ลืลาว 69:29 - ้พระคัมภีร์ละว้า

²⁹ โอ พะจาว, อาึ อาวต ไม่ เม่ะมั่ก ซักคระ ไม่ โซะ ป อาวม แตะ. ปัว ปะ ยวก อาึ เกือฮ โปน ฮา โอเอีฮ โม เซ.

ลืลาว 69:29 Referans Kwoze

ลืลาว 40:17

อาึ มัฮ ปุย ตุก ปุย ญัก, ไม่ วิต โซม ม่อยญ จัน แตะ. ปัง มัฮ ตอก เซ, พะจาว โตก ลอป ละ อาึ. โอ พะจาว ยุฮ อาึ, เอีจ มัฮ ปะ ป เรอึมชวย ตูเตอึม อาึ อื. ปัว เปอะ โอ เญือะ มอง เลี่ญ โอะ.

ลืลาว 109:22

อาึ มัฮ ปุย ตุกญัก. รพาวม เมอะ เอีจ เบราะ เอีจ บั่ต กไน เยอะ.

ลืลาว 20:1

เญือม อาวต เปอะ ไม่ เม่ะมั่ก รพาวม ตุก แตะ, ปัว พะจาว ง่อต ฮมอง ป ปัว เปอะ. ปัว พะจาว ยุฮ ยาโคป โซะโกะ ฮรักซา นึง เปอะ.

ลืลาว 109:31

พะจาว อาวต ซดิ ไม่ โม ปุย ตุก ปุย ญัก, ละ ซ เรอึม อื เกือฮ โปน ฮา โม ป ฆวต ยุฮ ไลจ ไม่ อื.

ลืลาว 70:5

โอ พะจาว, อาึ มัฮ ปุย ตุก ปุย ญัก, ไม่ โฮวน เม่ะมั่ก ซักคระ แตะ. ปัว เปอะ ซไจ ฮอยจ เคะ อาึ. โอ พะจาว, เอีจ มัฮ ปะ ป เรอึมชวย ตูเตอึม อาึ อื. ปัว เปอะ โอ เญือะ มอง เลี่ญ โอะ.

ลืลาว 59:1

โอ พะจาว, ปัว ปะ เรอึม อาึ เกือฮ โปน ฮา โม ป เกละยุ อุ เซ. ปัว เปอะ เฆีญ อาึ เกือฮ โปน ฮา โม ป โกฮ ตอซู ปุ แตะ ไม่ เยอะ เซ.

ลืลาว 18:48

พะจาว เอีจ เกือฮ อาึ โปน ฮา โม ป รุป ไม่ เยอะ, ไม่ ยวก อื อาึ เกือฮ โฮลฮ อาวต ฮลาวง ฮา โม ป เกละยุ อุ เซ. พะจาว เอีจ เรอึม อาึ เกือฮ โปน ฮา ปุยไฮะ ปุยฮอน เซ.

2 โคริน 8:9

โม เปะ เอีจ ยุง เปอะ ไลลวง กุนมุ่น ยุฮ พะโองจาว ป มัฮ พะเยซูคริต ทื เอะ เซ. ไพรม อื ปัง ตึก นึง กอย แตะ เอีจ เกือฮ ลั่ง ติ แตะ แปน ป ตุก ป ญัก ละ ซ เรอึม แตะ โม เปะ, เดอึม โม เปะ ซ โฮลฮ แปน ป กอย นึง ญอม โกะ อื แปน ป ตุก ป ญัก ตอก เซ.

มัตไท 8:20

พะเยซู โลยฮ อื ละ อื, “บราวก โฮลฮ ลั่ง อาวต โตะ แตะ, ไซม โฮลฮ ลั่ง อาวต โตะ รฮมาวม แตะ. ป มัฮ กวน ปุย ปลัฮเตะ ปังเมอ โอ ไก เญือะ อาวต คราว โซม,” อัฮ เซ ละ อื.

2 โมเซ 32:33

พะจาว อัฮ เฮี ละ ไอ โมเซ, “มัฮ โม ป ยุฮ ป พิต ละ อาึ เซ, ป ซ ตุเตือะ ลูลา อาึ มอยฮ อื โอก ฮา นังซื ยุฮ ฮุ.

เยเรมี 17:13

โอ พะจาว, ปะ มัฮ เปอะ ควน ซโอว รพาวม ละ โม อิซราเอน. เมาะ ป ละ โปวฮ ปะ ซ โซะกิจ ปิญไง่ ฆาื อื. ป ลเตือฮ ติ แตะ ฮา ปะ ซ ไฆร ลอป ตอก นังซื ไซฮ ปุย นึง รกาื โฮ, นึง ละ โปวฮ อื พะจาว ป มัฮ เดือะ โกลง รอาวม จีวิต เซ.