โยป 15:21 - ้พระคัมภีร์ละว้า

²¹ ปุย เซ ซ ฮมอง ลอป เซียง ป ฮลัต ป เตีจ แตะ นึง. ปัง โฮวน โอเอีฮ ยุฮ อื, ซ ฮอยจ ตุย คะมุย ฮา อื.

โยป 15:21 Referans Kwoze

โยป 18:11

โอเอีฮ ป เกือฮ อื ฮลัต เตีจ โตวฮ ฆราึง เซ ซ อาวต เอิน รวิต โกะ อื, ไม่ ซ อาื เอิน อื ตอก อาื โอเอีฮ เกียต ล่อยจ ปุย โฮ.

1 เทซะโลนิกา 5:3

ลไล อัฮ ปุย ไมจ เปละ ลโลวง พาวม อาวต ไมจ อาวต มวน เนอ, เญือม เซ ซ ฮอยจ ป โตะ ป ตอง ละ จุบั่น ตัน ด่วน เอิน, ตอก โซะ เติง เคิ รอาวม ปรโปวน โฮ. ปัง ซ ตอ โปน อื ปุ เกียฮ โปน อื.

3 โมเซ 26:36

“เญือม เซ โม เปะ ป ไอม ลั่ง เงอ ป ซ อาวต นึง เมือง ปุย โม เซ, ซ อาวต เนอึม เปอะ ไม่ ฮลัต เตีจ แตะ. ปัง มัฮ เมาะ ฮมอง เปอะ ลอยฮ ฮละ โคะ ปอย กาื, โม เปะ ซ ตอ เปอะ ฆาื. ซ ตอ เปอะ ตอก ตอ ปุย ฮา วิจ ฮา เพลียฮ โฮ. ซ ตอ เปอะ ปอ ฆลาื แตะ เตือง โอ แตะ ไก ป อาื.

1 โคริน 10:10

ไมจ เปอะ โตว ปุปิ ตอก ปุปิ โม เซ อื ง่อน. เอีจ ยุฮ เตปด่า ยุม ไม่ ฆาื อื.

รโฮงะ 9:11

ไก กซัต ตัตเตียง ติ. มัฮ เตปด่า กุม โตะ ครุฮ โอ ไก ก นัน เซ. นึง ลปุง ฮีบรู เยอ มอยฮ กซัต เซ มัฮ อาบั่ตโด่น. นึง ลปุง กริก ปุย อัฮ อะปอลิโอน ละ อื.

ลืลาว 92:7

ปุย ฆอก ปุย เบร เยอ ปัง จเลิน ยุฮ แตะ ตอก ระ ฮอน ไรป โฮ, ลั่ก ก ลอยจ อื ปังเมอ ซ ไลจ โลม ลอป เอิน.

โยป 27:20

ป โตะ ป ตอง ฮอยจ ครุป พราวป เอิน อื ตอก ลุป รอาวม โอเอีฮ โฮ. เมือ ก ซาวม อื ฮอยจ แทต กาื ระ กาื กอ ปอ ปอย เอิน อื.

2 กซัต 7:6

มัฮ ฆาื เอีจ เกือฮ พะจาว โม ตฮัน ซีเรีย เซ ฮมอง เซียง ฮอยจ รุป ปุย โม โกะ แตะ เซ. ฮมอง เซียง เลาะ รุป เซิก, เซียง โฮว บรอง, เซียง โฮว โม ตฮัน โฮวน. โม ตฮัน ซีเรีย เซ อัฮ เฮี ละ ปุ แตะ ฆาื อื, “ง่อต แลน เมอะ, กซัต เมือง อิซราเอน เอีจ จัง โม กซัต ยุฮ โม ฮิตไท ไม่ กซัต ยุฮ โม อียิป ฮอยจ รุป ไม่ โม เอะ,” อัฮ เซ ละ ปุ แตะ.

โยป 15:24

รพาวม ตุก ไม่ รพาวม โซะ อื เซ, มัฮ ป เกือฮ อื ฮลัต เตีจ. ปุย เซ แจง ซ ไป นึง อื ตอก ไป ปุย นึง กซัต ป เกง ละ กัน รุป โฮ.

โยป 18:14

ปุย เซ ซ โฮลฮ ปุย เมือะ โอก ฮา พากัง ยุฮ อื ป อาึง อื รพาวม แตะ นึง เซ. ซ โฮลฮ โรฮ ปุย โตวก โรวก ฮอยจ เคะ กซัต เมือง ป ยุม.

โยป 20:21

เอีจ ลู โซม โอเอีฮ ยุฮ ปุย ปอ เอิน โอ โม เซ เญาะ ไก โอเอีฮ ยุฮ เฟือฮ เอิน. เคียง มัฮ อื ตอก เซ กัน จเลิน โกะ อื เซ ซ ดุต ซ ไฆร โรฮ ฆาื อื.

โยป 22:10

เคียง มัฮ อื ตอก เซ แฮวะ ไม่ ซราว เอีจ อาวต รวิต ปะ ละ ซ เคริ อื ปะ, ป ฮลัต เตีจ โตวฮ ฆราึง เปอะ นึง เซ เอีจ ฮอยจ ครุป โรฮ ปะ ฆาื อื.

โยป 24:17

ปุย โม เซ โกว เมือ ก ซาวม ตัง เมือ ซเง่ะ อื, นึง มัฮ อื ป เอีจ โกย อาวต แตะ นา ก เฟียก อื ตอก เซ.

ซตอกรเง่อึม 10:24

โอเอีฮ ป รไจจ ปุย ฆอก ปุย เบร นึง เงอ, ตึน ซ ฮอยจ เนอึม ละ โกะ อื ไอฮ. ป รไม่จ ปุย ซื ปุย ไซ โฮลฮ โฮ, ปังเมอ ซ โฮลฮ เนอึม อื ตัม ป รไม่จ แตะ เซ.

เอซเทอ 7:6

เอซเทอ เซ โลยฮ อื, “ป เกละยุ เอะ นึง ฆวต ยุฮ อื ยุม ไม่ เยอะ เซ เอีจ มัฮ เอิน ฮามัน ปุย ฆอก ปุย เบร เฮี,” อัฮ เซ. เญือม เซ ฮามัน อาวต ซองนา กซัต ไม่ เอซเทอ เซ, ไม่ ฮลัต เตีจ เอิน แตะ.

ซตอกรเง่อึม 28:1

ปุย ฆอก ปุย เบร ปัง โอ ไก ป อาื, ตอ เง่าะ ตอ วู แนฮ ฆาื ฮลัต แตะ. ปุย ซื ปุย ไซ เยอ ปังเมอ โฮลฮ รพาวม กา แตะ ตอก รเวีย ซิงโต โฮ.

เยเรมี 6:26

พะจาว อัฮ เฮี, “โม เปะ ป มัฮ ปุย ไน อาึ อื, ไมจ เปอะ จาวป เครอึง ฮาื ฆัน. เกือฮ ติ เปอะ คุกคัก นึง จะ. ไมจ เปอะ โฆว ตอก โฆว ปุย ยุม กวน รเมะ ติ แตะ โฮ. เกือฮ กัน เยือม เปอะ แปน ป ตึก นึง โซะ แตะ. ป ซ ยุฮ ไลจ ไม่ โม เปะ เซ ซ ฮอยจ พราวป ละ เปอะ.