยุฮ เปอะ ป เปลีฮ เปอะ เนิ เซ ระ เนอึม ไล เนิ. ปะ เอีจ เรอึม เปอะ จีวิต อาึ เกือฮ โปน ฮา เมือง ป ยุม.

ลืลาว 80:18

ปัว เปอะ เรอึม เอะ เกือฮ ไอม, เดอึม เอะ ซ โฮลฮ ลืลาว มอยฮ เปอะ. ดัฮ เปอะ ยุฮ ตอก เซ โม เอะ เญือะ ซ ลเตือฮ โตว ติ แตะ ฮา เปอะ ฆาื อื.

โยนา 2:6

อาึ ตอก ป เลียก ฆรึม บลาวง โฮ. อาึ เลียก แนฮ โด่ะ ปุ ปุ ซดิ ไม่ ซ ฮอยจ แตะ ละ เมือง ลั่ก ยุม นา ก คัง ปุย อาึ โอ เญือะ เกียฮ โอก เฟือฮ เอิน. โอ เยโฮวา พะจาว ยุฮ อาึ, ปะ เกือฮ แม เปอะ อาึ โอก ฮา โตะ ครุฮ โด่ะ เซ ไม่ ไอม ลั่ง แตะ.

ลืลาว 119:25

อาึ เอีจ ฆลาื เยอะ ลังเตะ, เอีจ คุกคัก ลลาึง เตะ รกาื. ปัว เปอะ เรอึม อาึ, ตัม ป อัฮ ป มวยญ เปอะ.

ลืลาว 16:10

ปะ แจง โอ เปอะ ซ ละ โปวฮ อาึ เกือฮ อาวต นึง เมือง ป ยุม เมอ. ซ เกือฮ เปอะ โตว โรฮ กวนไจ เนอึม รพาวม ยุฮ แตะ ซเออึม ลโฮก.

รโฮงะ 7:14

อาึ โลยฮ ละ อื ตอก เฮี, “จาวไน, อาึ ยุง โตว. ปะ ยุง เปอะ ไอฮ,” อัฮ เซ ละ. ปุย เซ อัฮ แม อื เนิ ตอก เฮี, “โม เฮี มัฮ ป โอก เน่อึม เม่ะมั่ก โฮน ระ เนอึม อื เซ. เอีจ มัฮ ซัก อื ลปิ ดา แตะ เซ นึง ฮนัม กวน แกะ เซ, มัฮ เซ ป ปิญ รฮอยจ อื ฆาื อื.

เอเฟโซ 4:9

เญือม อัฮ อื ฮาวก ฮอยจ ก ฮลาวง อื เซ มัฮ อัฮ อื ไม่ เมอ? เอีจ มัฮ อัฮ อื ไม่ กัน จัมเปน พะโองจาว เลีฮ อาวต นึง ปลัฮเตะ ก ตึก นึง เตียม แตะ เซ รกา.

มาระโก 15:34

เญือม เอีจ ฮอยจ อื ลอวย โมง พะเยซู อัฮ เฮี เรียง, “เอโลอี, เอโลอี, ลามา ซบ่าทานี,” อัฮ เซ. มัฮ อัฮ อื เฮี, “พะจาว ยุฮ อาึ, พะจาว ยุฮ อาึ, เมอยุ ละ โปวฮ เปอะ อาึ อื?” มัฮ อัฮ อื เซ.

อิซยา 38:17

ป โฮลฮ อาึ อาวต ไม่ อาวม แตะ ป โซะ ลอน ฆาื อื ตอก เฮี, มัฮ โรฮ ซ เกิต ป ไมจ ลั่กกา เยอะ เบือ อื. ปะ เอีจ ฮรัก เนอึม เปอะ อาึ, เอีจ เกือฮ เปอะ อาึ โปน ฮา ยุม แตะ. เอีจ ยวก เปอะ โปวฮ มั่ป ยุฮ อาึ เตือง โอยจ อื, พิต โฌวะ ยุฮ อาึ เอีจ วุต เปอะ ลั่กเคะ แตะ.

อิซยา 26:19

โม ป ยุม ไน เอะ ซ โกฮ ไอม แม. โกะ ป ยุม ไน โม เอะ ซ ไก แม จีวิต. โม เปะ ป อาวต นึง ฆรึม เตะ รกาื เยอ, ไมจ เปอะ โกฮ ไม่ เชีย เปอะ ไม่ รพาวม ไมจ มวน แตะ. ไอม รอาวม รน่ะ ยุฮ พักเญือ ตอก ออฮ, ปลัฮเตะ เอ ซ เกือฮ โรฮ โม ป ยุม ป เอีจ เลี่ญ อาวต นึง แตะ โกฮ ไอม แม ตอก เซ โรฮ.

ลืลาว 85:6

ปัว เปอะ เรอึม เอะ เกือฮ ปุน โกฮ แม, เดอึม เอะ ป มัฮ ปุย ไน เปอะ เฮี ซ โฮลฮ แม รพาวม ไมจ มวน แตะ เบือ เปอะ.

2 ซามูเอน 12:11

“อาึ อัฮ ละ เปอะ ตัม เนอึม อื, อาึ ซ เกือฮ ปุย ไน เญือะ โกะ เปอะ ไอฮ เกือฮ ป โตะ ป ตอง ฮอยจ ละ เปอะ. อาึ ซ ตุย ปรโปวน เญือะ เปอะ ฮา เปอะ ซองนา เปอะ ง่อน. ซ เกือฮ ปรเมะ ป มัฮ คระ เฌือต โกะ เปอะ ไอฮ ฮา เปอะ. ซ ไอฮ เปงๆ เอิน อื ซองนา ปุย.

กันไกญกอ 2:24

พะจาว ปังเมอ เกือฮ อื โกฮ ไอม แม. มัฮ เกือฮ อื โปน ฮา อัมนัต ลั่กยุม, นึง ซ เกือฮ อื อัมนัต ลั่กยุม เซ โอ เกียฮ เป อัมนัต พะเยซู.

1 ซามูเอน 2:6

“มัฮ พะจาว ป เกือฮ ปุย ยุม ไม่ เกือฮ อื ปุย ไอม. เกือฮ ปุย ฮอยจ ละ เมือง ป ยุม ไม่ เกือฮ โรฮ อื โกฮ ไอม แม.

ลืลาว 60:5

ปัว เปอะ ง่อต ฮมอง ป ปัว เยอะ, ปัว เปอะ เรอึม เอะ เกือฮ เป เบือ อัมนัต ระ ยุฮ เปอะ, เดอึม โม เอะ ป มัฮ ปุย ฮรัก เปอะ เฮี ซ โปน ฮา ป โอ ไมจ.

ลืลาว 95:4

พะจาว ตัตเตียง ปลัฮเตะ โครยญ โดฮ เน่อึม นึง โตะ ทัม ก โด่ะ อื ฮอยจ ละ เปือง โม เปือง มอยจ ก ตึก นึง ฮลาวง แตะ.