มัตไท 24:8 - ้พระคัมภีร์ละว้า

⁸ โอเอีฮ ไล เซ มัฮ ตอก เญือม อาวม โรง ปรโปวน โซะ ซ เติง เคิ รอาวม แตะ โฮ.

มัตไท 24:8 Referans Kwoze

1 เทซะโลนิกา 5:3

ลไล อัฮ ปุย ไมจ เปละ ลโลวง พาวม อาวต ไมจ อาวต มวน เนอ, เญือม เซ ซ ฮอยจ ป โตะ ป ตอง ละ จุบั่น ตัน ด่วน เอิน, ตอก โซะ เติง เคิ รอาวม ปรโปวน โฮ. ปัง ซ ตอ โปน อื ปุ เกียฮ โปน อื.

5 โมเซ 28:59

ดัฮ เปอะ โอ ยุฮ ตอก เซ, พะจาว ซ เกือฮ พาญัต ฆอก โอ เญาะ เกียฮ ไฮ ฮอยจ ละ โม เปะ ไม่ โม จัตเจือ เปอะ. มัฮ เนอึม พาญัต โซะ ลอน ปอ ฮลัต ปุย นึง. ซ ฮอยจ เลิง เอิน ละ ปุย, เญาะ ซ ลโล่ะ ลโลวน โตว เฟือฮ.

อิซยา 10:4

โม เปะ ซ โฮลฮ ปุย ยุฮ ยุม ไม่ เปอะ นึง กัน รุป, ไม่ ซ โฮมวต ปุย เปอะ เกือฮ แปน ครา แตะ. ปัง เอีจ ยุฮ อื ละ เปอะ เมาะ เซ, รพาวม ฮาวก ยุฮ พะจาว ละ เปอะ ดิ ไฆร โตว ลั่ง. กอยฮ แนฮ ลั่ง เตะ แตะ ละ ซ เกือฮ เปอะ ลอก ตุต แตะ.

อิซยา 9:17

เคียง มัฮ อื ตอก เซ พะจาว ซ เกือฮ โตว โม ป นุม นึง อื โปน ตุต แตะ. โม ป มัฮ กวนดอย ไม่ แมฮัง แมไม พะจาว ซ เลียก พาวม โตว โรฮ นึง อื, มัฮ ฆาื โอ ปุย โม เซ นัปทื เนอึม พะจาว, ไม่ ยุฮ อัฮ ลอป อื กัน ฆอก กัน เบร. ปัง เอีจ ยุฮ อื ละ อื เมาะ เซ, รพาวม ฮาวก ยุฮ พะจาว ละ อื ดิ ไฆร โตว ลั่ง, กอยฮ แนฮ ลั่ง เตะ แตะ ละ ซ เกือฮ อื ลอก ตุต แตะ.

อิซยา 9:21

โม มะนาเซ ไม่ โม เอฟราอิม ตอซู ปุ แตะ. ปุย ลอา เจอ เซ พาวม ดิ แม ละ ตอซู แตะ ไม่ โม ยูด่า. ปัง เอีจ ยุฮ อื ละ อื เมาะ เซ, รพาวม ฮาวก ยุฮ พะจาว ละ อื ดิ ไฆร โตว ลั่ง. กอยฮ แนฮ ลั่ง เตะ แตะ ละ ซ เกือฮ อื ลอก ตุต แตะ.

อิซยา 9:12

โม ซีเรีย เอีจ ฮอยจ ละ อื เน่อึม ลั่ก โอก ซเงะ, โม ฟีลิซเตีย เอีจ ฮอยจ โรฮ ละ อื เน่อึม ลั่ก เลียก ซเงะ. ปุย โม เซ ซ อัง มวยญ แตะ ละ ซ บลวน แตะ โม อิซราเอน. ปัง เอีจ ยุฮ อื ละ อื เมาะ เซ, รพาวม ฮาวก ยุฮ พะจาว ละ อื ดิ ไฆร โตว ลั่ง, กอยฮ แนฮ ลั่ง เตะ แตะ ละ ซ เกือฮ อื ลอก ตุต แตะ.

โฮเชยา 13:13

โม เซ เยอ เอีจ เติง เวลา ไมจ อื เกิต เตอ, ปังเมอ แปน เยือ ตอก กวนงัก ลโมวะ โฮ, ตอก โรฮ กวนงัก อาวต โตะ เวียก มะ แตะ ป กัมลัง เอีจ ซ เกิต ไม่ โอ อื ญอม เกิต ติ ชวง โฮ.

มาระโก 13:8

ปุย ปะเทต เฮี ซ ตอซู ปุย ปะเทต เซิต. ปุย เมือง เฮี ซ ตอซู ปุย เมือง เซิต. ซ เกิต ดุงเดียง เตะ นึง ไม่ ไปลญ อาวป เออึป กิฮ นึง โฮวน โดฮ. โอเอีฮ ไล เซ ตอก เญือม อาวม โรง ปรโปวน โซะ ซ เติง เคิ รอาวม แตะ โฮ.

ลูกา 21:12

“กา ซ เกิต โอเอีฮ โม เซ ปุย ซ โฮมวต โม เปะ ไม่ ซ โคมเฮง อื โม เปะ. โม เซ ซ ฟอง โม เปะ โตะ โฮงซุต ยุฮ แตะ. ซ มอป โม เปะ ละ กุม คอก. ซ โรวก ฟอง โม เปะ ซองนา โม กซัต ไม่ โม ป ตัตเตียง บั่นเมือง เบือ ทื เปอะ อาึ.

ยาโคโบ่ 5:1

ปเลี่ย เฮี ซ อัฮ ละ โม เปะ ป กอย. ไมจ เปอะ เยือม ไม่ แงงัฮ แตะ ฆาื เม่ะมั่ก ป ซ เกิต ละ เปอะ เซ.