โยชูวา 10:25 - ้พระคัมภีร์ละว้า

²⁵ โยชูวา อัฮ เฮี ละ โม ฮัวนา ตฮัน เซ. “ปุ ฮลัต, ปุ รไจจ นึง. ไมจ เปอะ อาวต ตอน อาวต ฮมัน ไม่ เกือฮ เปอะ ติ แตะ อาวต ไม่ เรียง รพาวม แตะ, นึง มัฮ พะจาว ป ซ เกือฮ โม เปะ โฮลฮ เป โม ป ฆวต รุป ไม่ เปอะ ตอก เฮี โครยญ โฆะ อื,” อัฮ เซ ละ อื.

โยชูวา 10:25 Referans Kwoze

2 โคริน 1:10

ปัง เอีจ ซเปี ยุม เอะ ตอก เซ, พะจาว เอีจ เกือฮ เอะ โปน อื. โนก ฮา เซ ซ เกือฮ ลั่ง เอะ โปน อื. ดัฮ โม เปะ เรอึม โรฮ เพือ เอะ นึง รซอม ไววอน แตะ, เอะ เจือ เนอึม เมอะ ซ เกือฮ ลั่ง พะจาว เอะ โปน ป ซ เกิต ละ แตะ เซ. เญือม เซ พะจาว ซ เกือฮ เนอึม อื ตัม ป ปัว ปุย โฮวน นึง แตะ รโตง เอะ เซ. พะจาว ซ เกือฮ กุนมุ่น ยุฮ แตะ ละ เอะ เบือ อื. เญือม เซ โฮวน ป ซ ญันดี่ นึง พะจาว เบือ ป โฮลฮ เอะ เซ.

โยชูวา 1:9

อาึ โม่ เอีจ อัฮ ละ เปอะ? ไมจ เปอะ อาวต ตอน อาวต ฮมัน ไม่ เกือฮ เปอะ ติ แตะ อาวต ไม่ เรียง รพาวม แตะ. ปุ ฮลัต. ปุ โตวฮ ฆราึง นึง โอเอีฮ ฮี. อาึ มัฮ เยโฮวา พะจาว ยุฮ เปอะ ป โฮว ไม่ เปอะ โครยญ คระ โฮว โครง เอีญ เปอะ,” อัฮ เซ ละ อื พะจาว.

เอเฟโซ 6:10

ลั่ก ก ลอยจ ลปุง เงอะ เฮี, ไมจ เปอะ เกือฮ ติ แตะ ปุน เรียง แด่น แตะ เบือ พะโองจาว, ไม่ เบือ อัมนัต ระ ยุฮ อื.

นังซื รโปะ ปาวโล ละ คริตซจัก เวียง โรม 8:37

ปัง มัฮ ตอก เซ, โอเอีฮ โม เซ เอะ เอีจ โฮฮ ฮา เป แตะ โครยญ เจือ เบือ พะจาว ป ฮรัก เอะ.

1 ซามูเอน 17:37

พะจาว ป เกือฮ อาึ โปน ฮา รเวีย ไม่ เครีฮ เซ, ซ เกือฮ โรฮ อาึ โปน ฮา ฟีลิซเตีย เซ ตอก เซ โรฮ,” อัฮ เซ ละ ซาอุน. ซาอุน อัฮ เฮี, “ดัฮ ตอก เซ โฮว เมิฮ. ปัว พะจาว โฮว ไม่ เปอะ,” อัฮ เซ ละ อื.

5 โมเซ 7:19

เญือม นัม พะจาว โม เปะ โอก ฮา เมือง อียิป เซ, ไก พาญัต โซะ ลอน นึง, ไม่ กัน ซัมคัน ปอ เงอึต ปุย นึง, ไม่ อัมนัต ระ ไล ยุฮ พะจาว โฮวน เจือ ป ยุ เปอะ นึง ไง่ โกะ แตะ ไอฮ. พะจาว ซ ยุฮ โรฮ อื ตอก เซ ละ เมือง ปุย ป ฮลัต โม เปะ นึง ปเลี่ย เฮี โรฮ.

ลืลาว 77:11

โอ พะจาว, อาึ ซ โฆง เกือฮ ติ แตะ โตก ละ กัน ยุฮ ปะ เตือง โอยจ อื. อาึ ซ ไตม โรฮ กัน ซัมคัน ป ยุฮ ปะ โฆะ.

ลืลาว 63:9

โม ป ซาวป ยุฮ ยุม ไม่ อาึ ซ ไลจ ซ โลม ฆาื อื. ซ โฮลฮ เลีฮ ฮอยจ นึง เมือง ป ยุม ก โด่ะ อื.

โยชูวา 10:8

ลไล โฮว อื เซ พะจาว อัฮ เฮี ละ โยชูวา, “ปุ เกือฮ ติ เปอะ ฮลัต นึง โม เซ เฟือฮ เอิน. ปุย โม เซ เตือง โอยจ อื อาึ เอีจ เกือฮ ตื อาวต ฆรึม อัมนัต โม เปะ. ซ ไก โตว ติ เนอึม ป ปุน ตอซู ไม่ โม เปะ เอ,” อัฮ เซ ละ อื.

โยชูวา 1:6

“ไมจ เปอะ เกือฮ ติ แตะ อาวต ตอน อาวต ฮมัน ไม่ เกือฮ เปอะ ติ แตะ อาวต ไม่ เรียง รพาวม แตะ. ปะ ซ เกือฮ เปอะ ปุย โม เฮี โฮลฮ กุม ปลัฮเตะ ซันญา ซโตฮ อาึ อาึง ละ จัตเจือ ไพรม อื, ตัม เมาะ อัฮ ฮะ ติ แตะ ซ เกือฮ ละ อื เซ.