ลูกา 9:23 - ้พระคัมภีร์ละว้า

²³ พะเยซู อัฮ เฮี ละ โม เซ เตือง โอยจ อื, “เมาะ ป ฆวต ฟวต อาึ อื เกือฮ ปุน รกัฮ ไอฮ รพาวม แตะ ไม่ กลอม อื ไมะซาวแควง ยุฮ แตะ โครยญ ซเง่ะ, ฟวต อาึ ไม่ อื.

ลูกา 9:23 Referans Kwoze

นังซื รโปะ ปาวโล ละ คริตซจัก เวียง โรม 8:13

ดัฮ เปอะ ยุฮ แนฮ โอเอีฮ ตัม กัมกุยฮ โกะ แตะ ไอฮ ซ ยุม เปอะ ฆาื. ดัฮ เปอะ เกือฮ กัมกุยฮ ไก นึง รพาวม โกะ แตะ ยุม แปฮ เบือ ลปุ พะจาว โฮ, ปังเมอ ซ ไก จีวิต เปอะ เบือ อื.

โคโลซี 3:5

เคียง มัฮ อื ตอก เซ, โม เปะ ไมจ เปอะ ยุฮ ยุม ไม่ รพาวม ไพรม เปอะ ป เกว ไม่ ปลัฮเตะ เฮี. มัฮ ไลลวง กัน เลนจุ ติ, ไม่ รพาวม ฆวต ง่อต ป โฮละ ป ฮลาึน, ไม่ กัมกุยฮ ฆอก, ไม่ รไม่จ ยุฮ กัน ไอฮ พาวม แตะ, ไม่ รพาวม ฆวต ไอฮ โฮฮ ไอฮ วิฮ โอเอีฮ. รพาวม ฆวต ไอฮ โฮฮ เซ เอีจ เมาะ โรฮ กัน ไว ฮุป.

ติโต 2:12

กุนมุ่น เซ มัฮ ป เพอึก เอะ, นึง ซ เกือฮ อื เอะ ละ โปวฮ ป ฆอก ป เบร, ไม่ กัมกุยฮ ฆอก แตะ ติ เจน อาวต แตะ นึง ปลัฮเตะ เฮี, ไม่ ซ เกือฮ อื เอะ แปน ปุย ปุน เตียง ไอฮ รพาวม แตะ, ไม่ อาวต ไม่ รพาวม ซืไซ แตะ, ไม่ เกือฮ ติ แตะ ฆวต ยุฮ เนอึม ตัม จีวิต พะจาว.

2 ทิโมที 3:12

เมาะ ป ฆวต ยุฮ เนอึม ตัม จีวิต พะจาว เบือ รโจะ ดิ อื รพาวม แตะ ไม่ พะเยซูคริต, ซ ไก ตื ป โคมเฮง ฆาื อื.

ฮีบรู 13:13

ดัฮ มัฮ ตอก เซ, ไมจ เอะ โอก โฮว เคะ อื ก พริ ไคะ เซ, ไม่ ญอม โอต ดิ พามัต ดู่แควน ปุย แตะ ไม่ อื ฆาื อื,