โยชูวา 17:1 - ้พระคัมภีร์ละว้า

¹ จัตเจือ มะนาเซ ป มัฮ กวน รเมะ โรง โยเซป เซ, โฮลฮ โรฮ ปลัฮเตะ รฆุ ปุย ติ โดฮ แปน คอง เจอ โกะ แตะ เซ. มาคี ป มัฮ เปือะ กิเลอัต มัฮ กวน รเมะ โรง มะนาเซ เซ. จัตเจือ มาคี เซ มัฮ โม ป เกง นึง รุป แตะ. เอีจ โฮลฮ เมือง กิเลอัต ไม่ เมือง บ่าชัน แปน คอง แตะ ฆาื อื.

โยชูวา 17:1 Referans Kwoze

4 โมเซ 26:29

ปุย เจอ มะนาเซ มัฮ มาคี ติ. มาคี เซ ไก โรฮ กวน, มัฮ กิเลอัต. โม กิเลอัต เตอ ซึป เจือ แตะ เน่อึม นึง กิเลอัต เซ.

1 โมเซ 41:51

โยเซป อัฮ เฮี, “พะจาว เอีจ เกือฮ อาึ เบีย เม่ะมั่ก อาวม แตะ. เบีย โรฮ เญือะ เปือะ เกอะ ไม่ อื,” อัฮ เซ. มัฮ เซ ป อัฮ อื มะนาเซ ละ กวน โรง แตะ เซ ฆาื อื.

1 โมเซ 50:23

ไอม ฮอยจ ละ ยุ แตะ กวนโซะ กวน แซะ เอฟราอิม. ยุ โรฮ กวน มาคี ป มัฮ กวน มะนาเซ ไม่ โฮลฮ อื โอม ละ ซ เมีญ อื มัฮ ปุย ไน จัตเจือ แตะ โรฮ.

1 โมเซ 46:20

โยเซป ไก กวน ลอา, มัฮ มะนาเซ ไม่ เอฟราอิม. มัฮ ป เกิต นึง เมือง อียิป เซ. มะ อื มัฮ อาเซนัต กวน โปทีเฟรา ป มัฮ ซตุ เมือง โอน.

1 โมเซ 48:18

อัฮ เฮี, “เปือะ, ปุก โตว ตอก เซ. มัฮ ปุย เฮี กวน โรง เงอะ. ย่อง เตะ ดอม เปอะ ราว ไกญ ปุย เฮี นึง อื,” อัฮ เซ.

3 กซัต 2:23

กังเคะ เอ โม เกชู ไม่ โม อารัม ฮอยจ ชะ ลู ย่วง ยาอี ไม่ ย่วง เคนัต ฮา อื, เตือง ย่วง แตวะๆ ป อาวต รวิต รเวียง อื. ปุน เอิน อื ลแฆลฮ ย่วง เตือง โอยจ อื. ป อาวต นา เซ มัฮ ตื จัตเจือ มาคี ป มัฮ เปือะ กิเลอัต เซ.

ปรเตีฮรตุม 5:14

โม เอฟราอิม เอีจ เลีฮ ฮอยจ โตะ โลก, โฮว ฟวต โม เบ่นยามิน ไม่ โม ลุกนอง อื. โม ป ตัตเตียง เอีจ เลีฮ เน่อึม มาคี, ป ระ รที เอีจ เลีฮ เน่อึม เซบู่ลุน.

5 โมเซ 21:17

ปุย เซ ไมจ อื ญอม เมีญ ป มัฮ กวน ปรโปวน โอ แตะ ฮรัก เซ แปน กวน โรง แตะ, นึง เอีจ มัฮ เนอึม อื กวน โรง อื. ไมจ อื รฆุ คาวคอง ละ ป มัฮ กวน รเมะ โรง แตะ เซ ลอา เตะ กวน ไฮญ แตะ เซ ฆาื อื. เอีจ มัฮ เซ ป ลัง โฮลฮ อื นึง มัฮ แตะ กวน โรง อื.

4 โมเซ 32:33

ไอ โมเซ เกือฮ เนอึม ปลัฮเตะ นา เซ ละ เจอ กาต ไม่ เจอ รูเบ่น, เกือฮ โรฮ อื ละ เจอ มะนาเซ ป มัฮ กวน โยเซป ตา บลัฮ เจอ. ปลัฮเตะ เกือฮ อื ละ อื เซ มัฮ นาตี ยุฮ กซัต ซีโฮน ป มัฮ โม อาโมไร, ไม่ นาตี ยุฮ กซัต โอก ป อาวต นึง บ่าชัน เตือง ย่วง ระ ย่วง แตวะ ป อาวต นึง เมือง เซ เตือง โอยจ อื.

4 โมเซ 27:1

กวน รโปวน เซโลเฟฮัต เซ มัฮ มาลา, โนอา, โฮก-ลา, มินคา, ไม่ ทีระซา. (เซโลเฟฮัต เซ มัฮ กวน รเมะ เฮเฟอ, เฮเฟอ เซ มัฮ กวน กิเลอัต. กิเลอัต เซ มัฮ กวน มาคี, มาคี เซ มัฮ กวน มะนาเซ. มะนาเซ เซ มัฮ กวน โยเซป.)

1 โมเซ 48:17

เญือม ยุ โยเซป ย่อง เปือะ แตะ เตะ ดอม แตะ นึง ไกญ เอฟราอิม ตอก เซ, มวน โตว รพาวม ฆาื อื. ริ ยวก เตะ ดอม อื เซ โอก ฮา ไกญ เอฟราอิม เฌาะ อื ฮอยจ ละ ไกญ มะนาเซ.

โยชูวา 17:2

โนก ฮา เซ โม จัตเจือ มะนาเซ ป โฮลฮ ปลัฮเตะ รฆุ ปุย เญือม เซ มัฮ ซฆลาวม โม เฮี, อาบี่เยเซอ, เฮเลก, อัตรีเอน, เชเคม, เฮเฟอ, ไม่ เชมีด่า. ปุย โม เซ มัฮ จัตเจือ มะนาเซ ป มัฮ กวน โยเซป. ปุย โม เซ มัฮ ตื ฮัวนา ละ มู โม โกะ แตะ ไอฮ เตือง ไพ เตือง มัน.

เอเซเคียน 48:4

ป ติต ไม่ นาตี อาวต โม นัปทาลี, เน่อึม นึง ลวง ลั่ก โอก ซเงะ ฮอยจ ละ ลวง ลั่ก เลียก ซเงะ เอ, มัฮ แม นาตี ลัง อาวต เจอ มะนาเซ.

1 โมเซ 41:52

อัฮ โรฮ เฮี, “พะจาว เอีจ เกือฮ อาึ โฮลฮ กวน แตะ นึง เมือง เม่ะมั่ก เกอะ เฮี,” อัฮ เซ. มัฮ เซ ป อัฮ อื เอฟราอิม ละ กวน รเคะ แตะ เซ ฆาื อื.

2 ซามูเอน 2:9

เญือม เอีจ ฮอยจ อื นา เซ ดุฮ อิตโบ่เชต เซ เกือฮ แปน กซัต ละ ปุย นึง นาตี กิเลอัต เซ, ไม่ ละ โม อาเชอ, ไม่ ปุย ย่วง ยิซเรเอน, โม เอฟราอิม ไม่ โม เบ่นยามิน, ไม่ โม อิซราเอน ไฮญ เตือง โอยจ อื.

เอเซเคียน 47:13

พะจาว เยโฮวา อัฮ แม เฮี, “เฮี มัฮ ไลลวง ม่าื พริ โตฮ โกลง นึง กัน รฆุ โม อิซราเอน นา ก อาวต แตะ ละ ปุ แตะ เตือง กาว ลอา เจอ อื. ป มัฮ เจอ โยเซป นึง อื ลัง โฮลฮ อื ตา ลอา ปุน.