เนฮะมี 13:13 - ้พระคัมภีร์ละว้า

¹³ อาึ ดุฮ แม ปุย ละ ซ เกือฮ แตะ แปน ป แลน แก โอเอีฮ ทไว ปุย นึง วิฮัน เซ. ป ดุฮ ฮุ เซ มัฮ เชเลมิยา ป มัฮ ซตุ เซ, ไม่ ซาโด่ก ป มัฮ คู เพอึก พะทัม, ไม่ เปด่ายา ป มัฮ โม เลวี, ไม่ ป เรอึม อื ติ ปุย ป มัฮ ฮานัน กวน ซักเกอ, ปุก มัฮ กวนโซะ มัตทานิยา. อาึ เจือ รพาวม ปุย โม เซ นึง มัฮ อื ปุย เนอึม รพาวม. กัน เกือฮ ฮะ ยุฮ อื เซ มัฮ เกือฮ แปน ป มอง จัต โอเอีฮ ละ โม เอียกปุ เลวี แตะ.

เนฮะมี 13:13 Referans Kwoze

เนฮะมี 7:2

อาึ ดุฮ โรฮ ปรเมะ ลอา ปุย แปน ป ตัตเตียง เยรูซาเลม, มัฮ ฮานานี ป มัฮ เอียกปุ อาึ, ไม่ ฮานันยา ป มัฮ ฮัวนา นึง ปอม ตฮัน เซ. ฮานันยา เซ มัฮ ปุย เนอึม รพาวม, ไม่ มัฮ อื ปุย นัปทื เนอึม พะจาว โฮฮ ฮา ปุย ไฮญ.

2 กซัต 22:7

โม ป กุม กัน นึง วิฮัน เซ มัฮ เนอึม ปุย ซืไซ. เญือะ จัมเปน เปอะ โตว ซาวป แม กวต แลน บั่นชี ยุฮ อื,” อัฮ เซ กซัต เซ.

1 โคริน 4:2

โม ป โซะโกะ ฮรักซา นึง โอเอีฮ ยุฮ ปุย ไมจ อื แปน ปุย เนอึม รพาวม.

กันไกญกอ 6:3

เอียกปุ, ไมจ เปอะ เลือก ปุย ไน โม เปะ ไอฮ อาแลฮ ปุย, ป มัฮ ปุย ไมจ มอยฮ ไม่ เนอึม รพาวม แตะ, ป นาวก นึง ลปุ พะจาว, ไม่ กัมกึต วิไซ ไมจ แตะ. ซ ดุฮ ฮุ แปน ป คิต กัน เฮี.

กันไกญกอ 6:1

ฟวยจ เซ เยอ เญือม เอีจ โฮวน ลุกซิก ปุๆ, โม ป ลปุง กริก เติ โม ป ลปุง ฮีบรู, นึง โอ โม แมฮัง ป มัฮ ไน โม โกะ อื โฮลฮ โอเอีฮ เญือม จัต ปุย โอเอีฮ โครยญ ซเง่ะ เซ.

เนฮะมี 12:44

เญือม เซ ปุย โม เซ เลือก อาึง ปุย ละ ซ เกือฮ แตะ แปน ป มอง แลน แก โอเอีฮ ทไว ปุย นึง วิฮัน เซ, เตือง เปลิ โรง ป โฮลฮ อื เน่อึม ป ซมา ลโลวง แตะ, ไม่ ป ทไว อื กาว ปุน ติ ปุน เซ. รโจะ อาึง อื ละ โม ซตุ ไม่ โม เลวี, ตัม ป ไซฮ ปุย อาึง นึง โกตไม โฮ. เอีจ มัฮ โอเอีฮ โฮลฮ อื เน่อึม นึง ชิจ นึง ม่า ยุฮ แตะ ไอฮ โครยญ เญือะ โครยญ ย่วง, นึง ปุก ลัมเลือ ป ยุฮ โม ซตุ ไม่ โม เลวี เซ รพาวม โม ยูด่า เซ.

2 กซัต 12:15

โม ป มัฮ ซตุ เซ เกือฮ โตว โรฮ โม ป ไปญ มาื เซ ยุฮ บั่นชี ตอก ไจ แตะ มาื นึง เอีจ ยุฮ โม เซ กัน ไม่ รพาวม ซืไซ แตะ.

1 ทิโมที 3:10

ไมจ เปอะ แลน กัน ยุฮ อื ฮัม. ฟวยจ แลน เปอะ ดัฮ กัน ยุฮ อื ไมจ โฮ, เดอึม เปอะ ไมจ ดุฮ แปน ป เรอึม โม ป กวต.

1 ทิโมที 1:12

อาึ ญันดี่ ไม่ พะเยซูคริต จาว ยุฮ เอะ, ป เกือฮ อาึ ไก เรียง แด่น ละ ซ ยุฮ แตะ กัน ละ อื, นึง เมีญ อื อาึ มัฮ ปุย เนอึม รพาวม, ไม่ ดุฮ อื อาึ แปน ปุย โฮลฮ รซอฮ ละ แตะ.

กันไกญกอ 4:35

งวยฮ ป โชะ อื เซ เอีญ ตาว มอป อื ละ ป มัฮ ไกญกอ ยุฮ แตะ. โม เซ รฆุ โอเอีฮ ละ ปุย เตือง โอยจ อื ตัม เมาะ ตุก อื นึง.

ลูกา 12:42

พะโองจาว โลยฮ อื, “ดัฮ ไก กวนไจ เนอึม รพาวม เมอ, ไม่ ไมจ พันญา แตะ ปอ ปุน เกือฮ ปอเลียง อื แปน ฮัวนา กวนไจ ยุฮ แตะ เตือง โอยจ อื, ไม่ จัต อื ป โซม ละ กวนไจ ไฮญ อื เญือม เติง เวลา อื,

เนฮะมี 11:22

ป มอง ควป คุม กัน ยุฮ โม เลวี นึง เวียง เยรูซาเลม เซ มัฮ อุตซี กวน บ่านี, ปุก มัฮ กวนโซะ ฮาชาบิ่ยา. โม จัตเจือ ไพรม อื มัฮ มัตทานิยา ไม่ มีคา. มัฮ ปุย ไน ซฆลาวม อาซัป. ซฆลาวม อาซัป เซ มัฮ โรฮ ป มอง ควป คุม กัน เชีย ปุย นึง วิฮัน เซ.

เนฮะมี 8:4

เอซรา ป มัฮ คู เพอึก พะทัม เซ ชุง นึง เวที ป ยุฮ ปุย นึง โคะ ละ โกว อื นึง กัน เซ. ป มัฮ มัตทีทิยา, เชมา, อานายา, อุรีอา, ฮินคียา, ไม่ มาอาเซอา, ชุง ลวง เฆียง ลั่ก ดอม อื. ป มัฮ เปด่ายา, มิชาเอน, มันคิยา, ฮาชุม, ฮัตบั่ตด่านา, เซคาริยา, ไม่ เมชุนลัม, ชุง ลวง เฆียง ลั่ก วิ อื.

เนฮะมี 3:30

ฮานันยา ป มัฮ กวน เชเลมิยา ไม่ ฮานูน ป มัฮ กวน รเมะ ซาลัป ป มัฮ ปุย แลฮ นึง อื, เพรียง โรฮ อื โบ ปุย เซ. เมชูลัม ป มัฮ กวน เบ่เรคิยา เพรียง โรฮ ซืนา ลั่กกา เญือะ โกะ แตะ.

เนฮะมี 10:38

เญือม เอีจ โฮลฮ โม เลวี โอเอีฮ ป ลัง ตาว ปุย ละ แตะ เซ, โม ซตุ จัตเจือ อาโรน ไมจ อื อาวต ไม่ โม เลวี เซ. ฟวยจ เซ โม เลวี เซ ไมจ โรฮ อื ตาว ป โฮลฮ แตะ เซ. ไน กาว ปุน เซ ไมจ โรฮ อื ตาว ตา ติ ปุน ฮอยจ นึง ก แฮรน ปุย โอเอีฮ ทไว แตะ นึง วิฮัน ยุฮ พะจาว เซ.

2 กซัต 12:16

มาื ป โฮลฮ โม ซตุ เน่อึม นึง โม ป ฮอยจ โตฮ ติ แตะ ฮา มั่ป ยุฮ แตะ ไม่ โม ป ทไว ควน ยวก มั่ป กัฮ ตุต เซ, ปุ โรฮ อาึง อื นึง วิฮัน ยุฮ พะจาว เซ นึง มัฮ อื ป ลัง ละ โม ซตุ เซ.