มัตไท 6:25 - ้พระคัมภีร์ละว้า

²⁵ “ดัฮ มัฮ ตอก เซ, อาึ อัฮ ละ เปอะ ตอก เฮี, ปุ ตุก พาวม นึง ป ซ เลียง เปอะ จีวิต แตะ นึง, นึง ป โซม ป ปอน เปอะ ญุ่ก, นึง เครอึง จาวป เครอึง ฟุต เปอะ ญุ่ก. จีวิต เปอะ แจง ระ ไล อื ฮา ป โซม ป ไอฮ แฮ. โกะเนอึม เปอะ แจง ระ ไล อื ฮา เครอึง จาวป เครอึง ฟุต เปอะ, โม่ มัฮ อื?

มัตไท 6:25 Referans Kwoze

ฟีลิปปี 4:6

ปุ ตุก พาวม นึง โอเอีฮ ติ เจือ เนอึม. เมาะ โอเอีฮ ป ตุก เปอะ นึง เซ, ไมจ เปอะ ปัว นึง พะจาว นึง รซอม ไววอน แตะ ไม่ รพาวม ญันดี่ แตะ นึง.

1 เปโตร 5:7

โอเอีฮ ป ตุก เปละ นัน พาวม เปอะ นึง เซ ไมจ เปอะ ละ อาึง ไม่ พะจาว, นึง เครอึง ลอป พะจาว นึง เปอะ.

นังซื รโปะ ปาวโล ละ คริตซจัก เวียง โรม 8:32

พะจาว ฮลัก โตว กอ กวน โกะ แตะ. เอีจ โปง อื ยุม ตัง โม เอะ เตือง โอยจ เจอะ. ดัฮ โปง กวน แตะ ตอก เซ, อัม มัฮ โอ อื ซ เกือฮ โอเอีฮ ไฮญ ละ เอะ โครยญ เจือ ไม่ รพาวม ซเปือฮ แตะ? แจง ซ เกือฮ อื.

ลืลาว 55:22

โอเอีฮ ป ตุก เปละ นัน พาวม เปอะ นึง เซ, ไมจ เปอะ ละ อาึง ไม่ พะจาว. มัฮ พะจาว ป ซ เรอึมชวย ตูเตอึม เปอะ. ซ ญอม โตว เกือฮ ปุย ซืไซ ยุฮ แตะ ลุ่ฮเล่ฮ ดุงเดียง.

มัตไท 6:31

ดัฮ มัฮ ตอก เซ, ทัน โตว ตุก พาวม นึง โอเอีฮ. ปุ อัฮ ‘เมอ ป ซ โซม ซ ปอน เนอ? เมอ ป ซ จาวป ซ ฟุต เตอ?’ ทัน โตว อัฮ ตอก เซ.

มาระโก 4:19

ฟวยจ เซ กัน ตุก พาวม ปุย นึง ปลัฮเตะ เฮี ไม่ รพาวม จุ ไอฮ ติ แตะ นึง ฆวต ไอฮ แตะ คาว คอง โฮวน, ไม่ รพาวม ลเลียก นึง โอเอีฮ ไฮญ โครยญ เจือ, โอเอีฮ ตอก เซ มัฮ ป ไฆลป ยุฮ ลปุง พะจาว เซ, โจน โอ อื เญือะ เกียฮ เปลิ.

มัตไท 10:19

เญือม โฮมวต ปุย โรวก เปอะ, ปุ เกือฮ ติ เปอะ ตุก พาวม นึง ป ซ อัฮ ซ มวยญ แตะ. ป ไมจ เปอะ อัฮ เญือม เซ เยอ, พะจาว ซ เกือฮ โม เปะ ยุง อื.

1 โคริน 7:32

อาึ มัฮ ฆวต เกือฮ โม เปะ โปน ฮา ตุก เปละ นัน พาวม แตะ. ปรเมะ โอ ไก ปุย เญือะ อา, ง่อต ไฌม กัน ยุฮ พะโองจาว ละ ซ ยุฮ แตะ ป ปุก รพาวม อื.

มัตไท 6:34

ทัน โตว ตุก พาวม นึง ป ซ เกิต ซง่าวป เปอ. ซง่าวป ตึน ซ ไก แม ตอก ตุก พาวม ปุย. โอเอีฮ กอ ตุก พาวม ปุย นึง ซเงะ ออฮ, เอีจ ปอ ไน ซเงะ เซ.

2 ทิโมที 2:4

โม ป แปน ตฮัน แจง โอ อื เญือะ ซ เกือฮ ติ แตะ เกว ไม่ กัน นึง เญือะ นึง ม่า แตะ, นึง ฆวต ยุฮ อื ป ปุก รพาวม ฮัวนา ยุฮ แตะ.

ลูกา 8:14

เฮงาะ ดุฮ ลลาึง กัต เซ มัฮ ตอก โม ป ฮมอง ลปุง พะจาว. ฟวยจ เซ กัน ตุก พาวม ปุย นึง โอเอีฮ, ไม่ ไลลวง คาวคอง โฮวน, ไม่ กัน ซาวป ปุย ป มวน, มัฮ ป ไฆลป ยุฮ ลปุง พะจาว โจน โอ อื เญาะ เกียฮ เปลิ.

มัตไท 13:22

“เฮงาะ วัน ปุย ป ดุฮ ลลาึง กัต เซ ตอก โรฮ ปุย ฮมอง ลปุง พะจาว โรฮ. ฟวยจ เซ กัน ตุก พาวม ปุย นึง ปลัฮเตะ เฮี ไม่ รพาวม จุ ไอฮ ติ แตะ นึง ฆวต ไอฮ แตะ คาวคอง โฮวน, โอเอีฮ ตอก เซ มัฮ ป ไฆลป ยุฮ ลปุง พะจาว โจน โอ อื เญาะ เกียฮ เปลิ.

ลูกา 12:11

“เญือม ตาว ปุย เปอะ ละ ซ ฟอง อื โม เปะ นึง โฮงซุต ยุฮ อื ไม่ ซองนา โม จาวเมือง ไม่ โม ป ระ ป คาว, ปุ เกือฮ ติ เปอะ ตุก รพาวม นึง ไลลวง ตอก ซ กัฮ เปอะ ติ แตะ ไม่ ป ซ อัฮ ซ มวยญ เปอะ.

มาระโก 13:11

เญือม โฮมวต ปุย โรวก โม เปะ ฮอยจ ละ ซัน, ปุ เกือฮ ติ เปอะ ตุก รพาวม นึง ป ซ อัฮ ซ มวยญ แตะ. เญือม เติง เวลา อื, เกือฮ พะจาว เปอะ อัฮ ตอก ออฮ ไมจ เปอะ อัฮ ตอก เซ. ป ซ อัฮ เปอะ เซ มัฮ โตว โม เปะ ไอฮ ป อัฮ ฮา. มัฮ ลปุ พะจาว.

เยเรมี 45:5

ปะ อัม มัฮ ซาวป เปอะ โอเอีฮ ป ระ ป คึ ละ โกะ แตะ ไอฮ? ปุ ซาวป เฟือฮ เอิน. อาึ ซ เกือฮ เนอึม ป โตะ ป ตอง ฮอยจ ละ ปุย ปลัฮเตะ เตือง โอยจ อื, ปะ ปังเมอ ซ โปน เปอะ โอเอีฮ เซ. โฮว เปอะ นา ออฮ นา เอีฮ ญุ่ก ตึก นึง โอ เปอะ โฮลฮ ป ไฮญ ปะ ซ โฮลฮ ลั่ง เปอะ ไอม เบือ อื,” มัฮ พะจาว ป อัฮ เซ ละ เปอะ. อัฮ เซ.