3 โมเซ 19:16 - ้พระคัมภีร์ละว้า

¹⁶ “ปุ ซาวป โฮว บรุ เพือ ปุย เยอ. ดัฮ ปุย ฟึนฟอง ปุ แตะ นึง ป โอ เนอึม ละ ซ เกือฮ อื ลอก ตุต ฮอยจ ละ ยุม แตะ, ไมจ เปอะ โตว ฮลัต นึง ซ อัฮ เปอะ ป เนอึม ละ ซ เรอึม เปอะ ปุย. อาึ มัฮ เยโฮวา.

3 โมเซ 19:16 Referans Kwoze

2 โมเซ 23:1

“ปุ ซาวป อู ปุย นึง ไลลวง ป โอ เนอึม. ปุ เรอึม ปุย พิต เตอ นึง แปน เปอะ ซกิ พีญัน ป โอ เนอึม ละ อื.

2 โมเซ 23:7

ตัม ไก ป ฟอง ปุย นึง ป โอ เนอึม ปุ ง่อต เฟือฮ. ปุ ยุฮ ยุม ไม่ ปุย ดัฮ โอ ไก เนอึม พิต โฮ. โม ป ยุฮ กัน ฆอก ตอก เซ อาึ ซ เกือฮ โตว โปน ตุต แตะ เฟือฮ เอิน,” อัฮ เซ พะจาว.

ซตอกรเง่อึม 20:19

ป กอ โฮว โบ ลปุง ลอก ปุย เยอ, ซ ไฆลป โตว โอเอีฮ นึง เฟือฮ. เคียง มัฮ อื ตอก เซ, ไมจ เปอะ ทอเนาะ ติ แตะ ฮา ปุย โฮวน ดัก ตอก เซ.

เอเซเคียน 22:9

ปุย นึง เปอะ เอีจ ไก ง่อน ป ญวต พิต ละ ปุย ละ เกือฮ อื ยุม. เอีจ ไก โรฮ ง่อน ป โซม ป ทไว ปุย ละ พะ โอ เนอึม นึง บลาวง เงอ. ไก โรฮ ป ยุฮ ป คึต ป ตวยฮ ลัมเลือ นึง.

เยเรมี 9:4

โม เปะ, ไมจ เปอะ แฮน ปุโฮมว โกะ เปอะ ไอฮ. ปุ อาึง รพาวม เปอะ นึง เอียกปุ เปอะ. เอียกปุ ปุย มัฮ โอยจ ป จุ ปุ แตะ. ปุโฮมว ปุย มัฮ โอยจ ป บรุ เพือ ปุ แตะ.

เยเรมี 6:28

ปุย โม เซ มัฮ ลอป ป เลฮ เตียง ไม่ ลึง แตะ. รพาวม อื กอ บุ่ง ตอก ไร เฮลีจ ไร ซเงี โฮ. มัฮ ป ฆอก ป เบร เตือง โอยจ อื, ซาวป บรุ เพือ ปุย ไฮญ ไม่ อื.

ซตอกรเง่อึม 11:13

ปุย กอ โฮว โบ ลปุง ลอก ปุย เยอ, ไฆลป โตว ยุฮ ป ลัง ไมจ แตะ เม่าะ. ปุย เนอึม รพาวม ปังเมอ โอ อู ป โอ แตะ ลัง ไมจ อู เซ.

1 เปโตร 2:1

มัฮ เซ ป ไมจ เปอะ ละ โปวฮ ป ฆอก ป เบร ไม่ กัน จุ ไล เปอะ ปุย ฆาื อื. ปุ เญือะ แปน ปุย ไล โกะ ไล เอียง เงอ. โปวฮ แปฮ รพาวม กุยจ วัว ไม่ ลปุง พามัต ดู่แควน เปอะ ปุย เยอ.

ลืลาว 15:3

มัฮ ป โอ ญอม บรุ เพือ ปุย. ปุย ตอก เซ ยุฮ โตว ป ฆอก ป เบร ละ ปุ โฮมว แตะ. ซาวป โตว โฮว โบ ลปุง ลอก ปุ ย่วง แตะ.

2 โมเซ 20:16

“ปุ แปน ซกิ พีญัน ป โอ เนอึม ละ ปุ ย่วง เปอะ.

ติโต 2:3

ละ โม ปรโปวน เอีจ กวต อาญุ อู, ไมจ โรฮ เปอะ เพอึก ละ อื ตอก เซ โรฮ. กัน ยุฮ อื โครยญ เจือ ไมจ อื ยุฮ ไม่ นัปทื เนอึม แตะ พะจาว. ไมจ โตว อื แปน ป ซาวป บรุ เพือ ปุย. ไมจ โตว อื แปน ปุย มัก ไปล. ฮา เซ ไมจ อื แปน ปุย เกียฮ เพอึก ไลลวง ป ไมจ ป ญุ่ก ละ ปุย,

2 ทิโมที 3:3

ซ ฆอก รพาวม, เลียก พาวม โตว นึง ปุ แตะ, ซาวป บรุ เพือ ปุย, แปน ปุยไฮะ ปุยฮอน, ซวก โฮฮ ซวก วิฮ, ซ เกละยุ ป ไมจ,

1 ทิโมที 3:11

โม ปรโปวน นึง อื ตอก โรฮ เซ, ไมจ โรฮ อื แปน ปุย ปุก ไล แตะ. ไมจ โตว อื บรุ เพือ ปุย. ไมจ โรฮ อื ยุง ยุฮ อัฮ โอเอีฮ ตัม เมาะ เคราะ เมาะ ชอม อื ไม่ แปน อื ปุย ซืไซ นึง โอเอีฮ โครยญ เจือ.

มัตไท 27:4

อัฮ เฮี ละ อื, “อาึ เอีจ พิต เนอึม เมอะ นึง โชะ แตะ ปุย โอ ไก พิต ละ เปอะ,” อัฮ เซ ละ อื. โม เซ โลยฮ อื ละ อื, “ไลลวง เซ เญือะ เกว โตว ไม่ เอะ. เกว ไม่ ปะ ไอฮ,” อัฮ เซ ละ อื.

5 โมเซ 27:25

“โม ป รัป มาื นุน ปุย แตะ นึง ซ เกือฮ อื ปุย ยุฮ ยุม ไม่ ปุย โอ ไก พิต เตอ, ซ ลอก ป โอยจ นึง โซะ แตะ ฆาื อื.” เญือม เซ ปุย เตือง โอยจ อื ไมจ อื บรุก อัฮ ตอก เฮี, “อาเมน.”

โยป 17:5

ดัฮ ไก ป โชะ โซม ปุโฮมว แตะ โฮ, ป มัฮ โม กวน เฌือต อื ซ จัก ไง่ ไพ เตะ ฆาื อื.

1 ซามูเอน 24:10

ปเลี่ย เฮี เอีจ ยุ ที เปอะ มอป พะจาว เปอะ ละ อาึ โตะ ทัม เซ เกือฮ ปะ อาวต ฆรึม อัมนัต อาึ. ไก ง่อน ป ดวน อาึ ยุฮ ยุม ไม่ เปอะ. อาึ ปังเมอ เลียก พาวม นึง เปอะ. อาึ อัฮ ติ แตะ โอ ซ ยุฮ ป โซะ ละ จาวไน ยุฮ แตะ นึง มัฮ เปอะ กซัต เลือก พะจาว อาึง.

ลืลาว 50:20

โม เปะ ซาวป เปอะ ฟึนฟอง เอียกปุ โกะ แตะ. ซาวป โรฮ เปอะ บรุ เพือ ไม่ อื.

ลืลาว 101:5

ดัฮ ไก ป บระ บรุ เพือ ปุ ย่วง แตะ ละ ซ เกือฮ อื ไลจ เจอ อาึ ซ ยุฮ โรฮ ไลจ ไม่ ปุย เซ. โม ป อวต ลอน ติ แตะ ไม่ ป เกียฮ ฮุน อาึ ซ ญอม โตว เกือฮ อาวต ไม่ แตะ.

ซตอกรเง่อึม 10:18

ป ริ เม่าะ ไล เกละ แตะ ยุ ปุย, เอีจ มัฮ ปุย โอ เนอึม รพาวม. ป ซาวป บรุ เพือ ปุย เยอ เอีจ มัฮ โรฮ ปุย งาว.