ซตอกรเง่อึม 19:12 - ้พระคัมภีร์ละว้า

¹² กซัต ดัฮ ฮาวก รพาวม ละ ปุย โฮ, ซ ตอก เอิน อาวม รเวีย ซิงโต โฮ. เญือม เลียก พาวม กซัต นึง ปุย เยอ, ปังเมอ ตอก เอิน รน่ะ ป เลีฮ ละ พักเญือ โฮ.

ซตอกรเง่อึม 19:12 Referans Kwoze

โฮเชยา 14:5

อาึ ซ แปน ตอก รอาวม รน่ะ ละ โม อิซราเอน, โม เซ ซ โฮลฮ รพาวม ไมจ มวน แตะ ตอก โพรยฮ เตีย ด่อก ลีลา โฮ. ซ โฮลฮ ซาึต แรฮ แตะ โด่ะ ตอก โคะ นึง เลบ่านอน โฮ.

ซตอกรเง่อึม 20:2

กซัต เญือม ฮาวก รพาวม อื, มัฮ ตอก อื รเวีย ซิงโต อาวม โฮ. ป เซอึฮ ชุย กซัต เกือฮ รอก พาวม เมอ, ซดิ ไม่ ซ ยุม โกะ อื ฆาื อื.

ซตอกรเง่อึม 28:15

ป ตัตเตียง ปุย ป โกว อัมนัต แตะ ละ คัม ตุง แตะ ปุย ตุก ปุย ญัก เกอ, มัฮ โรฮ ตอก อื รเวีย ซิงโต อาวม โฮ, ตอก โรฮ เครีฮ ป เลียก ตอซู ไม่ ปุย โฮ.

ลืลาว 133:3

มัฮ โรฮ ตอก รอาวม รน่ะ นึง บลาวง เฮอโมน, ป ราื ฮอยจ นึง บลาวง ซีโยน โฮ. มัฮ นา เซ ก ซ ปิฮ พะจาว มุ่น ละ ปุย. มุ่น เซ เอีจ มัฮ จีวิต โอ เญาะ ไก ลอยจ.

มีคา 5:7

โม อิซราเอน ป ไอม ลั่ง อื เซ ซ มัฮ ตอก รอาวม รน่ะ ยุฮ พะจาว ป เกียฮ เกือฮ ปุย โฮวน เมือง โฮลฮ รพาวม ไมจ มวน แตะ เบือ อื. ซ มัฮ โรฮ ตอก เฮละ ซวย ป เกียฮ ไมจ ยุฮ พักเญือ ซมา ปุย โฮ. มัฮ โม ป เปิง พะจาว, มัฮ โตว เปิง อื ปุย ปลัฮเตะ.

ด่านีเอน 6:24

เญือม เซ กซัต ดวน ปุย กอก โม ป ฟึนฟอง ด่านีเอน เซ, เกือฮ อื ฮอยจ เตือง ปรโปวน เญือะ อื ไม่ กวน อื. เกือฮ ปุย น่าึก อื โตะ ทัม เซ. เญือม เซ ชวง อื ดิ เตือน โตว ฮอยจ ลังเตะ, โม รเวีย เซ ดัม เอิน เกียต อื. กุก เนะซอัง อื ดุต บลวย ตื ยุฮ อื.

ด่านีเอน 5:19

ปุย โครยญ เจือ โครยญ บั่น โครยญ เมือง โครยญ พาซา รกุฮ รเตียง ฆาื ฮลัต แตะ นึง เตะ เปอะ เซ, นึง เกือฮ พะจาว อัมนัต ระ เนอึม ละ อื. ดัฮ ฆวต ยุฮ ยุม ไม่ ปุย ออฮ ปุน ยุฮ เนอึม อื, ดัฮ ฆวต เกือฮ อื ไอม, ไอม เนอึม เบือ อื. ฆวต ดุฮ ป ออฮ แปน ป ระ ปุน ดุฮ อื, ดัฮ ฆวต เกือฮ ป ระ ป คาว แปน ปุย ตุเตียม ปุน ยุฮ โรฮ อื.

คูไมจพันญา 8:4

ไก โตว ป ซ โรวต ไฮมญ ญอย กซัต นึง ป ซ ยุฮ ซ อัฮ อื, นึง มัฮ กซัต เซ ป ยุฮ อัฮ โอเอีฮ โครยญ เจือ เบือ อัมนัต แตะ.

ลืลาว 72:6

ปัว เปอะ เกือฮ กซัต เซ แปน ป ชุม ป เย่น ตอก รอาวม เฮละ ป ราื ราว ไรป นึง กังเด่น โฮ, ตอก โรฮ รอาวม เฮละ ป โซ ปลัฮเตะ โรฮ.

เอซเทอ 7:8

เญือม เอีจ เอีญ กซัต เซ เน่อึม นึง รปึม โบ เญือะ แตะ เซ, ฮามัน เซ โมป ลั่ง ติ แตะ นึง เตียง อาวต เอซเทอ เซ ละ ซ ปัว อื เลียก พาวม นึง แตะ. กซัต เซ อัฮ เฮี ฆาื อื เรียง, “ปุย เฮี อัม มัฮ ซ คนัป อื ไอฮ พาวม ไม่ ปรโปวน เญือะ อาึ นึง เญือะ อะ ซองนา เยอะ เฮี เอิน?” อัฮ เซ. ป อัฮ กซัต เซ ดิ เตือน โตว ลอยจ, โม กวนไจ อื ฮอยจ เลอึป เอิน ไกญ ฮามัน เซ นึง บ่วตชุ.

2 ซามูเอน 23:4

ปุย เซ ซ ตอก ซเปีย ซเงะ เญือม โอก โรง อื โฮ. ตอก โรฮ เญือม บวยฮ มะลอง ฟวยจ เฮละ พริ โฮ, ละ ซ เกือฮ อื พักเญือ เกียฮ กวยฮ นึง ปลัฮเตะ.’

1 โมเซ 27:28

ปัว พะจาว เกือฮ ปะ โฮลฮ รอาวม รน่ะ เน่อึม นึง มะลอง, ไม่ เกือฮ เปอะ โฮลฮ ป ไมจ ป ญุ่ก เน่อึม นึง ปลัฮเตะ. ปัว พะจาว เกือฮ เฮงาะ รโกะ ละ เปอะ โฮวน, ไม่ เกือฮ อื รอาวม อะงุน ละ เปอะ กุมปอ.

5 โมเซ 33:28

มัฮ ตอก เซ ตอก ซ โฮลฮ โม อิซราเอน อาวต ไมจ อาวต มวน เนอ. โม จัตเจือ ยาโคป ซ โฮลฮ เนอึม อาวต ซโน นึง บั่นเมือง ยุฮ แตะ. มัฮ เนอึม ปลัฮเตะ ป โฮวน เฮงาะ รโกะ ไม่ รอาวม อะงุน นึง. รอาวม รน่ะ ยุฮ พะจาว ราื ลอป เอิน เน่อึม มะลอง.

อิซยา 18:4

พะจาว อัฮ อื ละ อาึ ตอก เฮี, “อาึ ซ กวย แก แลน โอเอีฮ เน่อึม นึง ก อาวต แตะ เมือง มะลอง, ตอก โรฮ กวย รน่ะ เระ ติ แตะ เมือ ก ซาวม อื เญือม ฮรวน บริ เมือ ปุน เฮงาะ โฮ, ตอก โรฮ ซอต รัง กอยจ ป กวย ซอต ติ แตะ เมือ กซะ อื โฮ.

เอซเทอ 1:12

เญือม โฮว กอก โม กวนไจ กซัต อื ตอก เซ, วัตที เซ ปังเมอ โอ ญอม ฮอยจ เคะ กซัต เซ. เญือม เซ กซัต เซ ฮาวก รพาวม เนอึม ฮาวก รพาวม แนม ฆาื อื.