4 โมเซ 3:9 - ้พระคัมภีร์ละว้า

⁹ ไมจ เปอะ มอป อาึง โม เลวี เซ ละ อาโรน ไม่ โม ป มัฮ กวน อาโรน เซ. โม เซ เอีจ มัฮ ป เลือก พะจาว อาึง เน่อึม นึง โม อิซราเอน ละ ซ โฮลฮ อาโรน โกว.

4 โมเซ 3:9 Referans Kwoze

4 โมเซ 8:19

อาึ เอีจ มอป โรฮ โม เลวี เซ ละ อาโรน ไม่ โม กวน อื เซ, แปน คองควน เกือฮ โม อิซราเอน ละ อื. โม เลวี เซ ซ โฮลฮ ยุฮ กัน นึง พากัง ระ เซ ไม่ ซ โฮลฮ อื แปน ควน เฆีญ โม อิซราเอน, เดอึม โม อิซราเอน เซ โอ ซ เลียก ซดิ ไม่ ฮอง ซัมคัน เซ, ไม่ โอ อื ซ เกิต ป โตะ ป ตอง ละ ฆาื อื,” อัฮ เซ พะจาว.

เอเฟโซ 4:11

เอีจ มัฮ พะคริต เซ ป ปละ ซาึต โอเอีฮ ละ ปุย. เอีจ ดุฮ อื แปน ป โฮว ฆรอ ลปุง ตัง แตะ ละ ปุย ง่อน. ดุฮ โรฮ อื แปน ป ซึป ลปุง แตะ ละ ปุย ง่อน, ดุฮ อื แปน ป เกียฮ ครอฮ ไลลวง กัน ระ ไล ยุฮ พะจาว ง่อน, ดุฮ อื แปน ป เกียฮ แลน แก ลุกซิก แตะ ไม่ ป เกียฮ เพอึก ปุย ง่อน.

เอเฟโซ 4:8

เอีจ ตอก อัฮ พะทัม อื เฮี, “เญือม ฮาวก พะโองจาว ฮอยจ ก ฮลาวง อื, เอีจ เมือะ โรวก โม ป ไป นึง แตะ ฮอยจ ไม่ แตะ โฮวน. เอีจ ปละ ซาึต โอเอีฮ ละ ปุย ไม่ อื โฮวน เจือ,” อัฮ เซ พะทัม.

4 โมเซ 3:8

ซ แปน ป แลน แก โอเอีฮ ป โกว ปุย นึง พากัง ระ ก ฮอยจ ปุย เคะ พะจาว, ไม่ ซ ยุฮ อื กัน ป เกว ไม่ พากัง ระ เซ รโตง โม อิซราเอน.

4 โมเซ 8:16

อาึ เอีจ รัป โม เลวี เซ แปน คอง โกะ แตะ ไอฮ รโตง กวน รเมะ โรง โม อิซราเอน เซ เตือง โอยจ อื. โม เลวี เซ เอีจ มัฮ เนอึม คอง อาึ.

4 โมเซ 16:9

อัม มัฮ แกต เปอะ มัฮ ป แตวะ ลอน ไล เกือฮ พะจาว โม เปะ ตัง โน่ง ฮา ปุย ไฮญ? โม เปะ เอีจ โฮลฮ เปอะ เลียก ซดิ ไม่ พะจาว ยุฮ อิซราเอน นึง ยุฮ เปอะ กัน เกว ไม่ พากัง ระ ยุฮ พะจาว ละ ซ ยุฮ เปอะ กัน ฆรอ โม ลัปซด่อน นึง กัน รซอฮ เปอะ ละ โม อิซราเอน เซ.

4 โมเซ 8:14

มัฮ เซ ป ไมจ เปอะ รกัฮ โม เลวี เซ เกือฮ ตัง โน่ง ฮา โม อิซราเอน ไฮญ นึง อื ฆาื อื, ละ ซ แปน โม เลวี เซ คอง อาึ.

4 โมเซ 8:18

อาึ เอีจ รัป โรฮ โม เลวี เซ รโตง กวน โรง โม อิซราเอน เซ, ละ ซ แปน อื คอง อาึ ไอฮ.

4 โมเซ 18:2

เญือม ยุฮ ปะ ไม่ โม กวน เปอะ กัน นึง พากัง นา ก อาวต อาึ เซ, ไมจ เปอะ เกือฮ โม คระ เฌือต เปอะ ป มัฮ โม เลวี เซ เรอึม เปอะ นึง กัน ยุฮ เปอะ.

3 กซัต 6:33

มอยฮ จัตเจือ ไพรม โม ป ไปญ กัน เซ ตวย เน่อึม นึง กวน แม ฮอยจ ละ เปือะ อื มัฮ ตอก เฮี. โม โคฮัต นึง อื มัฮ เฮมัน ป นัม โม ป เชีย เซ. จัตเจือ เฮมัน เซ เน่อึม นึง โกะ อื ซึป ตอ ปุ แตะ ฮอยจ ละ จัตเจือ ไพรม อื มัฮ ตอก เฮี, มัฮ เฮมัน, โยเอน, ซามูเอน, เอนคานา, เยโรฮัม, เอลีเอน, โทอา, ซูป, เอนคานา, มาฮัต, อามาไซ, เอนคานา, โยเอน, อาซาริยา, เซฟันยา, ทาฮัต, อัตซี, เอบี่ยาซัป, โครา, อิตซฮา, โคฮัต, เลวี, ยาโคป. (เน่อึม นึง เฮมัน เซ แม ฮอยจ ละ ยาโคป ไก 23 เจน ปุย.)

3 กซัต 15:2

ฟวยจ เซ กซัต ด่าวิต อัฮ เฮี, “พะจาว เอีจ เลือก โม เลวี ละ ซ กลอม โน่ง แตะ ฮิต ลปุง ซันญา ยุฮ พะจาว เซ, ไม่ แปน โรฮ แตะ ป รซอฮ ลอป ละ อื โอ เญาะ ไก ลอยจ. โนก ฮา โม เลวี เซ, ปุย ไฮญ ลัง กลอม โตว อื,” อัฮ เซ.

เอซรา 2:43

จัตเจือ โม ป ยุฮ กัน นึง วิฮัน นึง อื ป โฮลฮ อื เอีญ มัฮ ตอก เฮี. จัตเจือ ซีฮะ, ฮาชูฟา, ทัปบ่าโอต, เคโรต, ซีอาฮา, พาโด่น, เลบ่านา, ฮากาบ่า, อักคุป, ฮากาป, ชัมไล, ฮานัน, กิตเด่น, กาฮา, เรอายา, เรซีน, เนโคด่า, กัตซัม, อุตซา, ปาเซอา, เบ่ไซ, อัตนา, เมอูนิม, เนฟิซิม, บั่กบุ่ก, ฮาคูฟา, ฮารฮุน, บั่ตลุต, เมฮิด่า, ฮารชา, บ่ารโคต. ซิเซรา, เทมา, เนซิยา ไม่ ฮาทิฟา.

เอซรา 6:18

ปุย โม เซ เยอ ดุฮ โรฮ โม ซตุ ตัม กัน ลัง ยุฮ อื. เกือฮ โรฮ โม เลวี อาวต นึง เวน ละ ซ รซอฮ อื ละ พะจาว นึง เวียง เยรูซาเลม. มัฮ ยุฮ อื ตัม ป เอีจ ไซฮ ปุย อาึง นึง โกตไม ยุฮ ไอ โมเซ โฮ.

เอซรา 8:20

โนก ฮา ปุย โม เซ เยอ, ไก แม ลอา รอย ไม่ ง่า ปุย ป ลัง รซอฮ นึง วิฮัน เซ. เอีจ มัฮ ตื จัตเจือ โม ป โจต ด่าวิต อาึง มอยฮ อื ละ ซ เรอึม อื โม เลวี นึง วิฮัน เซ.