เยเรมี 52:15 - ้พระคัมภีร์ละว้า

¹⁵ โม ลัปซด่อน ป ไก ลั่ง นึง เวียง เซ เตือง โม ป ตึก นึง ตุก แตะ ง่อน, ไม่ โม ป บระ ตอ โฮว อาวต ไม่ กซัต บ่าบี่โลน เซ ไม่ โม ชังไมะ ชังปุน โอเอีฮ, โรวก เอิน เนบู่ซาระดั่น ป มัฮ ฮัวนา ตฮัน ระ ยุฮ กซัต เซ, เกือฮ อื โฮว แปน ครา นึง เมือง บ่าบี่โลน เตือง โอยจ อื.

เยเรมี 52:15 Referans Kwoze

เซคาริยา 14:2

พะจาว อัฮ เฮี, “อาึ ซ รโจะ ปุย โครยญ เมือง เกือฮ ฮอยจ ตอซู ปุ แตะ ไม่ เวียง เยรูซาเลม. โม เซ ซ ปุน อื. ซ เลียก ซะ เต เญือะ ปุย นึง อื. ซ ยุฮ ป โอ ไมจ ละ ปรโปวน นึง อื. ซ โรวก ปุย นึง อื ตา บลัฮ ลอก ละ ซ เกือฮ อื แปน ครา แตะ. โนก ฮา เซ ปุย ไฮญ นึง อื ไก โตว ป ซ โรวก โอก ฮา เมือง อื,” อัฮ เซ.

2 กซัต 25:8

เญือม เอีจ โฮลฮ เนบู่คัตเนซา แปน กซัต บ่าบี่โลน กาว ซไตม เนอึม ไปล พอน เคิ ไม่ อาแลฮ ซเงะ เอ, เนบู่ซาระดั่น ป มัฮ ฮัวนา ตฮัน ระ ยุฮ กซัต, ไม่ แปน โรฮ อื ป ซิงซา ดิ โอเอีฮ ไม่ อื เซ, โฮลฮ เลียก ไม่ โม ตฮัน ยุฮ แตะ ฮอยจ นึง เวียง เยรูซาเลม.

2 กซัต 25:11

โม ลัปซด่อน ป โฮฮ ลั่ง โตะ กไน เวียง เซ ไม่ โม ป เอีจ บระ ตอ โฮว อาวต ไม่ กซัต บ่าบี่โลน เซ, โรวก เอิน เนบู่ซาระดั่น เกือฮ โฮว แปน ครา นึง เมือง บ่าบี่โลน เตือง โอยจ อื.

เยเรมี 39:9

ฟวยจ เซ เนบู่ซาระดั่น ป มัฮ ฮัวนา ตฮัน เซ โรวก โม ป ไก ลั่ง นึง เวียง เซ, ไม่ โม ป ญอม มอป ติ แตะ ละ อื, โรวก อื โฮว ไม่ แตะ ฮอยจ เมือง บ่าบี่โลน.

เอเซเคียน 12:11

ไมจ เปอะ อัฮ ละ อื ตอก เฮี, ‘อาึ เฮี มัฮ โรฮ ตัวยั่ง ซัมคัน เกว ไม่ โม เซ. เมาะ ป ยุ เปอะ ยุฮ อาึ อื เฮี, มัฮ โรฮ ป ซ โฮลฮ โม เซ ยุฮ ตอก เซ โรฮ. โม เซ เยอ ซ โฮลฮ ปุย โรวก เกือฮ โฮว แปน ครา แตะ.’ ”

เยเรมี 1:3

กังเคะ เอ ลปุง พะจาว ฮอยจ แม ละ อื เจน มัฮ เยโฮยาคิม ป มัฮ กวน โยซียา เซ กซัต เมือง ยูด่า. ฟวยจ เซ ฮอยจ แม ละ อื โฮวน โฮน ฮอยจ ละ เนอึม กาว โรฮ ติ นึง กัน โฮลฮ เซเด่คียา กวน โยซียา แปน กซัต เมือง ยูด่า. ฮอยจ แม โรฮ ละ เญือม ฮอยจ โฮมวต ปุย ปุย เวียง เยรูซาเลม ไม่ โรวก อื แปน ครา แตะ เซ, ปุก เอิน เคิ พอน นึง เนอึม เซ เอิน.