4 โมเซ 12:1 - ้พระคัมภีร์ละว้า

¹ ปรโปวน เญือะ ไอ โมเซ มัฮ ปุย เมือง คุต. ติ ซเงะ อื มิเรียม ไม่ อาโรน เติ ไอ โมเซ ฆาื ไอฮ อื ปุย เมือง คุต เซ.

4 โมเซ 12:1 Referans Kwoze

2 โมเซ 2:21

กวน อื เซ โฮว กอก เนอึม อื. ไอ โมเซ เอีญ เนอึม ฮอยจ เญือะ เซ. ลอต อาวต ไม่ อื. ฟวยจ เซ เรอูเอน เซ เกือฮ ซิปโปรา ป มัฮ กวน แตะ ละ ไอ โมเซ แปน ปุย เญือะ อื.

1 โมเซ 27:46

เญือม เซ เรเบ่คา อัฮ อื ละ ยิซฮัก ตอก เฮี, “อาึ เอีจ เตือ เอีจ ออป นึง ปรโปวน เญือะ เอซาว เฮี. โม เฮี เตอ มัฮ ปุย ตัง เมือง. ดัฮ ยาโคป ซ โคะ ไอฮ โรฮ โม ฮิตไท ตอก เซ โฮ อาึ แกต โกะ ลั่ก ยุม แตะ ฮา,” อัฮ เซ ละ อื.

1 โมเซ 24:37

ปอเลียง อาึ เอีจ เกือฮ อาึ ซันญา ซโตฮ อาึง อื ละ แตะ นึง โอ อื ซ เกือฮ อาึ ซาวป ปรโปวน เญือะ อื ละ กวน อื นึง เมือง คะนาอัน เซ.

กะลาเทีย 4:16

อัม เกละ เปอะ ยุ อาึ นึง อัฮ ฮะ ป เนอึม ป แนม ละ เปอะ?

โยฮัน 7:5

เญือม เซ ปัง มัฮ โม ปุ อื, ปุ โรฮ ดิ เจือ อื.

มัตไท 10:36

ปุย ติ เญือะ อา ซ ไก ไน เญือะ อื ไอฮ ป เกละยุ อู.

1 โมเซ 24:3

ฆวต เกือฮ เปอะ ซันญา อาึง เบือ มอยฮ เยโฮวา พะจาว กุม ปลัฮเตะ ปลัฮ มะลอง นึง โอ เปอะ ซ ซาวป ปรโปวน เญือะ กวน อาึ ละ อื ลลาึง ปุย เมือง คะนาอัน เฮี.

3 โมเซ 21:14

ไมจ โตว อื เญือะ ไม่ แมฮัง แมไม, ไม่ ปรโปวน ป แปน มอจังคึต. ไมจ อื ซาวป ป มัฮ ปรโปวน ไน โม โกะ แตะ ไม่ มัฮ อื ปเครีฮ ม่อง ลั่ง แปน ปุย เญือะ แตะ.

2 โมเซ 34:16

เญือม เซ ตึน ซ โคะ เลือก เปอะ กวน รโปวน อื แปน ปุย เญือะ กวน รเมะ เปอะ ง่อน. ปรโปวน โม เซ ตึน ซ นัปทื ลั่ง พะ โอ เนอึม โฮวน เจือ ยุฮ แตะ เซ, ตอก เอิน ไล ยุฮ ปุย ป โอ เนอึม รพาวม ละ ปรเมะ เญือะ แตะ โฮ. ซ ลอต นัม กวน รเมะ เปอะ แปน ปุย โอ เนอึม รพาวม ละ พะจาว ตอก เซ โรฮ. มัฮ เซ ป ไมจ เปอะ แฮน ติ แตะ ฆาื อื.”

1 โมเซ 41:45

เกือฮ มอยฮ อียิป ละ โยเซป ติ. อัฮ ซาเฟนัต ปาเนอา ละ อื. เกือฮ โรฮ ปรโปวน เญือะ อื ละ อื. มัฮ อาเซนัต กวน โปทีเฟรา ป มัฮ ซตุ เมือง โอน. อาญุ โยเซป ไก ง่วย เนอึม เญือม ยุฮ โรง อื กัน ละ กซัต เมือง อียิป เซ. โอก โฮว ฮา เญือะ กซัต โฮว ไป โฮว มา เลี่ป เมือง อียิป.

โยฮัน 15:20

ไมจ เปอะ ไตม ป อัฮ อาึ ละ แตะ, ‘กวนไจ ระ โตว ฮา ปอเลียง แตะ,’ เอีจ อัฮ เซ ละ เปอะ. ดัฮ โม เซ โคมเฮง อาึ, ตึน ซ โคมเฮง โรฮ โม เปะ โรฮ. ดัฮ โม เซ ยุฮ ตัม ป อัฮ อาึ โฮ, ตึน ซ ยุฮ โรฮ อื ตัม ป อัฮ โม เปะ โรฮ.

มัตไท 12:48

พะเยซู อัฮ เฮี ละ ปุย เซ, “มัฮ ปุย ป มัฮ มะ อาึ อื? มัฮ ปุย ป มัฮ เอียกปุ อาึ อื?” อัฮ เซ ละ อื.

2 โมเซ 2:16

เญือม เซ ไก ซตุ เมือง มีเดี่ยน ติ. ไก กวน เครีฮ อาแลฮ. ปุย อาแลฮ เซ ตาว แกะ ยุฮ เปือะ แตะ ฮอยจ นึง นัมโม่ เซ, เชียต รอาวม ละ แกะ เซ, โทก อื ละ อื โตะ กัวะ.

4 โมเซ 14:22

โม ป เอีจ ยุ รังซเปีย ยุฮ ฮุ เฮี แจง โรฮ โอ อื ซ ไก ติ ปุย เนอึม ป ซ โฮลฮ เลียก ยุ เมือง โคระ เซ. เอีจ มัฮ เมือง ซันญา อาึ อาึง ละ จัตเจือ ไพรม อื. โม เฮี ปัง ยุ อื กัน ซัมคัน ยุฮ อาึ นึง เมือง อียิป เปอ, ฮอยจ ละ กัน ซัมคัน นึง ลาึน เวือฮ เซ, เลฮ ลั่ง เตียง ป อัฮ อาึ. เอีจ ลอง รพาวม อาึ กาว โฮน เอิน, โม ป เพียก แฮม อาึ ตอก เซ ซ โฮลฮ โตว ยุ เมือง โคระ เซ ติ ปุย เนอึม.

4 โมเซ 26:59

ปรโปวน เญือะ อัมรัม เซ มัฮ โยเคเบ่ต, มัฮ จัตเจือ เลวี ป เกิต นึง เมือง อียิป โฮ. อัมรัม ไม่ โยเคเบ่ต เซ ไก กวน รเมะ ลอา ปุย, มัฮ อาโรน ไม่ ไอ โมเซ. ไก กวน รโปวน ติ ปุย, มัฮ มิเรียม ป มัฮ ออระ ไอ โมเซ ไม่ อาโรน เซ.