โยชูวา 21:4 - ้พระคัมภีร์ละว้า

⁴ โม เลวี โจก เบ่อ นึง กัน รัป แตะ ย่วง เกือฮ ปุย ละ แตะ เซ. ป มัฮ เบ่อ โอก รกา นึง อื เซ มัฮ โม โคฮัต ป ปุก เกอ. โคฮัต เซ เอีจ มัฮ จัตเจือ อาโรน ป มัฮ ซตุ เซ. ซฆลาวม โคฮัต เซ เยอ โฮลฮ เนอึม ย่วง กาว ลอวย ย่วง เน่อึม นึง เจอ ยูด่า, เจอ ซิเมโอน ไม่ เจอ เบ่นยามิน เซ.

โยชูวา 21:4 Referans Kwoze

โยชูวา 24:33

เอเลอาซา ป มัฮ กวน อาโรน ยุม โรฮ. ปุย รมอยจ อื โบ ย่วง กิปอา. นาตี เซ มัฮ ป โฮลฮ ฟีเนฮัต ป มัฮ กวน เอเลอาซา เซ เญือม รฆุ ปุย เตะ โฮ. ปุก เตะ นึง บลาวง ป โฮลฮ เจอ เอฟราอิม โรฮ.

4 โมเซ 3:27

จัตเจือ โคฮัต เซ มัฮ ซฆลาวม โม อัมรัม, อิตฮา, เฮปโรน, ไม่ อุตซีเอน.

โยชูวา 21:3

เคียง เซ โม อิซราเอน มอป เนอึม ย่วง ละ โม เลวี เซ, ละ ซ เกือฮ อื อาวต นึง อื ไม่ เกือฮ อื ไก นาตี เลียง อื ซัตซิง ยุฮ แตะ นึง. รฆุ อื ละ อื โอก ฮา นาตี โฮลฮ โม โกะ อื ไอฮ ตัม ลปุง ซตอก พะจาว อาึง.

โยชูวา 21:5

ป มัฮ โม โคฮัต ป โฮฮ ลั่ง อื เซ, โฮลฮ โรฮ ย่วง นึง กัน โจก เบ่อ เซ กาว ย่วง, เน่อึม นึง เจอ เอฟราอิม, เจอ ด่าน ไม่ เจอ มะนาเซ ตา บลัฮ เจอ.

2 โมเซ 6:16

มอยฮ กวน รเมะ เลวี มัฮ เกอโชน, โคฮัต, ไม่ เมรารี. เลวี ไก อาญุ ติ รอย ไม่ ง่วย อาแลฮ เนอึม เดอึม ยุม.

2 โมเซ 6:20

อัมรัม เซ ไอฮ โยเคเบ่ต ป มัฮ รนัน เปือะ แตะ แปน ปุย เญือะ แตะ, ไก กวน ไม่ ปุ แตะ. มอยฮ กวน รเมะ อื มัฮ อาโรน ไม่ ไอ โมเซ. อัมรัม เซ ไก อาญุ ติ รอย ไม่ ง่วย อาแลฮ เนอึม เดอึม ยุม.

3 กซัต 6:39

อาซัป มัฮ โรฮ ป นัม โม ป เชีย เซ ป อาวต ลวง ดอม เฮมัน ละ ซ เรอึม อื รซอฮ ไม่ อื. จัตเจือ อาซัป เซ ตวย เน่อึม นึง กวน แม ฮอยจ ละ เปือะ อื มัฮ ตอก เฮี. มัฮ อาซัป, เบ่เรคิยา, ชิเมอา, มีคาเอน, บ่าอาเซยา, มันคิยา, เอตนี, เซรา, อาด่ายา, เอทัน, ซิมมา, ชิเมอี, ยาฮัต, เกอโชน, เลวี. (เน่อึม นึง เลวี ฮอยจ ละ อาซัป ไก 15 เจน ปุย.)