เยเรมี 8:19 - ้พระคัมภีร์ละว้า

¹⁹ ง่อต แลน, อาึ ฮมอง เซียง เยือม ปุย นึง บั่นเมือง ยุฮ ฮุ เลี่ป ปะเทต เอิน. มัฮ อัฮ อื เฮี, “พะจาว อัม มัฮ โอ อื เญือะ อาวต นึง เมือง ซีโยน? กซัต ยุฮ อื อัม มัฮ โอ อื เญือะ อาวต นึง เมือง ซีโยน เซ?” อัฮ เซ. พะจาว ป มัฮ กซัต ยุฮ อื เซ โลยฮ อื ตอก เฮี, “ปุย โม เฮี เมอยุ ยุฮ อื ป วัว รพาวม อาึ นึง ฮุป โอเอีฮ ไว อื เซ? เมอยุ เกือฮ อื อาึ รอก พาวม ฆาื พะ ตัง ปะเทต ป โอ ไก ป มัฮ เซ?” อัฮ เซ.

เยเรมี 8:19 Referans Kwoze

อิซยา 39:3

ฟวยจ เซ อิซยา ป ซึป ลปุง พะจาว เซ ฮอยจ เคะ กซัต เฮเซคียา. ไฮมญ อื ตอก เฮี, “โม เฮี เยอ มัฮ ฮอยจ อื เน่อึม ก เมอ? เมอ ป ไฮมญ อื นึง เปอะ ติ ติ?” อัฮ เซ ละ อื. กซัต เฮเซคียา เซ โลยฮ อื ตอก เฮี, “โม เฮี เยอ มัฮ โม ป ฮอยจ เน่อึม นึง เมือง บ่าบี่โลน ก ซไง อื,” อัฮ เซ ละ อื.

อิซยา 13:5

ปุย โม เซ ฮอยจ เน่อึม ก ซไง อื เน่อึม ลอยจ เตะ เตือ มะลอง เอิน. พะจาว เอีจ เพรียง อาึง เครอึง รุป ยุฮ แตะ ไม่ รพาวม ฮาวก แตะ, ละ ซ ยุฮ อื ไลจ ไม่ ปลัฮเตะ เตือง โอยจ อื.

รโฮงะ 2:1

พะโองจาว เซ อัฮ เฮี เนิ, “ไมจ เปอะ ไซฮ รโปะ นังซื ละ เตปด่า ยุฮ คริตซจัก เวียง เอเฟโซ ตอก เฮี, ป ไปญ ซโมยญ อาแลฮ โนง นึง เตะ ดอม แตะ, ไม่ โฮว อื ลลาึง ออม ฮลาวง อาแลฮ ป มัฮ ไคร เซ, อัฮ อื ละ เปอะ ตอก เฮี,

โอบ่าดี่ 1:17

นึง บลาวง ซีโยน เซ ปังเมอ ซ ไก โรฮ ลั่ง ง่อน ป โปน ฮา ยุม แตะ นึง อื. นาตี เซ ซ แปน นาตี ซัมคัน อื, ป มัฮ โม จัตเจือ ยาโคป เปอ ซ โฮลฮ เอิน กุม ปลัฮเตะ ป ลัง มัฮ คอง แตะ เซ.

โยเอน 2:32

โม ป กอก ปัว พะจาว เรอึม แตะ เซ ปังเมอ ซ โปน อื ป โอ ไมจ เจอ. ตอก เอีจ อัฮ พะจาว อาึง เซ, ปุย นึง บลาวง ซีโยน ไม่ ปุย นึง เยรูซาเลม เมอ ซ ไก โรฮ ง่อน ป โฮลฮ อื โปน ฮา ป โอ ไมจ เจอ. เอีจ มัฮ เนอึม โม ป เลือก พะจาว อาึง ป ซ โฮลฮ ไอม นึง อื,” อัฮ เซ พะจาว.

เยเรมี 31:6

ไน เจน เซ โม ป มอง ญัม นึง ย่วง อาวต นึง บลาวง เอฟราอิม ซ กอก บะ ปุ แตะ ตอก เฮี, ‘ไมจ เอะ ฮาวก ดิ นึง เมือง ซีโยน ละ ซ ฮอยจ แตะ เคะ เยโฮวา พะจาว ยุฮ แตะ,’ ซ อัฮ เซ ละ ปุ แตะ.”

เยเรมี 14:19

โอ พะจาว, อัม มัฮ เอีจ ละ โปวฮ ลอป เปอะ เมือง ยูด่า? อัม มัฮ เอีจ ลอต เปอะ เกละยุ บลาวง ซีโยน? เมอยุ ปุฮ โซะ ปุฮ ไซญ เปอะ เอะ ปอ โอ เยอะ เญือะ เกียฮ ไฮ เยอ? เอะ รกวน ยุ กัน เฮน กัน ฮลอง, ปังเมอ โอ ยุ เกิต ป ไมจ ป มวน ละ แตะ. เอะ ซโอว รพาวม ไม่ ซ ไฮ ป โซะ อาวม แตะ, ปังเมอ เกิต แม กัน ฮลัต เตีจ โตวฮ ฆราึง เนิ.

อิซยา 52:1

เออ เมือง ซีโยน, โกฮ, ไมจ เปอะ โกฮ แปฮ. ไมจ เปอะ เกือฮ ติ เปอะ ปุน เรียง แด่น แตะ. ไมจ เปอะ จาวป เครอึง ไมจ แตะ, แง่ฮ ติ เปอะ ไม่. เออ, เยรูซาเลม ป มัฮ เวียง ซง่ะ ซงอม ยุฮ พะจาว, โม ป โอ ยุง พะจาว ไม่ ป โอ ซง่ะ ไล เญือะ ซ โฮลฮ โตว เลียก กไน เปอะ.

อิซยา 33:22

โม่ะ เคิง พากัง โล่ง ยุฮ โม ป รุป ไม่ เยอะ เซ แปน โตว ป โกว. พากัง โล่ง ยุฮ อื เซ ปุ โรฮ เญาะ เกียฮ กัง อื. ป มัฮ คาวคอง เละ มาื ยุฮ โม ป เกละยุ อุ เซ เมาะ ไก อื ซ โฮลฮ เอะ ตุย ฮา อื แกล เอิน. ซ รฆุ ดิ ปุย ไม่ ปุ แตะ เตือง โอยจ อื. ปัง มัฮ โม ป คาโด่ ซ โฮลฮ ตื โรฮ รโตง แตะ นึง อื. เอีจ มัฮ พะจาว ป รเตีฮ รตุม โอเอีฮ ละ เอะ เอ, เอีจ มัฮ พะจาว ป ตัตเตียง โอเอีฮ ละ เอะ เอ, มัฮ โรฮ กซัต ยุฮ ฮุ. พะจาว เซ เอีจ แจง ซ เกือฮ อื เอะ โปน ฮา ป โอ ไมจ เจอ.

อิซยา 12:6

โม เปะ ป อาวต นึง เวียง ซีโยน เนอ, ไมจ เปอะ เชีย นึง ไมจ มวน รพาวม แตะ. ไมจ เปอะ อัฮ เรียง นึง ระ เนอึม พะจาว ป อาวต ลลาึง เปอะ. เอีจ มัฮ เนอึม พะจาว ซง่ะ ซงอม ยุฮ อิซราเอน ป อาวต ไม่ เปอะ เซ.

อิซยา 1:4

โม เปะ ป มัฮ เมือง ระ มั่ป ยุฮ ฮู, ระ เนอึม ตุต นัม ลอก เปอะ. มัฮ เนอึม เปอะ ปุย ฆอก ปุย เบร เน่อึม นึง มะเปือะ แตะ. เอีจ ละ โปวฮ เปอะ พะจาว ตอก กวน ปุย ป ฆวต ยุฮ ไลจ ไม่ โอเอีฮ โฮ. เอีจ พลิฮ บึน เปอะ พะจาว ซง่ะ ซงอม ทื อิซราเอน. เอีจ ลเตือฮ เปอะ ติ แตะ ฮา.

ลืลาว 149:2

เกือฮ โม อิซราเอน ญันดี่ นึง พะจาว ป ซัง แตะ เกิต เซ. เกือฮ ปุย เมือง ซีโยน มวน รพาวม นึง กซัต ยุฮ แตะ.

ลืลาว 146:10

มัฮ พะจาว ป แปน ลอป กซัต โอ เญาะ ไก ลอยจ เจอ. โอ เมือง ซีโยน, พะจาว ยุฮ เปอะ ซ ตัตเตียง ลอป ปุย โครยญ เจน ปุย โอ เญาะ ไก ลอยจ. ไมจ เปอะ ลืลาว พะจาว.

ลืลาว 135:21

ไมจ เปอะ ลืลาว อื นึง เมือง ซีโยน. เวียง เยรูซาเลม เซ เอีจ มัฮ ก อาวต อื. ไมจ เนอึม ปุย ลืลาว พะจาว.

เยเรมี 9:16

อาึ ซ เกือฮ อาวต เฮีย อาวต ไฮ ลลาึง เมือง ปุย ป โอ โกะ อื ไม่ จัตเจือ ไพรม อื ดิ ยุง ป มัฮ ป มอยฮ อื เฟือฮ. อาึ ซ เกือฮ ตฮัน โฮวน ฮอยจ ตอซู ปุ แตะ ไม่, ฮอยจ ละ ไลจ โลม อื โครยญ เจือ,” อัฮ เซ พะจาว.

กันไกญกอ 14:15

อัฮ เฮี เรียง, “โม เปะ มัฮ ยุฮ เปอะ โอเอีฮ ตอก เฮี ละ เมอ? เอะ มัฮ โรฮ ปุย ทัมมด่า ตอก โม เปะ โรฮ. เอะ มัฮ ฮอยจ รโฮงะ ไลลวง กัน ระ ไล ยุฮ พะจาว ละ เปอะ. มัฮ ซ เกือฮ โม เปะ ลเตือฮ ฮา โอเอีฮ โอ ไก ป มัฮ เฮี, ไม่ เกือฮ แตะ โม เปะ เอีญ เคะ พะจาว ป ไอม ลอป. พะจาว เซ มัฮ ป ยุฮ ปลัฮเตะ ไม่ ปลัฮ มะลอง ไม่ ปลัฮ รอาวม ไม่ ป ไก นึง อื โครยญ เจือ.

ลืลาว 31:6

โม ป นัปทื พะจาว โอ เนอึม เซ, มัฮ เนอึม ป เกละ อาึ ยุ. อาึ ปังเมอ อาึง รพาวม แตะ นึง ปะ.

เยเรมี 2:5

เอีจ มัฮ เฮี ป อัฮ อื ละ เปอะ, “โม จัตเจือ ไพรม เปอะ, มัฮ พิต ตอก เมอ ป ยุฮ อาึ ละ อื? มัฮ ฆาื เมอ ป ลอต อื โฮว ซไง ฮา อาึ ฆาื อื? โม เซ ซาวป ไว ฮุป โอเอีฮ ป โอ ไก ป มัฮ. โกะ อื ลอต โรฮ แปน ปุย โอ ไก ป มัฮ ฆาื อื.

เยเรมี 7:19

อัม มัฮ อาึ ป ซ อาวม ป โซะ ฆาื อื ป ยุฮ อื เซ? มัฮ โตว อาึ, มัฮ โม โกะ อื ไอฮ ป ซ อาวม ป โซะ ฆาื อื. มัฮ โม โกะ อื ป ซ โชะ นา แตะ ฆาื อื,” อัฮ เซ พะจาว.

เยเรมี 8:20

ปุย โม เซ อัฮ เฮี, “เอีจ เฟือฮ เบระ เอ, เอีจ ฮอยจ เมือ โฆยญ เญอ. เอะ ปังเมอ โอ ลั่ง ไก ตอก โปน เม่ะมั่ก แตะ,” อัฮ เซ.

เยเรมี 10:15

มัฮ เยือ ป โอ ไก ป มัฮ, ไม่ มัฮ อื ป โฮลฮ ปุย เพียก แฮม. เญือม ฮอยจ รเตีฮ พะจาว โอเอีฮ ซ ยุฮ ไลจ ไม่ อื เตือง โอยจ อื.

เยเรมี 14:9

ตอก เมอ เกือฮ เปอะ ติ แตะ แปน ตอก ปุย ซุกซัก รพาวม, ไม่ ตอก เปอะ ตฮัน ระ เรียง ป โอ ไก ตอก เรอึม ปุย เฟือฮ ฮา? โอ พะจาว, เอะ แจง นึง อาวต เปอะ ลลาึง เอะ เอ. เอะ มัฮ ปุย ไน เปอะ. ปัว เปอะ โอ ละ โปวฮ เอะ,’ อัฮ เซ เนิ ปุย โม เฮี เยอ.”

เยเรมี 27:10

ลปุง อัฮ อื ละ โม เปะ มัฮ เยือ จุ อื โม เปะ เกือฮ โฮลฮ โฮว ซไง ฮา เมือง ไพรม เปอะ. อาึ ซ โครฮ โม เปะ โอก. โม เปะ ซ ลอต เอิน เปอะ ไลจโลม ฆาื.

เยเรมี 32:30

พะจาว อัฮ โรฮ เฮี, “เน่อึม เญือม โคระ ลั่ง เมือง เฮี โม อิซราเอน ไม่ โม ยูด่า เอีจ ยุฮ ลอป ป ฆอก ป เบร โน่ง ละ แลน อาึ อื. ป ยุฮ ป อัฮ ปุย ไน อาึ เฮี มัฮ เนอึม ป วัว ละ อาึ.

เอเซเคียน 48:35

เญือม แนต แลน เมาะ ลั่ง ฆรุง เวียง เซ ไคว อื ไก เอิน 18,000 รเนฮ เอิน. เคียง เซ เยอ ปุย ปุก มอยฮ เวียง เซ ตอก เฮี, อัฮ “พะจาว อาวต นา เฮี” ไม่ อื.

มีคา 4:9

“ปเลี่ย เฮี เมอยุ เยือม เรียง เปอ? เมอยุ แงงัฮ เปอะ ตอก ปรโปวน โซะ นึง ซ เติง เคิ รอาวม แตะ? อัม มัฮ ฆาื โอ เปอะ เญือะ ไก กซัต ยุฮ? อัม มัฮ ฆาื เอีจ ยุม โม ป มัฮ ทีปึกซา ยุฮ เปอะ?

5 โมเซ 31:17

เคียง มัฮ อื ตอก เซ เยอ, อาึ ซ รอก ลัมเลือ รพาวม นึง. เญือม เซ ซ ละ โปวฮ ฮุ. เญือะ ซ แลน แก โตว. ซ พลวย ปุย ยุฮ ไลจ ไม่. ซ ฮอยจ เอิน ป โตะ ป ตอง ละ ฆาื อื โฮวน เจือ. เญือม เกิต โอเอีฮ ตอก เซ ละ อื โม เซ ซ อัฮ เฮี ฆาื อื, ‘ป เกิต เม่ะมั่ก ซักคระ ละ เอะ ตอก เฮี ฆาื อื, ตึน ซ มัฮ ฆาื โอ พะจาว เญาะ อาวต ไม่ เอะ,’ ซ อัฮ เซ.

ลืลาว 137:1

นึง โบ โกลง เมือง บ่าบี่โลน เซ, เอะ งาวม ดิ นา เซ. เญือม โตก เกอะ ละ เมือง ซีโยน เนอ, เอะ เยือม ฆาื.

เซฟันยา 3:15

พะจาว เญาะ ซ รเตีฮ โตว โม เปะ เกือฮ ลอก ตุต แตะ. พะจาว เอีจ โครฮ โม ป ฆวต รุป ไม่ เปอะ เซ เกือฮ ตอ ฮา เปอะ. กซัต ยุฮ โม อิซราเอน เอีจ มัฮ เอิน พะจาว ป อาวต ซน่ะ ซลาึง เปอะ เซ. โม เปะ เญาะ ซ โฮลฮ เปอะ โตว ฮลัต เตีจ นึง โอเอีฮ ป ซ เกิต ละ เปอะ.

เซคาริยา 2:9

“มัฮ พะจาว ไอฮ ป ซ ตอซู ไม่ โม เปะ เอ. โม ป ซ ฮอยจ ซะเต โม เปะ มัฮ เอิน โม ป เอีจ โกย แปน แตะ ครา โม เปะ เอิน,” อัฮ เซ ละ ปะเทต โม เซ พะจาว เยอ. เญือม ยุ เปอะ เกิต โอเอีฮ ตอก เซ, โม เปะ ซ ยุง ที เปอะ มัฮ อื พะจาว กุม ตฮัน มะลอง ป ดวน อาึ ฮอยจ เคะ เปอะ.