มีคา 3:7 - ้พระคัมภีร์ละว้า

⁷ เญือม เซ โม ป เกียฮ รโฮงะ ป ซ เกิต ลั่กกา ปุย เซ, ซ อาวต ไม่ โซะกิจ ปิญไง่ แตะ นึง โอ อื ปุก ยุฮ ป อัฮ ป อู แตะ. ซ โฮลฮ โชะ นา แตะ นึง โอ พะจาว เญาะ โลยฮ รซอม ปัว อื เซ.

มีคา 3:7 Referans Kwoze

เซคาริยา 13:4

“ซเงะ เซ โม ป อัฮ ติ แตะ มัฮ ป ซึป ลปุง พะจาว โครยญ โฆะ อื เซ, ซ โซะกิจ นึง ป อัฮ ป มวยญ โกะ แตะ ไม่ โม ป โคะ ติ แตะ ยุ บลอง โอเอีฮ เซ. เญือะ ซ โรวต โตว จาวป เครอึง ฮาึก ซัตซิง ละ ซ ซาวป แตะ จุ ปุย นึง.

อิซยา 44:25

เอีจ เกือฮ ควน ซโปก ยุฮ โม โฮม พี โอ เญาะ ไก ป มัฮ ละ ปุย. เอีจ เกือฮ โรฮ โม ป ดู่เมือ ลอต แปน ปุย โอ ยุง โอเอีฮ. เอีจ เกือฮ โม ป เฮียง ลอต แปน ปุย งาว. เอีจ เกือฮ โรฮ โม ป ฮลาวง ป ยุง ราึต ลั่กเคะ แตะ.

อาโมต 8:11

พะจาว เยโฮวา อัฮ โรฮ เฮี, “เอีจ ซ เติง เวลา อื, เญือม เซ อาึ ซ เกือฮ เมือง เฮี ไปลญ โครยญ โดฮ. มัฮ โตว ไปลญ อื อาวป. มัฮ โตว ไปลญ โอ โฮลฮ ญุ รอาวม. ปุย มัฮ ซ ไปลญ อื นึง โอ แตะ เญือะ ฮมอง ลปุง พะจาว.

เอเซเคียน 24:17

ดัฮ เปอะ ฮมอยจ ปุ เกือฮ ปุย ฮมอง เซียง อื. ปุ อาวต โยะ โคะไฆญ เปอะ. ปุ โรฮ โฮว โนก เกิป เปอะ ละ ซ เปลีฮ เปอะ รพาวม ตุก แตะ. ปุ เลอึป นา เปอะ ไม่ โอ เปอะ ไมจ โซม ป โซม โม ป เยือม ป ยุม โฮ,” อัฮ เซ เนิ.

1 ซามูเอน 28:6

ซาอุน เซ ไฮมญ ตอก ซ ไมจ แตะ ยุฮ นึง พะจาว ฆาื อื, พะจาว ปังเมอ โอ โลยฮ อื เฟือฮ, ปัง มัฮ นึง รโมะ อื, ปัง มัฮ นึง อูริม ไม่ ทูมิม, ปัง มัฮ นึง โม ป ซึป ลปุง พะจาว, โลยฮ โตว อื ติ ตื.

3 โมเซ 13:45

“โม ป ลอก ลาวต เซ, ไมจ อื จาวป ปุ โฮว เครอึง ชุ เครอึง แฌฮ, ไม่ พลวย โรฮ อื ฮาึก แตะ เกือฮ ลั่ง. เกือฮ โรฮ เพาะ มวยญ แตะ ไม่ อัฮ อื ปุ โฮว เฮี, ‘รแอม, รแอม’ ไมจ อื อัฮ ลอป เซ.

มีคา 7:16

เญือม เซ ปุย โฮวน เมือง เซ ซ โฮลฮ ยุ อื, ไม่ ซ ไป เอิน อื เตือง มัฮ แตะ ป ระ เรียง แด่น. โม เซ ซ ดุป เอิน มวยญ แตะ, ซ เกลาะ เอิน ฮยวก แตะ ฆาื อื.

เอเซเคียน 24:22

เญือม เซ โม เปะ ซ ยุฮ โรฮ เปอะ ตอก ยุฮ อาึ อื เฮี. ซ เลอึป เปอะ โตว นา แตะ, ไม่ โอ เปอะ ซ โซม ป โซม โม ป เยือม ป ยุม.

ลืลาว 74:9

เอะ เญือะ โฮลฮ โตว ยุ ป มัฮ เคืองไม ซัมคัน ยุฮ แตะ, ป ซึป ลปุง พะจาว ลลาึง โม เอะ ปุ โรฮ เญือะ ไก. ซ มัฮ ลั่ง ตอก เซ เลี่ญ เมาะ เมอ, ไก โตว ป ยุง เงอ.

1 ซามูเอน 28:15

ฟวยจ เซ ซามูเอน ลปุง ไม่ ซาอุน. อัฮ เฮี ละ อื, “ปะ เมอยุ ฆวต ซุกซัก เปอะ อาึ อื? เกียฮ กอก โน่ง เปอะ อาึ ฮอยจ เคะ แตะ เมอ?” อัฮ เซ ละ อื. ซาอุน โลยฮ อื, “อาึ ตุก ลัมเลือ รพาวม เมอะ, นึง ฮอยจ โม ฟีลิซเตีย โบ แตะ ละ ซ รุป อื ปุ แตะ ไม่ เยอะ. พะจาว เอีจ ลเตือฮ ติ แตะ ฮา เยอะ, ไม่ โอ อื เญาะ โลยฮ รซอม ปัว อาึ นึง แตะ เฟือฮ เอิน, ปัง มัฮ เน่อึม นึง โม ป ซึป ลปุง พะจาว, ปัง มัฮ เน่อึม นึง รโมะ โอะ. มัฮ เซ ป กอก ปะ ฮอยจ ฆาื อื. ปัว ปะ รโฮงะ ละ แตะ, อาึ ซ ไมจ ยุฮ ตอก เมอ แล?” อัฮ เซ.

1 ซามูเอน 14:37

เญือม เซ ซาอุน ไฮมญ อื นึง พะจาว ตอก เฮี, “โอ พะจาว, เอะ อัม ปุก ลั่ง ละ โฮว อาื เยอะ ตอซู ปุ แตะ ไม่ โม ฟีลิซเตีย เซ? ดัฮ เอะ โฮว ตอซู ไม่ โฮ, ปะ อัม ซ เกือฮ เปอะ เอะ เป โม เซ?” อัฮ เซ. ซเงะ เซ พะจาว ปังเมอ โอ โลยฮ อื ละ อื.

1 ซามูเอน 9:9

ซาอุน โลยฮ โรฮ อื ละ กวนไจ แตะ เซ ตอก เฮี, “ดัฮ มัฮ ตอก เซ โฮ, ไมจ โฮว, ไมจ เอะ โฮว เคะ ปุย เซ,” อัฮ เซ. ปุย ลอา เซ โกฮ โฮว เนอึม เคะ ปุย ซัมคัน ยุฮ พะจาว เซ. ลไล โฮว ฮาวก อื บลาวง ละ ซ โฮว แตะ ฮอยจ นึง ย่วง เซ, ปุย ลอา เซ รโตฮ ยุ โม ปเครีฮ โฮว เชียต รอาวม ติ มู, ไฮมญ ปรโปวน โม เซ, “ป เกียฮ ยุง โอเอีฮ ลั่กกา แตะ เซ อัม อาวต นึง ย่วง เฮี?” อัฮ เซ. (โม อิซราเอน เจน โฆะ โอ, ดัฮ ฆวต ยุง โอเอีฮ เน่อึม นึง พะจาว โฮ, กอ อัฮ เฮี ละ ปุ แตะ, “ไมจ เอะ โฮว ไฮมญ นึง ป เกียฮ ยุง โอเอีฮ ลั่กกา แตะ เซ,” อัฮ เซ. ปุย เจน โฆะ อัฮ “ป เกียฮ ยุง โอเอีฮ ลั่กกา แตะ” ไม่ อื. ปุย ปเลี่ย อัฮ “ป ซึป ลปุง พะจาว” ไม่ อื.)

2 โมเซ 9:11

โม ป ไก คู ไก บ่า เยอ เญือะ เกียฮ ฮอยจ โตว เคะ ไอ โมเซ นึง ปาวม โรฮ อื เลี่ป โกะ เลี่ป ตัว แตะ ตอก โรฮ โม อียิป เตือง โอยจ อื.

มีคา 3:4

เอีจ เติง เวลา ละ ซ กอก เปอะ ปัว นึง พะจาว เยอ. พะจาว ปังเมอ โอ ซ ง่อต อื ละ เปอะ, ซ โลยฮ โตว รซอม ไววอน เปอะ. มัฮ ฆาื เอีจ โฮวน ลอน ป ฆอก ป เบร ยุฮ เปอะ.

เยเรมี 18:18

เญือม เซ ไก ปุย ง่อน ป อัฮ เฮี, “ไมจ เอะ คิต ง่อต ตอก ซ เกือฮ แตะ เยเรมี โอ เญือะ เกียฮ อัฮ โอเอีฮ. ตึน ซ ไก ลอป โม ซตุ ป ปุน เพอึก เอะ เอ. โม ป เฮียง ป ยุง ตึน ซ ไก แนฮ ละ ซ ซิงซา เอะ โอเอีฮ ไม่ อื. ตึน ซ ไก ลอป โรฮ โม ป เกียฮ ซึป ลปุง พะจาว. ไมจ เอะ ซาวป ตอก ซ ญวต แตะ พิต ละ เยเรมี เฮี, เดอึม เอะ โอ เญือะ ซ จัมเปน ง่อต ลอป ป อัฮ อื,” อัฮ เซ โม เซ.