โยป 42:5 - ้พระคัมภีร์ละว้า

⁵ ไพรม อื อาึ ยุง ไลลวง เปอะ เบือ โอเอีฮ จัก ปุย เนิ. ปเลี่ย เฮี ปังเมอ โฮลฮ ยุ นึง ไง่ โกะ แตะ.

โยป 42:5 Referans Kwoze

นังซื รโปะ ปาวโล ละ คริตซจัก เวียง โรม 10:17

เอีจ ที นึง เซ. รพาวม เจือ ปุย ไก เบือ ฮมอง อื ลปุง รโฮงะ ปุย ละ แตะ. ลปุง ฮมอง อื เซ มัฮ ไก อื เบือ ครอฮ ปุย ลปุง พะคริต.

โยฮัน 12:45

ป โฮลฮ ยุ อาึ อื เอีจ มัฮ โรฮ โฮลฮ อื ยุ ป ดวน อาึ ฮอยจ เซ.

โยฮัน 12:41

อิซยา มัฮ อัฮ อื โอเอีฮ เซ นึง โฮลฮ แตะ ยุ รัง ซเปีย คึนัก ยุฮ พะเยซู ไพรม อื ไม่ รโฮงะ แตะ ไลลวง อื.

โยฮัน 1:18

ไก โตว ติ ปุย เนอึม ป โฮลฮ ยุ พะจาว. ป มัฮ กวน ติ อื เซ ป อาวต ลอป ซดิ ไม่ เปือะ แตะ เซ, เอีจ เปลีฮ ตอก มัฮ ตอก มอยฮ พะจาว ละ ปุย.

อิซยา 6:5

อาึ อัฮ ฮะ ตอก เฮี, “อาึ รไจจ เนอึม เมอะ. ตึน ซ ยุม เมอะ. อาึ มัฮ ปุย พิต ลอป ดัก ดอย. อาึ อาวต โรฮ ลลาึง ปุย พิต ลอป ดัก ดอย โรฮ. อาึ เอีจ โฮลฮ ยุ กซัต เซ. มัฮ พะจาว ป กุม ตฮัน มะลอง,” อาึ อัฮ เซ ละ.

อิซยา 6:1

ไน เนอึม ยุม กซัต อุตซียา เยอ, อาึ โฮลฮ ยุ พะจาว งาวม ก ฮลาวง อื. มัฮ ตังอี คึนัก ก งาวม อื เซ. ลปิ อื เซ ดา ปอ นาวก เอิน อื ยุฮ วิฮัน.

โยป 33:16

พะจาว โปฮ ฮยวก โดง ปุย ละ ซ เกือฮ อื ฮมอง ป อัฮ แตะ. ปุย ฮลัต นึง ลปุง ซตอก พะจาว แตะ.

โยป 4:12

“ติ โฮน อื ไก ลปุง ติ มวยญ ฮอยจ แปน รซอม แตะ ละ อาึ ไม่ เซียง ชุม แตะ, อาึ ฮมอง เซียง รแซป เซ นึง โตะ ฮยวก แตะ.

โยป 28:22

โม ป อาวต เมือง ป ยุม เซ มัฮ เมาะ ฮมอง อื ไลลวง อื เญี่ยะๆ โน่ง.

โยป 26:14

ง่อต ที แลน, กัน ซัมคัน เมาะ ป เอีจ ยุฮ พะจาว ป ยุ ป ฮมอง เอะ นึง อื เซ, มัฮ เยือ ลั่ง ตอก เฮลาะ ตอก เพลือะ อื โฮ. มัฮ โรฮ ตอก ฮมอง เงอะ เซียง รแซป โฮ. ป มัฮ อัมนัต โญตซัก ระ ไล ยุฮ อื เซ มัฮ ปุย ป ซ เกียฮ ยุง เตือง โอยจ อื?” อัฮ เซ โยป เปอ.

โยป 42:6

อาึ เอีจ โซะกิจ ลัมเลือ นึง ป อัฮ แตะ. อาึ ปัว โปวฮ รพาวม ไพรม ไอฮ รพาวม โคระ แตะ ฆาื อื. อาึ งาวม นึง จะ ไม่ รกาื ฆาื อื นึง ซ เปลีฮ แตะ ฆวต เปียน แตะ รพาวม แตะ,” อัฮ เซ ละ พะจาว โยป เปอ.

ฮาบ่ากุก 3:2

โอ พะจาว, เญือม ฮมอง ไลลวง กัน ซัมคัน ยุฮ เปอะ เซ, อาึ เกิต เอิน รพาวม ฮลัต นึง เปอะ ไม่ ฆวต นัปทื แตะ ปะ. ไน เจน เอะ เฮี ปัว เปอะ เฌาะ ยุฮ โคระ แม กัน ยุฮ แตะ เซ, ปัว เปอะ เปลีฮ เกือฮ ปุย ยุ. เญือม รอก พาวม เปอะ ปัว โรฮ เปอะ โตก ละ รพาวม เลียก พาวม แตะ นึง ปุย โรฮ.