เนฮะมี 10:28 - ้พระคัมภีร์ละว้า

²⁸ “โม เอะ เตือง โอยจ เจอะ ป มัฮ โม ซตุ, โม เลวี, โม ป มอง ญัม, โม นัก โด่นตรี, โม ป ยุฮ กัน นึง วิฮัน เซ, ไม่ โม ลัปซด่อน เตือง โอยจ อื เมาะ ป เอีจ ปุน ทอเนาะ ติ แตะ ฮา ปุย ตังเมือง ป อาวต ลลาึง แตะ เซ, ละ ซ ยุฮ แตะ ตัม โกตไม ยุฮ พะจาว เซ, เตือง โม ปรโปวน เญือะ อะ ไม่ โม กวน เฌือต เตอะ, เมาะ ป เอีจ เกียฮ คาวไจ โอเอีฮ โครยญ โฆะ อื,

เนฮะมี 10:28 Referans Kwoze

เนฮะมี 9:2

โม อิซราเอน ทอเนาะ ติ แตะ ฮา ปุย ตัง เมือง, ชุง รโซะ พิต ยุฮ แตะ, ไม่ รโซะ อื พิต โฌวะ ยุฮ โม จัตเจือ ไพรม แตะ.

นังซื รโปะ ปาวโล ละ คริตซจัก เวียง โรม 1:1

อาึ มัฮ ปาวโล. มัฮ กวนไจ ยุฮ พะเยซูคริต. พะจาว เอีจ กอก อาึ เอีญ เคะ แตะ ละ ซ เกือฮ อื อาึ แปน ป โฮว ฆรอ ลปุง ตัง แตะ. เลือก โรฮ อาึ ละ ซ แปน ป ครอฮ ไลลวง กัน ระ ไล ยุฮ แตะ ละ ปุย.

เยเรมี 4:2

ดัฮ เปอะ โกว มอยฮ อาึ นึง ลปุง ซันญา แตะ ไม่ อัฮ เปอะ ป เนอึม ไตม เปอะ ป ซื โครยญ เจือ, ปุย ตังเมือง ซ ปัว อาึ ปิฮ มุ่น ละ แตะ ฆาื อื. ซ ยุง ลืลาว เนอึม อาึ ป มัฮ พะจาว เบือ โม เปะ,” อัฮ เซ พะจาว.

คูไมจพันญา 5:2

ปุ เกือฮ ติ เปอะ พราวป ลอน ละ ซ ซันญา เปอะ โอเอีฮ ซองนา พะจาว. ไมจ เปอะ ง่อต ไน่ ป ซ อัฮ แตะ. พะจาว มัฮ ป อาวต เมือง มะลอง, โม เปะ อาวต เปอะ นึง ปลัฮเตะ. มัฮ เซ ป โอ เปอะ ไมจ อัฮ โอเอีฮ โฮวน ลอน ฆาื อื.

ลืลาว 47:7

นึง มัฮ พะจาว เซ กซัต ป ตัตเตียง ปุย ปลัฮเตะ เตือง โอยจ อื. ไมจ เปอะ ลืลาว มอยฮ อื นึง รซอม เชีย เปอะ.

เนฮะมี 13:3

เญือม ฮมอง อื โกตไม คอ เซ เยอ, โม อิซราเอน รกัฮ โม ปุย ตังเมือง เซ เตือง โอยจ อื เกือฮ โอก ฮา นา ก โพรม แตะ ฆาื อื.

เอซรา 2:70

โม ซตุ ไม่ โม เลวี ไม่ โม ลัปซด่อน ง่อน ลอต เอิน อาวต นึง เวียง เยรูซาเลม ไม่ ย่วง แควน เซ. โม ป เชีย นึง อื ไม่ โม ป มอง ญัม นึง อื ไม่ โม ป ยุฮ กัน นึง วิฮัน เซ ลอต โรฮ อาวต นึง ย่วง ก ซดิ อื ไม่ นา เซ. โม อิซราเอน ไฮญ นึง อื ซาวป อาวต ก อาวต จัตเจือ ไพรม แตะ.

3 โมเซ 20:24

อาึ เอีจ ซันญา อาึง ซ เกือฮ แตะ ปลัฮเตะ ตึม โครยญ โคะ โกะ โครยญ โกลง เซ ละ เปอะ เกือฮ แปน คอง เปอะ, ไม่ ซ เกือฮ เนอึม แปน ลอป คอง เปอะ. อาึ มัฮ เยโฮวา พะจาว ยุฮ เปอะ, ป เอีจ เกือฮ โม เปะ อาวต ตัง โน่ง ฮา ปุย ไฮญ.

เอซรา 6:21

โม อิซราเอน ป เอีญ เน่อึม แปน แตะ ครา เซ, ไม่ ปุย ไฮญ ป ญอม เลียก ดิ ไม่ อื, เมาะ ป เอีจ ปุน ทอเนาะ อื ติ แตะ ฮา กัน ฆอก ยุฮ ปุย เมือง เซ เตือง โอยจ อื, ละ ซ นัปทื อื เยโฮวา ป มัฮ พะจาว ทื โม อิซราเอน เซ, โฮลฮ โซม ดิ ไม่ ปุ แตะ.