โยป 15:8 - ้พระคัมภีร์ละว้า

⁸ ปะ อัม มัฮ โคะ เปอะ ติ แตะ เอีจ ฮมอง ซิงซา พะจาว โอเอีฮ ไม่ โม เตปด่า ยุฮ แตะ เซ? อัม มัฮ โคะ เปอะ ติ แตะ ไมจ โน่ง กัมกึต วิไซ?

โยป 15:8 Referans Kwoze

นังซื รโปะ ปาวโล ละ คริตซจัก เวียง โรม 11:34

เอีจ ตอก โรฮ อัฮ พะทัม เฮี, “มัฮ ปุย ป ยุง รพาวม รโม่ยฮ พะจาว? มัฮ ปุย ป โฮลฮ พะจาว ซิงซา โอเอีฮ ไม่ อื?

เยเรมี 23:18

ไน ปุย โม เซ มัฮ ปุย นึง อื ป ปึกซา ดิ โอเอีฮ ไม่ พะจาว? มัฮ ปุย ป ซาวป ยุ ซาวป ฮมอง ลปุง พะจาว เยอ? มัฮ ปุย ป เกือฮ ติ แตะ โฮก ลปุง เนอึง ป อัฮ พะจาว นึง อื? ไก โตว ติ ตื เนอึม.

1 โคริน 2:16

พะทัม เอีจ อัฮ โรฮ อื ตอก เฮี, “มัฮ ปุย ป ยุง รพาวม รโม่ยฮ พะจาว? มัฮ ปุย ป โฮลฮ พะจาว ซิงซา โอเอีฮ ไม่ อื? แจง โอ อื ไก,” อัฮ เซ พะทัม. ปัง มัฮ ตอก เซ เอะ เอีจ ไก เนอึม รพาวม รโม่ยฮ พะคริต นึง เงอะ.

โยฮัน 15:15

อาึ เญาะ อัฮ โตว โม เปะ มัฮ กวนไจ แตะ, นึง โอ กวนไจ เซ ยุง ป ยุฮ ปอเลียง แตะ. อาึ อัฮ ปุโฮมว ละ โม เปะ นึง เอีจ รโฮงะ อาึ ป ฮมอง แตะ เน่อึม นึง เปือะ เกอะ ละ โม เปะ โครยญ เจือ.

มัตไท 13:35

โอเอีฮ ไล เซ เอีจ เกิต เนอึม ตัม ป อัฮ ป ซึป ลปุง พะจาว โฆะ โฮ, มัฮ อัฮ อื เฮี, “อาึ ซ อัฮ โอเอีฮ ละ ปุย นึง ลปุง ปันฮา แตะ. ไลลวง ป เม่าะ แตะ เน่อึม เจน เตะ ฆอ รอาวม อาึ ซ รโฮงะ ละ อื,” อัฮ เซ.

มัตไท 13:11

พะเยซู โลยฮ อื ละ อื, “ลปุง โด่ะ เกว ไม่ ตอก ฮอยจ ตัตเตียง พะจาว ปุย ปลัฮเตะ, เอีจ โพต พะจาว ละ เปอะ นึง ซ เกือฮ อื โม เปะ ยุง. ปุย ไฮญ โพต โตว อื ยุง อื.

มัตไท 11:25

เญือม เซ เยอ, พะเยซู อัฮ เฮี, “เปือะ, ปะ มัฮ เปอะ ป กุม ปลัฮเตะ ไม่ มะลอง. อาึ ญันดี่ ไม่ ปะ นึง เม่าะ เปอะ โอเอีฮ ไล เฮี ฮา โม ป เฮียง ไม่ ป ฮลาวง ป ยุง, ปังเมอ เกือฮ เปอะ โม ป อัฮ ปุย งาวไงญ ยุง ไล เฮี.

อาโมต 3:7

พะจาว เยโฮวา แจง โอ อื ซ ยุฮ โอเอีฮ เตือง โอ อื รโฮงะ อาึง แพนกัน ยุฮ แตะ ละ โม กวนไจ แตะ ป มัฮ โม ป ซึป ลปุง พะจาว เซ.

ซตอกรเง่อึม 3:32

พะจาว เกละยุ ปุย บ่วก รพาวม. ปุย ซื ปุย ไซ เยอ ปังเมอ เกือฮ อื แปน ปุโฮมว แตะ.

ลืลาว 25:14

พะจาว แปน ปุ โฮมว โม ป นัปทื เนอึม แตะ. เพอึก อื เกือฮ ยุง ลปุง ซันญา แตะ ไม่ อื.

โยป 29:4

ตอก เญือม บุฮ โกะ ง่อน บุย ลั่ง เงอะ โฮ, ไม่ เญือม โฮมว ลั่ง พะจาว ไม่ เยอะ ไม่ เฆีญ อื เญือะ อาวต คราว โซม เมอะ ฮา ป โอ ไมจ โฮ.

โยป 12:2

“ปุ เญาะ ซองไซ นึง เฟือฮ เอิน. โม เปะ เอีจ มัฮ เนอึม เปอะ โม ป ตึก นึง เฮียง แตะ. ดัฮ โม เปะ เอีจ ยุม โฮ, กัมกึต วิไซ ไมจ เซ ตึน ซ ไฆร โอยจ เอิน โรฮ ฆาื อื.

โยป 11:6

อาึ ฆวต เกือฮ โรฮ พะจาว เปลีฮ วิซา พันญา ยุฮ แตะ ป เม่าะ อื อาึง ละ ซ เกือฮ ปะ โฮลฮ ยุ ที. ป ยุ ป ยุง พะจาว โด่ะ เนอึม โฮฮ ฮา เกียฮ คาวไจ ปุย อื. ไมจ เปอะ เกือฮ ติ แตะ ยุง ตอก เฮี, เม่ะมั่ก อาวม เปอะ เซ, แตวะ ลั่ง ฮา มั่ป ตุต ป ลัง ลอก เปอะ เน่อึม นึง พะจาว.

5 โมเซ 29:29

ไก ลั่ง โอเอีฮ ป เม่าะ เยโฮวา พะจาว ยุฮ เอะ ฮา เอะ เอ, ปังเมอ ไก โรฮ โอเอีฮ ป เอีจ เปลีฮ ที พะจาว ละ เอะ เอ, ไม่ ละ โม กวน เฌือต เตอะ. เอีจ มัฮ ลปุง ไก นึง โกตไม ยุฮ อื เซ, ละ ซ เกือฮ อื เอะ ยุฮ ลอป ตัม ป อัฮ อื เซ โครยญ เจือ.

นังซื รโปะ ปาวโล ละ คริตซจัก เวียง โรม 11:33

พอม เนอึม ป เกียฮ ยุฮ เกียฮ อัฮ พะจาว เยอ. กัมกึต วิไซ ไมจ อื ไม่ ป ยุ ป ยุง อื โฮฮ เนอึม ฮา เกียฮ แกต ปุย อื. มัฮ ปุย ป เกียฮ คาวไจ ตอก โปวต พะจาว รพาวม แตะ? มัฮ ปุย ป ยุง ตอก ยุฮ อื โอเอีฮ ฮี? แจง โอ อื ไก.