มัตไท 5:5 - ้พระคัมภีร์ละว้า

⁵ “โม ป ปึกๆ ออนๆ เอีจ โฮลฮ รพาวม ไมจ มวน แตะ, นึง ซ เกือฮ พะจาว ปลัฮเตะ เฮี แปน คอง อื.

มัตไท 5:5 Referans Kwoze

ลืลาว 37:11

โม ป ปึกๆ ออนๆ, ปังเมอ ซ โฮลฮ บั่นเมือง ยุฮ แตะ แปน คอง แตะ. ซ โฮลฮ อาวต ไม่ รพาวม ไมจ มวน แตะ เบือ ป กุม ป ปอ ยุฮ แตะ.

อิซยา 29:19

โม ปุย ตุ ปุย เตียม ซ โฮลฮ เอิน รพาวม บวยฮ บาึง แตะ, โม ป ตุก ป ญัก ซ ไก เนอึม รพาวม ญันดี่ เบือ เยโฮวา พะจาว ซง่ะ ซงอม ยุฮ โม อิซราเอน.

ยาโคโบ่ 3:13

มัฮ ปุย ป ไก กัมกึต วิไซ ไมจ ไม่ ยุง แตะ โอเอีฮ ไน เปอะ? ไมจ ปุย เซ เปลีฮ ละ ปุย นึง กัน ยุฮ แตะ ไม่ ซลิต ซโลม ไมจ แตะ, นึง รพาวม ปึกๆ ออนๆ แตะ ไม่ ซติ พันญา แตะ.

ลืลาว 149:4

พะจาว เยอ มวน รพาวม นึง ปุย ไน แตะ. เกือฮ โรฮ โม ป ปึกๆ ออนๆ ปุน เป โม ป ตอซู ไม่ แตะ.

กะลาเทีย 5:23

ไม่ รพาวม ปึกๆ ออนๆ, ไม่ กัน ปุน เตียง ไอฮ รพาวม แตะ. โกตไม คอ ออฮ คอ เอีฮ นึง อื ญุ่ก, ไก โตว ป คัต อื ปุย โอ ยุฮ โอเอีฮ โม เซ.

ยาโคโบ่ 1:21

มัฮ เซ ป ไมจ เปอะ โปวฮ ไล โอ ไมจ ยุฮ เปอะ ไม่ กัน ฆอก กัน เบร โครยญ เจือ ฆาื อื. ไมจ เปอะ ญอม รัป ลปุง พะจาว นึง รพาวม ปึกๆ ออนๆ แตะ. ลปุง เซ เอีจ ซมา พะจาว อาึง โตะ รพาวม เปอะ ละ ซ เกือฮ อื โม เปะ โปน ฮา มั่ป.

ลืลาว 25:9

มัฮ ป นัม ปุย ปึกๆ ออนๆ เกือฮ ยุง ป ปุก ป ลอก. เพอึก โรฮ อื เกือฮ ยุง คระ โครง ยุฮ แตะ.

4 โมเซ 12:3

ไอ โมเซ มัฮ ปุย ปึกๆ ออนๆ ฮา ปุย ไฮญ ติ ปลัฮเตะ เอิน.

โคโลซี 3:12

โม เปะ มัฮ เปอะ ปุย ไน พะจาว. พะจาว เอีจ ฮรัก โม เปะ ไม่ เลือก อื โม เปะ ละ ซ แปน เปอะ ปุย ยุฮ อื. มัฮ เซ ป ไมจ เปอะ ไอฮ รพาวม เลียก พาวม โซะ ไง่ เปอะ นึง ปุย, ไม่ ทื เปอะ ติ แตะ แตวะ, ไม่ ไอฮ เปอะ รพาวม ปึกๆ ออนๆ แตะ ไม่ รพาวม ลั่ง แตะ ฆาื อื.

มัตไท 11:29

ไมจ เปอะ ไอฮ แอก ยุฮ อาึ ไม่ เฮียน เปอะ เน่อึม นึง อาึ, นึง มัฮ ฮะ ปุย ปึกๆ ออนๆ. โม เปะ ซ โฮลฮ เปอะ รพาวม เฮน ฮลอง แตะ เบือ อื.

เอเฟโซ 4:2

ไมจ เปอะ เกือฮ ติ แตะ ตุเตียม. ไมจ เปอะ ไอฮ รพาวม ปึกๆ ออนๆ ไม่ ไอฮ เปอะ รพาวม ลั่ง แตะ โครยญ เจือ. ไมจ เปอะ แญง ละ ปุ แตะ เบือ รพาวม ฮรัก แตะ.

1 เปโตร 3:15

ไมจ เปอะ นัปทื เนอึม พะโองจาว ป มัฮ พะคริต เซ ฮอยจ ละ โตะ รพาวม เปอะ. เกือฮ แปน ป กุม รพาวม เปอะ. ไมจ เปอะ เพรียง แนฮ ติ แตะ เดอึม เปอะ ซ เกียฮ โลยฮ เญือม ไฮมญ ปุย เปอะ นึง ไลลวง ตัว เปิง เปอะ ป อาวต กไน เปอะ เซ.

เซฟันยา 2:3

โม เปะ ป ญอม เกือฮ ติ แตะ ตุเตียม นึง ปลัฮเตะ เฮี เยอ, ไม่ ยุฮ เปอะ ตัม ป ซตอก พะจาว อาึง, ไมจ เปอะ ซาวป ยุ พะจาว. ไมจ เปอะ ซาวป เกือฮ ติ แตะ อาวต ไม่ รพาวม ซืไซ ยุฮ อื, ไม่ เกือฮ เปอะ ติ แตะ ญิงญอม ตุเตียม. ดัฮ เปอะ ยุฮ ตอก เซ, เมอ เตือง อื เญือม เอีจ ฮอยจ ซเงะ รพาวม ฮาวก ยุฮ พะจาว เซ ซ เฆีญ โรฮ โม เปะ เบือ อื ยุ่ง.

ติโต 3:2

ไมจ เปอะ ซตอก โอ อัฮ ลปุง ฆอก ละ ปุย. ปุ เกือฮ รเจ รไซญ ไม่ ปุย. เกือฮ แปน ปุย จวต ชุม. เกือฮ เปลีฮ รพาวม ปึกๆ ออนๆ แตะ ละ ปุย เตือง โอยจ อื.

ลืลาว 37:22

โม ป ปิฮ พะจาว มุ่น ละ อื, ซ โฮลฮ อาวต ไมจ อาวต มวน นึง บั่นเมือง ยุฮ แตะ. โม ป โปง พะจาว ป โซะ ละ อื, ซ ไลจ โลม เนอึม ฆาื อื.

ลืลาว 37:9

ปุย ฆอก ปุย เบร พะจาว ซ ตุย แปฮ โปวฮ อื. ป อาึง รพาวม แตะ นึง พะจาว ปังเมอ ซ โฮลฮ อาวต ไมจ อาวต มวน นึง บั่นเมือง ยุฮ แตะ.

1 เปโตร 3:4

ฮา เซ กัน แง่ฮ เปอะ ติ แตะ เซ ไมจ เปอะ เกือฮ มัฮ ไลลวง รพาวม รโม่ยฮ แตะ. ไมจ เปอะ แง่ฮ ติ แตะ นึง รพาวม จวต ชุม แตะ ไม่ ปุก เปอะ ไล แตะ. มัฮ เซ ป ตึก นึง ไมจ แตะ ละ แลน พะจาว อื. มัฮ ป โอ เกียฮ ไพรม เกียฮ ไลจ.

อิซยา 11:4

ซ รเตีฮ โอเอีฮ ละ ป ตุก ป ญัก ตัม ซื ตัม ไซ อื. ซ ตัตซิน โอเอีฮ ละ ปุย ตุ ปุย เตียม นึง ปลัฮเตะ เฮี ตัม ปุก ตัม ลอก อื. ลปุง โอก ฮา มวยญ อื ซ ปุฮ ปุย โอ ไมจ นึง อื ตอก คอน โฮ. รพาวม โอก ฮา ดอย อื ซ ยุฮ ยุม ไม่ ปุย ฆอก ปุย เบร นึง อื.

ลืลาว 25:13

โม เซ ซ จเลิน กัน ยุฮ เบือ อื. ฟวยจ เจน โกะ อื โม กวน เฌือต อื ซ โฮลฮ ลั่ง กุม นาตี อื นึง ปลัฮเตะ.

1 ทิโมที 6:11

ปะ ป มัฮ ปุย เอีจ เลือก พะจาว อาึง, ไมจ เปอะ ทอเนาะ โน่ง ติ แตะ ฮา โอเอีฮ โม เซ โครยญ เจือ. ไมจ เปอะ เรียง รพาวม ละ ซ ฆวต ไอฮ เปอะ รพาวม ซืไซ แตะ, ไม่ ฆวต ยุฮ เปอะ ตัม จีวิต พะจาว, ไม่ รพาวม เจือ, ไม่ รพาวม ฮรัก, ไม่ รพาวม ลั่ง, ไม่ รพาวม ปึกๆ ออนๆ แตะ.

ลืลาว 69:32

เญือม ยุ โม ปุย ตุก เปละ นัน พาวม โอเอีฮ ไล เซ, ซ มวน เนอึม รพาวม เบือ อื. โม ป ซาวป เนอึม เปิง พะจาว ซ โฮลฮ แม เรียง แด่น แตะ เบือ อื.

ลืลาว 37:29

ปุย ซื ปุย ไซ ซ โฮลฮ ปลัฮเตะ เฮี แปน คอง แตะ. ซ โฮลฮ เอิน อาวต ลอป นึง อื.

ลืลาว 37:34

ไมจ เปอะ มอง พะจาว. เนอึง โรฮ ป อัฮ อื, ซ วุฮ ปะ ระ จอง ปะ ฮลาวง, ซ เกือฮ ปะ โฮลฮ ปลัฮเตะ เฮี แปน คอง เปอะ. ปะ ซ โฮลฮ เปอะ ยุ เญือม ยุฮ อื ไลจ ไม่ ปุย ฆอก ปุย เบร.

2 ทิโมที 2:25

ไมจ อื เกียฮ ซตอก รเง่อึม โม ป เก กัม ฮอน แตะ ไม่ รพาวม ปึกๆ ออนๆ แตะ. เมอ เตือง อื พะจาว ซ โปฮ คระ ละ อื ละ ซ เฌาะ อื โกะ ลโปลฮ อื พาวม แตะ, ฮอยจ ละ ยุง อื ลปุง เนอึม ยุ่ง.

นังซื รโปะ ปาวโล ละ คริตซจัก เวียง โรม 4:13

พะจาว เอีจ ซันญา อาึง ไลลวง ซ เกือฮ แตะ อัปราฮัม ไม่ จัตเจือ อื โฮลฮ กุม ปลัฮเตะ. ลปุง ซันญา ยุฮ พะจาว เซ ปังเมอ โอ มัฮ ฮอยจ อื ละ อื เบือ ปุน ยุฮ อื ตัม โกตไม ยุฮ พะจาว. มัฮ ฮอยจ อื ละ อื นึง โฮลฮ อื แปน ปุย ซืไซ เบือ รพาวม เจือ แตะ.

ลืลาว 147:6

โม ป อาวต ไม่ รพาวม ตุเตียม แตะ, พะจาว เอีจ ยวก อื เกือฮ โกฮ. โม ปุย ฆอก ปุย เบร เยอ, พะจาว ปังเมอ น่าึก เอิน อื ฮอยจ ลังเตะ ก เตียม อื.

มัตไท 21:5

“ไมจ เปอะ รโฮงะ ละ ปุย อาวต นึง เวียง ซีโยน ตอก เฮี, แลน เมิฮ, กซัต ยุฮ เปอะ เอีจ ฮอยจ เคะ เปอะ. มัฮ ปุย ปึกๆ ออนๆ. บุก โรวก บรัง. มัฮ เนอึม กวน บรัง ป บุก อื เซ,” อัฮ เซ.

อิซยา 60:21

ปุย ไน บั่นเมือง ยุฮ เปอะ ซ แปน ปุย ซืไซ โครยญ โฆะ แตะ. ซ โฮลฮ นาตี อาวต แตะ แปน ลอป คอง แตะ โอ เญาะ ไก ลอยจ. เอีจ มัฮ อาึ ป ซมา โม เซ เยอ, เอีจ มัฮ อาึ ป เกือฮ อื เกิต ไก เยอ, ละ ซ เปลีฮ อาึ อัมนัต โญตซัก แตะ นึง.

อิซยา 61:1

ลปุ พะจาว เยโฮวา เอีจ อาวต นึง อาึ. พะจาว เอีจ เลือก อาึง อาึ เกือฮ อาึ แปน ป ครอฮ ไลลวง แตะ ละ โม ป ตุก ป ญัก. มัฮ โรฮ เกือฮ อื อาึ โฮว เกาะ โลม ป ตุก เปละ นัน พาวม. เกือฮ โรฮ อาึ ครอฮ อื ละ โม ป มัฮ ครา เซีญ โอเอีฮ เกือฮ ยุง ตอก ซ โปน แปน แตะ ครา เซ. เกือฮ โรฮ ป อาวต โตะ คอก โฮลฮ โอก ซไบ่.

ลืลาว 22:26

ปุย ตุ ปุย เตียม ซ โฮลฮ โซม ซัก กุก เตือ. เมาะ ป ซาวป เนอึม ยุ พะจาว ซ โฮลฮ เนอึม ลืลาว อื. ปัว เกือฮ โม เซ จเลิน ลอป โอ เญาะ ไก ลอยจ.