ลืลาว 10:7 - ้พระคัมภีร์ละว้า

⁷ มวยญ อื นาวก นึง รซอม ซะ, ลปุง จุ ไล ไม่ ลปุง ซฮาว. ดัก อื อัฮ ลอป ลปุง ฆอก ลปุง เบร ไม่ อู ลอป อื ลอก กันไฮะ กันฮอน.

ลืลาว 10:7 Referans Kwoze

ลืลาว 7:14

ง่อต แลน เมอะ, ปุย ฆอก ปุย เบร เยอ แฮง กัน ฆอก กัน เบร. ป เกิต เน่อึม นึง อื มัฮ ลปุง จุ ไล ไม่ ป ฆอก ป เบร โน่ง.

โยป 20:12

“ปุย เซ เยอ เกือฮ ป ฆอก ป เบร เด ละ แตะ ตอก ลเมะ โฮ. อุม แนฮ อาึง อื โตะ มวยญ แตะ, โบลวต ไน่ อื นึง อัฮ อื ญึม ละ แตะ.

ลืลาว 144:11

ปัว เปอะ เรอึม อาึ เกือฮ โปน ฮา วิจ ยุฮ โม ป ซวก ป เกละยุ อุ เซ, ไม่ เกือฮ เปอะ อาึ โปน ฮา อัมนัต โม ปุย ตังเมือง เซ. ปุย โม เซ มัฮ ป อัฮ ลปุง โอ เนอึม. ปัง ซันญา ติ แตะ ซ อัฮ ป เนอึม, เกือฮ ลั่ง ติ แตะ นาวก นึง ลปุง จุไล.

ลืลาว 140:9

“โม ป ฮอยจ แวต เอิน อาึ ไม่ อวต อื ติ แตะ เซ, ปัว เปอะ เกือฮ กัน ฆอก ป ตะ อื ยุฮ เซ ลเตือฮ แม ลอก โกะ อื ไอฮ.

ลืลาว 140:3

ปุย โม เซ เอีจ เกลียง ดัก แตะ เกือฮ ลอม ตอก ดัก ซโอยญ โฮ. ลปุง ป โอก ฮา ดักดอย อื ตอก เอิน ปิต ซโอยญ มวย โฮ.

ลืลาว 73:8

ดัก อื อัฮ ลปุง กุยจ วัว, ไม่ ลปุง ป ซ ไลจ ยุฮ ปุย. อัฮ ลปุง ฮลาวง, ซาวป พระ ปุย เกือฮ ฮลัต, นึง ตะ อื ยุฮ ป โซะ ละ ปุย.

ลืลาว 64:3

โม เซ เกลียง ดัก แตะ เกือฮ ลอม ตอก เกลียง ปุย วิจ แตะ โฮ, ลปุง โซะ ป โอก ฮา ดักดอย อื ตอก ตี ทนู ป แน ปุย ละ ซ โปยญ อื อาึ นึง.

ลืลาว 59:12

ลปุง ฆอก ลปุง เบร ป โอก เน่อึม โตะ มวยญ อื เซ, เกือฮ แปน ตอก แฮวะ ซราว ละ อื ลไล อาวต อื ไม่ รพาวม เกียฮ ฮุน แตะ เซ. ปัว เปอะ เกือฮ รพาวม ฮาวก ยุฮ เปอะ ป ตอก งอ เซ ฮอยจ ละ, เกือฮ ฮะ ล่อยญ ปอ ไฆร ลอป เอิน อื, ฆาื ลปุง ซะ ซม่อต ไม่ ลปุง จุไล อื เซ, เดอึม ปุย ซ ยุง เนอึม มัฮ เปอะ ป ตัตเตียง นึง เมือง อิซราเอน, ไม่ ตัตเตียง เปอะ ฮอยจ ลอยจ เตะ เตือ มะลอง.

ลืลาว 52:4

มัฮ ลปุง ป ไลจ ยุฮ ปุย ป มวน ละ ปะ อา. ปะ มัฮ เนอึม เปอะ ปุย ไล โกะ ไล เอียง.

ลืลาว 36:3

ลปุง โอก เน่อึม นึง ดักดอย อื มัฮ ลปุง ฆอก ไม่ ลปุง จุไล โน่ง. กัน ไมจ กัน ญุ่ก กัน ปุก กัน ลอก ตอก ยุฮ ปุย ไมจ พันญา อื, เญือะ ฆวต ยุฮ โตว อื เฟือฮ.

มัตไท 12:34

โม เปะ ป มัฮ เจือ ซโอยญ มวย เยอ, ดัฮ เปอะ มัฮ ปุย โอ ไมจ โฮ, แจง โอ เปอะ ซ เกียฮ อัฮ ป ไมจ เจอ. ปุย นาวก รพาวม นึง ออฮ, มวยญ อื ตึน ซ อู เซ.

เยเรมี 9:6

พะจาว อัฮ เฮี, “ปุย โม เฮี ยุฮ รติต รเนือง ปไฮะ ปฮอน. จุ เลาะ จุ ลาึน ปุ แตะ. ญอม โตว เกือฮ ติ แตะ ยุง อาึ เฟือฮ,” อัฮ เซ.

เยเรมี 9:3

มัฮ ป เพรียง ลอป ดัก แตะ ละ ซ อัฮ แตะ ป โอ เนอึม ตอก เพรียง ปุย ทนู โฮ. โม ป ปุน ป เป นึง เมือง เฮี มัฮ ปุน มัฮ เป อื นึง เกง แตะ ละ จุ แตะ ปุย. พะจาว อัฮ เฮี ฆาื อื, “โม เฮี ยุฮ ลอป กัน พิต รติต รเนือง เอิน ไม่ ปุ แตะ. ญอม โตว เกือฮ อาึ แปน พะจาว ยุฮ แตะ ติ ชวง,” อัฮ เซ.

อิซยา 59:4

ไก โตว ติ ตื เนอึม ป ฮาวก นึง ซัน ละ ซ อัฮ แตะ ป ปุก ป ลอก เกอ. ไก โตว โรฮ ป อัฮ ป เนอึม เญือม ฟู แตะ มวยญ เดือ แตะ โครวน เนอ. ปุย โม เซ เยอ, โกว ลักทัน ป โอ เนอึม, อัฮ แนฮ ลปุง จุไล. เอีจ แฮง ป ฆอก ป เบร, เอีจ กิฮ โรฮ ป พิต ป โฌวะ โรฮ.

ซตอกรเง่อึม 30:8

ปัว เปอะ เกือฮ อาึ ซไง ฮา กัน ฆวต คีอู แตะ. ปัว โรฮ เปอะ เกือฮ อาึ โอ ตุก ลอน โอ กอย ลอน. เกือฮ โรฮ ป โซม เนิ ตัม เมาะ เคราะ เมาะ โซมกวน อื ไม่ เยอะ.

ซตอกรเง่อึม 21:6

ป ซาวป เกือฮ ติ แตะ กอย นึง อัฮ แตะ ป โอ เนอึม, ซ อาวต ฆาื อื ติ เตะ โน่ง ตอก พาวง โดง โฮ. กัน ตอก เซ ซ แปน ตอก แฮวะ ตอก ซราว ป ซ นัม ปุย เซ ฮอยจ ละ ยุม อื เอิน.

ลืลาว 144:8

ปุย โม เซ เยอ, โตะ มวยญ อื นาวก นึง ลปุง โอ เนอึม. ปัง ซันญา ติ แตะ ซ อัฮ ป เนอึม, เกือฮ ลั่ง ติ แตะ นาวก นึง ลปุง จุไล.

ลืลาว 62:4

โม เปะ ง่อต เปอะ ตอก ซ ญุยฮ แตะ อาึ เกือฮ ดุฮ ฮา โญตซัก แตะ. มวน รพาวม เปอะ นึง อัฮ แตะ ป โอ เนอึม. มวยญ เปอะ เคียต ปิฮ มุ่น ละ ปุย, โตะ รพาวม เปอะ ปังเมอ ซะ ซม่อต เปอะ ปุย.

ลืลาว 58:3

ปุย ฆอก ปุย เบร เยอ เอีจ แพก ยุฮ แตะ เน่อึม โตะ เวียก มะ แตะ. ดัก อื อัฮ ลปุง จุไล เน่อึม ซเงะ เกิต โรง แตะ.

ลืลาว 55:21

เญือม ลปุง อื ไม่ เยอะ เคียต อัฮ ป ไมจ ป มวน เนิ, รพาวม กไน อื ปังเมอ ง่อต ตอก ซ ยุฮ แตะ ไลจ ไม่ เยอะ. ป อัฮ ป มวยญ อื เด แม ฮา โกะแฮ, ปังเมอ มัฮ ตอก วิจ ลอม ป เอีจ ลวต ปุย โอก ฮา รเฆือง อื โฮ.

ลืลาว 41:6

เญือม ฮอยจ อื เคะ อาึ อื เคียต อัฮ ลปุง มวน เนิ, ญันได่ ปังเมอ มัฮ ฮอยจ ซาวป อื โซวต พิต อาึ. เญือม โอก โฮว อื ฮา เยอะ ซาวป บรุ เพือ อาึ โครยญ คระ โฮว แตะ.

ลืลาว 12:2

ปุย เตือง โอยจ อื อัฮ ตื ลปุง โอ เนอึม ละ ปุ แตะ. ดักดอย อื เคียต ซาวป อวต ลื ปุย ละ ซ จุ แตะ ปุย ไลจ, เนอึม โตว รพาวม ละ ปุย.

ลืลาว 5:9

ลปุง ป โอก ฮา มวยญ ปุย โม เซ ไก โตว ป เนอึม นึง. รพาวม รโม่ยฮ อื ง่อต ลอป ตอก ซ ยุฮ แตะ ไลจ ไม่ ปุย. โตะ คราวง อื ตอก โตะ รมอยจ ป โลฮ ปุย โฮ. ดัก อื ซาวป แนฮ อัฮ ลปุง ชอม ละ ซ จุ แตะ ปุย.

โยป 15:35

ปุย ตอก เซ แฮง ป ฆอก ป เบร, กิฮ ปไฮะ ปฮอน. โตะ กไน รพาวม อื นาวก นึง กัน รชุยจ อื ปุย ไลจ,” อัฮ เซ เอลีฟัต เตอ.

ลืลาว 50:19

โม เปะ เอีจ พลวย เปอะ มวยญ แตะ อัฮ ลอป ป ฆอก ป เบร. พลวย โรฮ เปอะ ดัก ดอย แตะ อัฮ ลอป ป โอ เนอึม.

อาโมต 8:4

โม เปะ ป พลิฮ บึน ปุย ตุก ปุย ญัก เกอ, ไม่ ซาวป เปอะ ยุฮ ไลจ ไม่ ปุย โอ ไก โอเอีฮ ยุฮ นึง บั่นเมือง ยุฮ เปอะ. ไมจ เปอะ ง่อต ไล เฮี.