โยฮัน 19:15 - ้พระคัมภีร์ละว้า

¹⁵ โม เซ อัฮ เฮี เรียง, “ยุฮ แปฮ ไม่, ยุฮ แปฮ ไม่, เคิง นึง ไมะซาวแควง เซ เมิฮ,” อัฮ เซ. ปีลัต ไฮมญ อื ตอก เฮี, “อัม ฆวต เกือฮ เปอะ อาึ เคิง กซัต ยุฮ เปอะ นึง ไมะซาวแควง?” อัฮ เซ ละ อื. โม ซตุ ระ โลยฮ อื ตอก เฮี, “กซัต ยุฮ เอะ ไก โตว โนก ฮา ซีซา เยอ,” อัฮ เซ.

โยฮัน 19:15 Referans Kwoze

ลูกา 23:18

ปุย โฮวน เซ ปังเมอ อัฮ เฮี เรียง, “ไมจ เปอะ ยุฮ ยุม ไม่ ปุย เฮี. พลวย บ่าระบ่า เนิ,” อัฮ เซ.

กันไกญกอ 22:22

โม ปุย โฮวน เซ ง่อต ป อัฮ ปาวโล เคียง เซ โน่ง. ฟวยจ เซ อัฮ อื เรียง, “ไมจ ยุฮ แปฮ ไม่ ปุย เฮี เยอ, เกือฮ โปน แปฮ ปลัฮเตะ เฮี. เญาะ คาว โตว ละ ไอม แตะ,” อัฮ เซ ละ ปุ แตะ.

กันไกญกอ 21:36

โม เซ อาื อื, อัฮ เฮี เรียง, “ยุฮ แปฮ ไม่,” อัฮ เซ.

โยฮัน 19:6

เญือม เอีจ ยุ โม ซตุ ระ ไม่ โม กวนไจ อื, อัฮ เฮี เรียง, “เคิง เมิฮ, เคิง นึง ไมะซาวแควง เซ เมิฮ,” อัฮ เซ. ปีลัต อัฮ เฮี ละ อื, “โม เปะ ไมจ เปอะ โฮว เคิง ไอฮ นึง ไมะซาวแควง, นึง โอ อาึ ยุ ไก คระ พิต คระ โฌวะ อื เฟือฮ เอิน,” อัฮ เซ ละ อื.

1 โมเซ 49:10

มัฮ ยูด่า ป ซ ไปญ ลอป โคะ ฆิ ยุฮ กซัต เตอ. กวน เฌือต อื ซ โฮลฮ ลอป ตัตเตียง ปุย ฮอยจ ละ ซ ฮอยจ ป ลัง ตัตเตียง เนอึม ปุย เซ. เมือง ปุย ไฮญ ซ เนอึง ป อัฮ ปุย เซ.

โยฮัน 18:31

ปีลัต อัฮ เฮี ละ โม เซ, “ไมจ เปอะ โรวก รเตีฮ ปุย เฮี ตัม โกตไม ยุฮ โม โกะ เปอะ ไอฮ,” อัฮ เซ. โม ยิว โลยฮ อื ละ อื, “เอะ ดัฮ ยุฮ ยุม ไม่ ปุย โฮ, ซ พิต โกตไม ยุฮ โม เปะ,” อัฮ เซ.

มัตไท 22:17

เคียง มัฮ อื ตอก เซ ปัว ปะ รโฮงะ ตอก แกต เปอะ ละ เอะ. กัน ซ กัฮ ปุย พาซี ละ ซีซา, อัม ปุก อื โกตไม ยุฮ เอะ เอ? อัม โอ ปุก อื?” อัฮ เซ.

กันไกญกอ 13:28

โม เซ ปัง ยุง อื โอ อื ไก ควน ฆาื ละ ซ ยุฮ ปุย ยุม ไม่ พะเยซู, ปัว ลั่ง ปีลัต ยุฮ ยุม ไม่ อื.