เนฮะมี 11:3 - ้พระคัมภีร์ละว้า

³ ไก โม อิซราเอน ง่อน ป อาวต อื นึง ย่วง โกะ แตะ ไอฮ. เอีจ มัฮ โม ซตุ, โม เลวี, โม ป ยุฮ กัน นึง วิฮัน, ไม่ โม จัตเจือ กวนไจ ซาโลมอน ง่อน. เคียง เฮี โฮว มัฮ มอยฮ โม ฮัวนา นึง เมือง ยูด่า, ป โฮว อาวต นึง เวียง เยรูซาเลม เซ.

เนฮะมี 11:3 Referans Kwoze

เนฮะมี 7:73

เญือม เซ ป มัฮ โม ซตุ ไม่ โม เลวี, โม ป มอง ญัม, โม นัก โด่นตรี, โม ป ยุฮ กัน นึง วิฮัน เซ, ไม่ โม ลัปซด่อน เมาะ ป มัฮ โม อิซราเอน เตือง โอยจ อื, ลอต ยุฮ เญือะ อาวต คราว โซม แตะ นึง เมือง ยูด่า เซ, เตือง ย่วง ระ ย่วง แตวะ นึง อื.

เอซรา 2:43

จัตเจือ โม ป ยุฮ กัน นึง วิฮัน นึง อื ป โฮลฮ อื เอีญ มัฮ ตอก เฮี. จัตเจือ ซีฮะ, ฮาชูฟา, ทัปบ่าโอต, เคโรต, ซีอาฮา, พาโด่น, เลบ่านา, ฮากาบ่า, อักคุป, ฮากาป, ชัมไล, ฮานัน, กิตเด่น, กาฮา, เรอายา, เรซีน, เนโคด่า, กัตซัม, อุตซา, ปาเซอา, เบ่ไซ, อัตนา, เมอูนิม, เนฟิซิม, บั่กบุ่ก, ฮาคูฟา, ฮารฮุน, บั่ตลุต, เมฮิด่า, ฮารชา, บ่ารโคต. ซิเซรา, เทมา, เนซิยา ไม่ ฮาทิฟา.

เอซรา 2:1

ฟวยจ เซ ไก โม ครา โฮวน ปุย ป โฮลฮ โอก เอีญ เน่อึม เวียง บ่าบี่โลน เซ เอีญ ฮอยจ นึง เวียง เยรูซาเลม ไม่ เมือง ยูด่า, ตัง โคน ตัง ฮอยจ นึง ย่วง โกะ แตะ ไอฮ. ปุย โม เซ มัฮ โม ป โฮลฮ กซัต เนบู่คัตเนซัน โฮมวต โรวก ละ ซ เกือฮ อื แปน ครา แตะ นึง เวียง บ่าบี่โลน เซ.

เนฮะมี 11:20

โม อิซราเอน โนก ฮา ปุย โม เซ, เตือง โม ซตุ ไม่ โม เลวี นึง อื เซ, อาวต นึง ย่วง อาวต โกะ แตะ, ป มัฮ นาตี มอป ปุย ละ อื นึง เมือง ยูด่า เซ โครยญ โฆะ แตะ.

เนฮะมี 7:6

โม เฮี มัฮ โม ป เอีญ เน่อึม แปน แตะ ครา นึง เมือง บ่าบี่โลน, เอีญ ฮอยจ นึง เวียง เยรูซาเลม ไม่ เมือง ยูด่า. ลอต อาวต นึง ย่วง โกะ แตะ ไอฮ เตือง ไพ เตือง มัน. จัตเจือ อื เอีจ โฮลฮ แปน ครา นึง เมือง บ่าบี่โลน เซ, เน่อึม เญือม โฮมวต กซัต เนบู่คัตเนซา โรวก โฮ.

เอซรา 2:70

โม ซตุ ไม่ โม เลวี ไม่ โม ลัปซด่อน ง่อน ลอต เอิน อาวต นึง เวียง เยรูซาเลม ไม่ ย่วง แควน เซ. โม ป เชีย นึง อื ไม่ โม ป มอง ญัม นึง อื ไม่ โม ป ยุฮ กัน นึง วิฮัน เซ ลอต โรฮ อาวต นึง ย่วง ก ซดิ อื ไม่ นา เซ. โม อิซราเอน ไฮญ นึง อื ซาวป อาวต ก อาวต จัตเจือ ไพรม แตะ.

เนฮะมี 11:4

ปุย ไน เจอ ยูด่า นึง อื มัฮ อาทายา กวน อุตซียา, ปุก มัฮ กวนโซะ เซคาริยา. โม จัตเจือ ไพรม อื มัฮ อามาริยา, เชฟาทิยา, ไม่ มาฮะลาเลน, ป มัฮ จัตเจือ โม เปเรต นึง อื.

เนฮะมี 7:7

ป มัฮ ฮัวนา โม เซ มัฮ เซรูบ่าเบ่น, เยชูอา, เนฮะมี, อาซาริยา, ราอามิยา, นาฮะมานี, มอเด่ไค, บิ่นชัน, มิตเปเรต, บิ่กไว, เนฮุม, ไม่ บ่าอานา.

เนฮะมี 7:39

มอยฮ ปุย โม เฮี มัฮ มอยฮ ซฆลาวม โม ซตุ ป เอีญ เน่อึม แปน แตะ ครา เซ. ซฆลาวม เยด่ายา ป มัฮ จัตเจือ เยชูอา ไก 973 ปุย ซฆลาวม อิมเมอ นึง อื ไก 1,052 ปุย ซฆลาวม ปาตเฮอ นึง อื ไก 1,247 ปุย ซฆลาวม ฮาริม นึง อื ไก 1,017 ปุย

เนฮะมี 7:43

ป เอีญ เน่อึม แปน แตะ ครา เซ ป มัฮ โม เลวี นึง อื มัฮ ตอก เฮี, ซฆลาวม เยชูอา ไม่ คัตมีเอน ป มัฮ จัตเจือ โฮด่าวิยา ไก 74 ปุย โม นักโด่นตรี อาวต นึง วิฮัน เซ ป มัฮ จัตเจือ อาซัป ไก 148 ปุย ป มอง ญัม นึง วิฮัน เซ ป มัฮ จัตเจือ ชันลุม ไม่ อาเทอ, ไม่ ทันโมน, อักคุป, ฮาทิทา, ไม่ โชไบ่ ไก 138 ปุย

เนฮะมี 7:46

ป เอีญ เน่อึม แปน แตะ ครา เซ ป มัฮ ป รซอฮ นึง วิฮัน นึง อื มัฮ ซฆลาวม ปุย โม เฮี, ซีฮะ, ฮาซูฟา, ทัปบ่าโอต, เคโรต, ซีอา, พาโด่น, เลบ่านา, ฮากาบ่า, ชันไม, ฮานัน, กิตเด่น, กาฮา, เรอายา, เรซีน, เนโคด่า, กัตซัม, อุตซา, ปาเซอา, เบ่ไซ, เมอูนิม, เนฟูซิม, บั่กบุ่ก, ฮาคูฟา, ฮารฮุน, บั่ตลิต, เมฮิด่า, ฮารชา, บ่ารโคต, ซิเซรา, เทมา, เนซิยา ไม่ ฮาทิฟา.