4 โมเซ 26:65 - ้พระคัมภีร์ละว้า

⁶⁵ พะจาว เอีจ อัฮ อาึง อื ตอก เฮี, “ปุย โม เซ ซ ยุม โอยจ นึง ลาึน เวือฮ,” อัฮ เซ. เอีจ เกิต เนอึม ตอก อัฮ พะจาว อื เซ. มัฮ คาเลป กวน เยฟูเน ไม่ โยชูวา กวน นูน โน่ง ป ไอม ลั่ง เงอ.

4 โมเซ 26:65 Referans Kwoze

4 โมเซ 14:38

ปุย กาว ลอา ป โฮว เลียป แลน เมือง เซ มัฮ โยชูวา กวน นูน ไม่ คาเลป กวน เยฟูเน โน่ง ป ไอม ลั่ง นึง อื.

นังซื รโปะ ปาวโล ละ คริตซจัก เวียง โรม 11:22

เอะ ยุ นึง เซ รพาวม ฮรัก ยุฮ พะจาว ไม่ เมาะ กัต เคง อื ละ ปุย. ละ โม ป เอีจ ไฆร ฮา คระ ยุฮ อื เอีจ เปลีฮ เมาะ กัต เคง แตะ ละ อื. ละ โม เปะ ปังเมอ เปลีฮ รพาวม ฮรัก แตะ ละ เปอะ, ดัฮ เปอะ อาวต ตัม รพาวม ฮรัก อื เซ. ดัฮ เปอะ โอ อาวต ตัม เซ ปังเมอ ซ เรียก โรฮ โปวฮ โม เปะ โรฮ.

4 โมเซ 14:35

อาึ มัฮ พะจาว. อาึ แจง ซ ยุฮ ตอก อัฮ แตะ ละ ปุย ฆอก ปุย เบร ติ มู เฮี นึง บะ อื ปุ แตะ ตอซู ไม่ อาึ. ซ ยุม เนอึม นึง ลาึน เวือฮ เฮี โครยญ โฆะ แตะ.’ ” อัฮ เซ พะจาว.

ยูด่า 1:5

โม เปะ ตึน ซ เอีจ ยุง เปอะ โอเอีฮ ไล เฮี. อาึ ปังเมอ ฆวต เกือฮ เปอะ โตก แนฮ ละ ตอก เกือฮ พะจาว โม อิซราเอน โปน ฮา เมือง อียิป เตือง โอยจ แตะ. กัง เคะ เอ พะจาว ปังเมอ ยุฮ ยุม ไม่ โม ป โอ เจือ แตะ.

2 โมเซ 12:37

โม อิซราเอน โฮว นึง ชวง แตะ เน่อึม นึง เมือง ราเมเซต โฮว คระ ย่วง ซุกโคต. โม ปรเมะ นึง อื โน่ง ไก ไม่ ปุ แตะ แลฮ แซน ปุย. โม ปรโปวน ไม่ โม กวนดุ นึง อื เมีญ โตว อื.

4 โมเซ 14:26

พะจาว อัฮ เฮี ละ ไอ โมเซ ไม่ อาโรน,

4 โมเซ 14:32

ไลลวง โม เปะ นึง อื ซ ยุม เฮีย เยือ เปอะ นึง ลาึน เฮี.

4 โมเซ 27:3

“เปือะ ก เญะ เอีจ ยุม นึง ลาึน เวือฮ เซ, เตือง โอ แตะ ไก กวน รเมะ ติ ปุย เนอึม. มัฮ โตว เลียก ดิ อื ไม่ โม โครา ป เลฮ เตียง พะจาว เซ, มัฮ ยุม อื ฆาื พิต มั่ป ยุฮ โกะ แตะ ไอฮ.

4 โมเซ 34:19

มอยฮ โม ฮัวนา เจอ ป ซ เรอึม เซ มัฮ ตอก เฮี. คาเลป กวน เยฟูเน มัฮ ฮัวนา เจอ ยูด่า.

5 โมเซ 1:36

มัฮ คาเลป กวน เยฟูเน โน่ง ป ซ โฮลฮ เลียก อาวต นึง เงอ. อาึ ซ เกือฮ เมือง ป โฮลฮ อื บึน เซ ละ อื ฮอยจ ละ จัตเจือ อื เฆียง เฮี, นึง ฟวต อื อาึ ไม่ รพาวม เนอึม แตะ,” อัฮ เซ ละ เปอะ พะจาว.

โยชูวา 5:4

ป เกือฮ โยชูวา ปุย เลียก นึง ริตกิต ฆาื อื มัฮ ตอก เฮี, เญือม โอก โรง โม อิซราเอน ฮา เมือง อียิป โฮ, โม ปรเมะ นึง อื เอีจ โฮลฮ ตื เลียก นึง ริตกิต เซ. โม กวนดุ ป เกิต ไน ติ เจน อาวต อื นึง ลาึน เวือฮ รปาวน เนอึม เซ, ปังเมอ โอ ดิ โฮลฮ เลียก นึง ริตกิต ติ ตื เนอึม. โม ป ไก อาญุ อื ปอ เกียฮ โฮว รุป แตะ เซิก เน่อึม เญือม โอก โรง อื ฮา เมือง อียิป โฮ, เอีจ ยุม โอยจ นึง คระ, มัฮ ยุม อื นึง โอ อื เนอึง ป อัฮ พะจาว. โม เซ โฮลฮ โตว เนอึม เลียก ยุ เมือง ตึม โครยญ โคะ โกะ โครยญ โกลง ป ซันญา พะจาว อาึง ละ จัตเจือ ไพรม อื เซ ฆาื อื. เอีจ ตอก เนอึม อัฮ พะจาว อาึง โฮ.

ลืลาว 37:9

ปุย ฆอก ปุย เบร พะจาว ซ ตุย แปฮ โปวฮ อื. ป อาึง รพาวม แตะ นึง พะจาว ปังเมอ ซ โฮลฮ อาวต ไมจ อาวต มวน นึง บั่นเมือง ยุฮ แตะ.