เนฮะมี 11:14 - ้พระคัมภีร์ละว้า

¹⁴ ปุย ไน ซฆลาวม เซ ป มัฮ ตฮัน เกง เลือ นึง อื ไก ติ รอย ไม่ ง่า โรฮ ซเตะ ปุย. ป มัฮ ฮัวนา ยุฮ อื มัฮ ซัปดี่เอน กวน ฮักเกโด่ลิม.

เนฮะมี 11:14 Referans Kwoze

เนฮะมี 11:13

ปุย ไน ซฆลาวม เซ ไก ลอา รอย ไม่ รปาวน โรฮ ลอา ปุย ป มัฮ ฮัวนา ครอปครัว นึง อื. ติ ซฆลาวม อื แม มัฮ โม อามัตไช กวน อาซาเรน, ปุก มัฮ กวนโซะ อักไซ. ป มัฮ จัตเจือ ไพรม อื มัฮ เมชินเลโมต ไม่ อิมเมอ.

เนฮะมี 11:15

ป มัฮ เจอ เลวี นึง อื มัฮ เชไมอา กวน ฮัตชุป, ปุก มัฮ กวนโซะ อัตรีคัม. โม จัตเจือ ไพรม อื มัฮ ฮาชาบิ่ยา ไม่ บุ่นนี.

เนฮะมี 11:22

ป มอง ควป คุม กัน ยุฮ โม เลวี นึง เวียง เยรูซาเลม เซ มัฮ อุตซี กวน บ่านี, ปุก มัฮ กวนโซะ ฮาชาบิ่ยา. โม จัตเจือ ไพรม อื มัฮ มัตทานิยา ไม่ มีคา. มัฮ ปุย ไน ซฆลาวม อาซัป. ซฆลาวม อาซัป เซ มัฮ โรฮ ป มอง ควป คุม กัน เชีย ปุย นึง วิฮัน เซ.

3 กซัต 9:13

โม ซตุ ป มัฮ ฮัวนา ครอปครัว เตือง โอยจ อื ไก 1,760 ปุย. โม เซ มัฮ ตื ป เกียฮ ยุฮ กัน ป เกว ไม่ กัน รซอฮ นึง วิฮัน ยุฮ พะจาว เซ.

3 กซัต 26:6

เชไมอา กวน โอเบ่ตเอโด่ม เซ, ไก แม โรฮ กวน รเมะ แลฮ ปุย, มัฮ โอตนี, เรฟาเอน, โอเบ่ต, เอนซาบั่ต, เอลีฮู, ไม่ เซมาคิยา. ปุย โม เซ เยอ, เกง ตื นึง กัน ยุฮ แตะ. ป มัฮ เอลีฮู ไม่ เซมาคิยา ปุ รเคะ เญือะ อื ลอา ปุย เซ, เกง แม ฮา ปุย ไฮญ นึง อื แม.

เนฮะมี 12:42

มัฮ แม อามาเซอา, เชไมอา, เอเลอาซา, อุตซี, เยโฮฮานัน, มันคิยา, เอลัม, ไม่ เอเซอ. เญือม เซ โม ป เชีย เซ เชีย เรียง. ฮัวนา โม ป เชีย เซ มัฮ ยิซรายา.