เนฮะมี 7:70 - ้พระคัมภีร์ละว้า

^70-72 ไก โฮวน ปุย ป ทไว ไคร มาื ละ เฌาะ ยุฮ ปุย วิฮัน เซ. ป มัฮ จาวเมือง เซ เรอึม อื นึง ไคร ติ เปือน เลียน ด่าริก ไม่ เชือม โบลง 50 ไบ่, ไม่ ลปิ โม ซตุ เซ 530 ปลัฮ. ป มัฮ ฮัวนา ไน ซฆลาวม อาวต อื เซ ง่อน อื ทไว ไคร ยุฮ แตะ ละ อื 20,000 เลียน ด่าริก. มัฮ แม มาื นัมนัก พามัน เมาะ 1,500 กิโลกรัม. โม ปุย ไฮญ นึง อื เกือฮ โรฮ ไคร 20,000 เลียน ด่าริก. มัฮ แม มาื นัมนัก พามัน เมาะ 1,300 กิโลกรัม. มัฮ แม ลปิ โม ซตุ 67 ปลัฮ.

เนฮะมี 7:70 Referans Kwoze

เนฮะมี 8:9

โม ลัปซด่อน เญือม ฮมอง อื รซอม ป ลาว ปุย ละ แตะ เซ, เยือม เอิน ฆาื อื. เญือม เซ เนฮะมี ป มัฮ จาวเมือง ไม่ เอซรา ป มัฮ ซตุ ไม่ มัฮ อื คู เพอึก พะทัม, ไม่ โม เลวี ป เกียฮ อาทิไบ่ ไลลวง โกตไม ยุฮ พะจาว เซ, อัฮ อื ละ ปุย ตอก เฮี, “เนาะ เฮี มัฮ ซเงะ ซัมคัน ละ เยโฮวา พะจาว ยุฮ เปอะ. ปุ เยือม, ปุ เกือฮ ติ เปอะ ตุก รพาวม เฟือฮ เอิน,” อัฮ เซ.

เยเรมี 52:19

ฮัวนา ตฮัน เซ โรวก โรฮ เชือม แตวะ, โดง อาวต รฆุ งอ, เชือม โบลง, โดง เดือง, ชวง ออม, ซนวน ระ, ไม่ เชือม เรฮ ปุย รอาวม อะงุน, เมาะ ป ยุฮ ปุย นึง ไคร ไม่ มาื เตือง โอยจ อื.

เนฮะมี 10:1

โม ป ดุฮ ทา ยุฮ แตะ นึง ไบ่ ซัมคัน เซ มัฮ ตอก เฮี มอยฮ อื. เมือ โรง อื มัฮ จาวเมือง ป มัฮ เนฮะมี กวน ฮาคาลิยา. มอยฮ โม ซตุ นึง อื มัฮ ตอก เฮี, มัฮ เซเด่คียา, เซไรอา, อาซาริยา, เยเรมี, ปาชเฮอ, อามาริยา, มันคิยา, ฮัตทัต, เชบ่านิยา, มันลุก, ฮาริม, เมเรโมต, โอบ่าดี่, ด่านีเอน, กินเนโทน, บ่ารุก, เมชูลัม, อาบี่ยา, มิยามิน, มาอาซิยา, บิ่นไก, ไม่ เชไมอา.

เนฮะมี 7:65

เญือม เซ ป มัฮ จาวเมือง ยุฮ โม ยิว เซ อัฮ เฮี ละ อื, “ปุย โม เฮี เกียฮ โซม ปอน โตว โอเอีฮ ทไว ปุย ละ พะจาว, ไน ติ เจน กา เฆียง ไฮมญ โม ซตุ โอเอีฮ ละ อื นึง อุริม ไม่ ทุมิม เซ,” อัฮ เซ.

4 กซัต 4:11

ฟวยจ เซ ฮุรัม เซ ยุฮ แม โดง ไม่ เชือม ไม่ ควน ชาวก จะ แม. เมาะ ป ดวน กซัต ซาโลมอน ฮุรัม ยุฮ ละ ซ โกว อื นึง วิฮัน ยุฮ พะจาว เซ, ฟวยจ เมาะ เซ.

4 กซัต 4:8

ยุฮ แม โรฮ โตะ ละ อาวต คโนมปัง กาว ตัว. อาึง อื โตะ กไน วิฮัน เซ ลวง ลั่กเซฮ อื พอน ตัว, อาึง แม โรฮ อื ลวง ลั่กล่าวง พอน ตัว โรฮ. ยุฮ แม เชือม โบลง ไคร ติ รอย.

3 กซัต 28:17

รโฮงะ โรฮ เมาะ ไมจ อื โกว ไคร ละ ควน มัก โตะ, เชือม โบลง, ไม่ จอก รอาวม, ฮอยจ ละ เมาะ ไมจ อื โกว มาื ไคร นึง ยุฮ อื กลอง เชือม นึง อื.

1 กซัต 7:45

มัฮ แม โดง ไม่ เชือม ไม่ ควน ชาวก จะ. โอเอีฮ ป ยุฮ ฮีรัม ละ วิฮัน ยุฮ พะจาว เตือง โอยจ อื เซ ยุฮ เนอึม อื นึง ไร ซเงี ญื ปุย เกือฮ ตอฮ ตัม ป ดวน กซัต ซาโลมอน แตะ ยุฮ.

2 โมเซ 24:6

ไอ โมเซ ตุย ฮนัม โมวก เซ บลัฮ, อาึง อื โตะ เชือม โบลง. บลัฮ อื ซพรอต อื นึง คัน ทไว เซ.

2 โมเซ 12:22

ฮนัม อื ไมจ เปอะ ละ อาึง โตะ เชือม ติ. ไอฮ ฮลาึง ลเวือง ละ ติ ซอป. ชึต นึง ฮนัม เซ. ตา นึง มะ รเวือะ เญือะ เปอะ เตือง ลวง ราว อื ไม่ ลวง เฆียง อื เตือง ลอา ก บลัฮ อื. ปุ เกือฮ ปุย ไน เญือะ เปอะ โอก ก พริ เญือะ แตะ ติ ปุย เนอึม ฮอยจ ละ ปวยฮ พริ.