เยเรมี 9:25 - ้พระคัมภีร์ละว้า

^25-26 พะจาว อัฮ แม เฮี, “เอีจ ซ เติง เวลา ละ ซ เกือฮ อาึ ปุย โม เฮี ลอก ตุต แตะ. มัฮ โม อียิป, โม ยูด่า, โม เอโด่ม, โม อัมโมน, โม โมอัป ไม่ ปุย ไฮญ ป อาวต นึง ลาึน เวือฮ, โม ป โกว ปซี ปซา คุต ฮาึก โซม เซาะ แตะ. ปุย โม เซ มัฮ โตว ป เลียก นึง ริตกิต เนอึม. อาึ ซ เกือฮ ลอก ตุต ฆาื อื โครยญ เมือง. จัตเจือ อิซราเอน เตือง โต อื เลียก โตว โรฮ นึง ริตกิต ฮอยจ ละ รพาวม รโม่ยฮ แตะ,” อัฮ เซ พะจาว.

เยเรมี 9:25 Referans Kwoze

อาโมต 3:2

“ไน ปุย ติ ปลัฮเตะ เฮี มัฮ ปะเทต โม เปะ เฮี โน่ง ป เอีจ เลือก อาึ อาึง เงอ, มัฮ เซ ป ไมจ อาึ เกือฮ โม เปะ ลอก ตุต ตัม มั่ป พิต ยุฮ เปอะ เซ ฆาื อื,” อัฮ เซ.

เอเซเคียน 28:10

ซ ยุม เยือ เปอะ ตอก ปุย ป โอ ยุง พะจาว. มัฮ ปุย ตังเมือง ป ซ ยุฮ ยุม ไม่ เปอะ. เอีจ มัฮ อาึ ป อัฮ โอเอีฮ ตอก เซ ละ เปอะ,” อัฮ เซ พะจาว เยโฮวา.

นังซื รโปะ ปาวโล ละ คริตซจัก เวียง โรม 2:28

ป มัฮ ยิว เนอึม มัฮ โตว ไลลวง ก พริ ปุย โน่ง. กัน เลียก นึง ริตกิต เนอึม มัฮ โตว ไลลวง ไก นึง เนะซอัง ปุย โน่ง.

นังซื รโปะ ปาวโล ละ คริตซจัก เวียง โรม 2:29

ป มัฮ ยิว เนอึม เอีจ มัฮ ป มัฮ ยิว ฮอยจ โตะ รพาวม แตะ. กัน เลียก ปุย นึง ริตกิต เนอึม เอีจ มัฮ ไลลวง รพาวม รโม่ยฮ ปุย. มัฮ โตว เบือ โกตไม ไซฮ ปุย อาึง, มัฮ ไก อื เบือ ลปุ พะจาว. มัฮ ปุย ตอก เซ ป ซ โฮลฮ พะจาว ลื, มัฮ โตว ปุย ปลัฮเตะ ป ซ ลื.

1 ซามูเอน 14:6

โยนาทัน อัฮ อื ละ ปรเมะ นุม ป โฮว ไม่ แตะ เซ ตอก เฮี, “โฮว, โฮว ดิ ฮอยจ ก อาวต โม ฟีลิซเตีย ป โอ ยุง พะจาว เซ. เมอ เตือง อื พะจาว ซ ยุฮ ดิ กัน ไม่ เอะ ยุ่ง. ดัฮ พะจาว ฆวต เกือฮ เอะ โปน ฮา อื ไก โตว ป ปุน คัต คัง เงอ. เอะ ปัง รมัฮ ปัง โฮวน เนอะ, ตัง โตว ละ พะจาว.” อัฮ เซ.

1 ซามูเอน 17:26

เญือม เซ ด่าวิต ไฮมญ โม ปรเมะ ชุง โบ แตะ ตอก เฮี, “ดัฮ ไก ป ปุน ยุฮ ยุม ไม่ ฟีลิซเตีย เซ นึง ซ ไฆร อื ยุฮ กัน โชะ นา โม อิซราเอน มัฮ เมอ ป ซ โฮลฮ อื? ฟีลิซเตีย โอ ยุง พะจาว เฮี มัฮ ปุย แล, เกียฮ ตะ โน่ง ตฮัน ยุฮ พะจาว ป ไอม ลอป เมอ?” อัฮ เซ.

เยเรมี 4:4

โม เปะ ปุย เมือง ยูด่า ไม่ เวียง เยรูซาเลม, ไมจ เปอะ ยุฮ เนอึม ตัม ลปุง ซันญา เอีจ อัฮ เอะ อาึง ไม่ ปุ แตะ. ฮา ซ เปิง เปอะ ริต ยุฮ ปุย ตัม เนะซอัง แตะ เซ เกือฮ รพาวม เปอะ เนอึม ละ อาึ ป มัฮ พะจาว เฮี ฮา อื. ดัฮ เปอะ โอ ยุฮ ตอก เซ อาึ ซ ฮาวก รพาวม ละ เปอะ, ฆาื ยุฮ โม เปะ ป ฆอก ป เบร. รพาวม ฮาวก ยุฮ อาึ เซ มัฮ ตอก งอ โฮ. ซ รเออึป เลิง, ไก โตว ป ปุน เกือฮ อื ญึ่ต เตอ,” อัฮ เซ พะจาว.

เอเซเคียน 31:18

“ไลลวง โคะ โซน ซีด่า เซ เอีจ มัฮ แพป เยอะ ไม่ ปะ ป มัฮ กซัต เมือง อียิป เตือง โม ลัปซด่อน ยุฮ เปอะ เตือง โอยจ อื โรฮ. ปัง มัฮ โคะ นึง รปึม เอเด่น ไก โตว ป คึ ป ฮลาวง อื เมาะ เปอะ ติ ตื เนอึม. ปเลี่ย เฮี ปังเมอ ซ เลีฮ เปอะ ฮอยจ เมือง ป ยุม ตอก โคะ นึง เอเด่น เซ. ซ อาวต ดิ เปอะ ไม่ โม ป โอ เจือ พะจาว, ไม่ โม ป ยุม นึง กัน รุป เซิก,” อัฮ เซ พะจาว เยโฮวา.

3 โมเซ 19:27

ปุ คุต ฮาึก นึง โซม เซาะ เปอะ. ปุ โรฮ ญัป ฮาึก กัป เปอะ เกือฮ เญี่ยง โรฮ.

เยเรมี 25:23

โม กซัต เมือง เด่ดั่น, เมือง เทมา, เมือง บุ่ต, ไม่ โม ป คุต ฮาึก นึง โซม เซาะ แตะ เตือง โอยจ อื.

เยเรมี 49:32

โฮว ตุย อุต ไม่ โมวก ยุฮ อื ฮา อื. อาึ ซ เกือฮ โม ป ญัป ฮาึก แตะ เงี่ยง เซ ตอ อาวต เฮียไฮ โครยญ ลวง, ไม่ ซ เกือฮ เยอะ ลอก ป โตะ ป ตอง เน่อึม นึง โครยญ ลวง โรฮ.

เอเซเคียน 44:7

โม เปะ เอีจ เกือฮ เปอะ วิฮัน ยุฮ อาึ แปน ป ทัมมด่า ละ ปุย. ญอม เปอะ เกือฮ ปุย ตังเมือง ตัง ด่าว เลียก นึง วิฮัน ยุฮ อาึ เตือง มัฮ อื โม ป โอ ดิ เลียก นึง ริตกิต ไม่ โอ อื ไก รพาวม นึง อาึ เฟือฮ. ลไล ทไว ปุย ป ซัมคัน ละ อาึ ป มัฮ ลออยฮ ซัตซิง ไม่ ฮนัม อื, เอีจ เกือฮ เนอึม เปอะ โม เซ เลียก ละ ซ ไลจ เปอะ ยุฮ ลปุง ซันญา เอะ ไม่ ปุ แตะ ฆาื กัน คึต กัน ตวยฮ ยุฮ แตะ เซ เตือง โอยจ อื.