เยเรมี 14:7 - ้พระคัมภีร์ละว้า

⁷ “ปุย ไน อาึ อื อัฮ เฮี เนิ, ‘โอ พะจาว, ปัง รโจฮ มั่ป ยุฮ ฮุ โกะ โอะ ไอฮ, ปัว ลั่ง เปอะ เรอึม เอะ เดอึม ปุย โอ ซ โฮลฮ เพียก แฮม มอยฮ โกะ เปอะ ฆาื. เอะ เอีจ ลเตือฮ ลอป ฮา เปอะ โฮวน โฮน. เอีจ พิต เลิง ละ ปะ.

เยเรมี 14:7 Referans Kwoze

โฮเชยา 5:5

กัน เกียฮ ฮุน โม อิซราเอน เซ เอีจ แปน ป ฟอง โกะ อื ไอฮ. มั่ป พิต ยุฮ โม เอฟราอิม เอีจ แปน ควน โคะ ซดุฮ อื ฮอยจ ละ ฆลาื แตะ. โม ยูด่า เอีจ แปน โรฮ ป ฆลาื ดิ ไม่ ปุย โม เซ โรฮ.

ลืลาว 25:11

โอ พะจาว, ป พิต ป โฌวะ ยุฮ อาึ โฮวน เนอึม. ปัว เปอะ โอ ทื โซะ โระ โกลยจ เนิ ละ ซ แปน อื โญตซัก ละ มอยฮ เปอะ.

เยเรมี 5:6

เคียง มัฮ อื ตอก เซ, ซ ฮอยจ รเวีย ซิงโต ละ เน่อึม นึง เพระด่าวก, ซ ยุฮ ยุม ไม่ อื ฆาื อื. ซ โอก บราวก ละ เน่อึม นึง ลาึน, ซ ฮอยจ ยุฮ ไลจ ไม่ อื. ซ ไร รเวีย พรุยฮ โตะ ย่วง อื. ดัฮ ปุย ซ โอก ฮา เญือะ แตะ ซ ลอก ซัตซิง โม เซ แจฮ แปน ไซจๆ แตะ. ซ แปน ตอก เซ ฆาื โฮวน มั่ป ยุฮ อื ไม่ ลเตือฮ อื ติ แตะ ฮา พะจาว.

อิซยา 59:12

โอ พะจาว, เอะ เอีจ ยุฮ ลอป เนอึม ป พิต ละ ปะ โฮวน เจือ โฮวน ยั่ง. ป พิต ยุฮ เอะ เซ เอีจ รโจฮ เอะ ไอฮ. กัน พิต กัน โฌวะ ยุฮ ฮุ เซ เอะ เอีจ อาวม ไอฮ นึง โกะ แตะ. กัน พิต กัน มั่ป ยุฮ ฮุ เซ เอีจ ยุง โรฮ โฮะ.

เยเรมี 2:19

“ป ฆอก ป เบร ยุฮ โกะ เปอะ ซ ปุฮ ซ เฟียต โกะ เปอะ ไอฮ. กัน ละ โปวฮ เปอะ อาึ เซ ซ ฟึนฟอง ไอฮ โกะ เปอะ เกือฮ ลอก ตุต. เญือม ละ โปวฮ เปอะ เยโฮวา พะจาว ยุฮ เปอะ ไม่ โอ เปอะ เญือะ นัปทื เยอ, โม เปะ ซ ยุ เปอะ ป ญัก ป นอ ละ แตะ ฆาื อื. เอีจ มัฮ อาึ พะจาว ป กุม ตฮัน มะลอง ป อัฮ เซ ละ เปอะ.

เอเฟโซ 1:12

เคียง มัฮ อื ตอก เซ, เอะ ป โฮลฮ ซโอว รพาวม ไม่ พะคริต กา ปุย ไฮญ เตือง โอยจ อื, ไมจ ทไว รซอม ลืลาว แตะ ละ อื, นึง มัฮ อื ป อาวต ไม่ โญตซัก แตะ.

เอเฟโซ 1:6

ไมจ เอะ ลืลาว พะจาว นึง โพต อื กุนมุ่น คึนัก ยุฮ แตะ ละ เอะ ไม่ รพาวม ซเปือฮ แตะ เบือ กวน ฮรัก แตะ เซ.

โฮเชยา 7:10

รพาวม เกียฮ ฮุน ยุฮ โม อิซราเอน เซ, เอีจ แปน เอิน ป รโจฮ โกะ อื ไอฮ. ปัง เอีจ เกิต ปันฮา ละ โฮวน เจือ ตอก เซ, ดิ ยุง โตว ลั่ง ซาวป ยุ เยโฮวา ป มัฮ พะจาว ยุฮ แตะ เซ ฆาื อื.

เอเซเคียน 20:22

อาึ ปังเมอ เฌาะ เปียน เนอะ รพาวม ฮาวก แตะ เซ, เบือ ฮัน เนอะ นึง มอยฮ โกะ แตะ ไอฮ. มัฮ ยุฮ ฮุ ตอก เซ ละ โอ แตะ ซ เกือฮ มอยฮ โกะ แตะ ไลจ ละ แลน ปุย โฮวน เมือง อื, นึง เอีจ นัม อาึ โม อิซราเอน เกือฮ โอก โฮว ซองนา ปันตา อื เอิน.

เอเซเคียน 20:14

อาึ ปังเมอ โอ ยุฮ เนอึม ละ อื เบือ ฮัน เนอะ นึง มอยฮ โกะ แตะ นึง โอ เยอะ ซ เกือฮ ปุย โฮวน เมือง ป ยุ นัม อาึ โม อิซราเอน โอก ฮา เมือง อียิป เซ โฮลฮ เพียก แฮม มอยฮ อาึ เซ.

เอเซเคียน 20:9

อาึ ปังเมอ โอ ฮาวก รพาวม เนอึม ละ เบือ ฮัน เนอะ นึง มอยฮ โกะ แตะ ละ โอ เยอะ ซ เกือฮ ปุย โฮวน เมือง ป อาวต อื นึง เซ โฮลฮ เพียก แฮม มอยฮ อาึ นา เซ. กา เซ เยอ อาึ เอีจ เปลีฮ ติ แตะ ละ โม เซ ซองนา โม อียิป นึง อัฮ ติ แตะ ซ นัม โม อิซราเอน เกือฮ โอก ฮา เมือง อาวต อื เซ.

เยเรมี 3:6

เจน เญือม มัฮ โยซียา กซัต นึง เมือง ยูด่า, พะจาว อัฮ เฮี เนิ, “อัม เอีจ ยุ เปอะ กัน ยุฮ อิซราเอน ป มัฮ ตอก ปรโปวน โอ เนอึม รพาวม โฮ? เอีจ โฆง โฮว ฮา อาึ ละ เลน อื จุ นึง เปือง โม โครยญ โดฮ ไม่ ฆรึม โคะ เกลอึม ฮละ โครยญ โฆง.

ลืลาว 115:1

โอ พะจาว, มัฮ ปะ โน่ง ป ไมจ โฮลฮ โญตซัก แตะ. เอะ ปุย ปลัฮเตะ โปง โตว โฮลฮ. รพาวม ฮรัก เปอะ ตอน ฮมัน. รพาวม เปอะ เนอึม โครยญ เจือ. มัฮ เซ ป โปง เปอะ โฮลฮ โญตซัก แตะ ฆาื อื.

เอซรา 9:15

โอ เยโฮวา ป มัฮ พะจาว ทื โม อิซราเอน, ปะ ซืไซ เนอึม เปอะ. ปะ ปังเมอ เกือฮ ลั่ง เปอะ เอะ ไอม ลั่ง ง่อน. เอะ ปัว รโซะ พิต โฌวะ ยุฮ แตะ ละ เปอะ, เอะ โซมกวน โตว ไม่ เลียก ลั่ง แตะ เคะ ปะ เฟือฮ เอิน,” อัฮ เซ ละ พะจาว อาึ อื.

โยชูวา 7:9

ปุย คะนาอัน ไม่ ปุย แควน เฮี ตึน ซ ฮมอง ตื อื ไลลวง เฮี. ตึน ซ บะ ปุ แตะ โฮว แวต เอะ ละ ซ ยุฮ แตะ ยุม ไม่ เอะ เตือง โอยจ เจอะ. ปะ ซ ยุฮ เปอะ ตอก เมอ ตอก ซ เกือฮ เปอะ ปุย โอ โฮลฮ เพียก แฮม มอยฮ ระ ไล ยุฮ เปอะ เซ?” อัฮ เซ ละ พะจาว.

5 โมเซ 32:27

“อาึ ปังเมอ ฮลัต โม ป เกละยุ แตะ ลเตือฮ แม เพียก แฮม แตะ. ฮอ โรฮ นึง ซ โคะ ง่อต อื ตอก โอ อื ปุก. ฮลัต โรฮ โม ป เกละยุ แตะ ซ อัฮ ตอก เฮี, ‘กัน เป เอะ โม อิซราเอน เซ มัฮ โตว ป เกว ไม่ พะจาว เฟือฮ, มัฮ เบือ อัมนัต ไม่ เรียง แด่น เอะ ไอฮ ป เป เยอะ เบือ อื,’ ฮลัต อัฮ เซ.

เยเรมี 8:14

ปุย ตึน ซ อัฮ อื ตอก เฮี, “เอะ งาวม แนฮ อาวต โฆย ตอก เฮี ละ เมอ แล? ไมจ เอะ โฮว เลียก รโจะ นึง เวียง ป ไก ปอม ตฮัน นึง. เกือฮ ติ แตะ ยุม นา เซ, มัฮ ฆาื ซ เกือฮ เยโฮวา พะจาว ยุฮ ฮุ เอะ ยุม โอยจ. รอาวม เกือฮ อื เอะ ญุ เซ เอีจ มัฮ รอาวม ป ออป, นึง ยุฮ เอะ ป พิต ละ อื.

ลืลาว 79:9

โอ พะจาว ป มัฮ ตัว เปิง เอะ, ปัว ปะ เรอึม เอะ เบือ ฮัน เปอะ นึง มอยฮ ไก โญต ไก ซัก แตะ เซ. ปัว เปอะ เรอึม เอะ เกือฮ โปน ไม่ ยวก เปอะ มั่ป กัฮ เปอะ ตุต ยุฮ ฮุ เนิ.

อิซยา 48:11

อาึ มัฮ ยุฮ ตอก เซ ละ โอ เยอะ ซ เกือฮ ปุย โฮลฮ พลิฮ บึน โกะ แตะ เบือ ฮัน เนอะ นึง มอยฮ โกะ แตะ. อัมนัต โญตซัก เกอะ เซ, อาึ ญอม โตว เกือฮ ละ ปุย ไฮญ ติ เนอึม,” อัฮ เซ พะจาว.

เยเรมี 3:25

เอีจ โปง ไม่ เอะ เฮี โชะ นา แตะ ตอก เซ. ไมจ เอะ เกือฮ ติ แตะ อาวม โซะ กิจ แตะ ปอ ไอจ รเคอึป เอิน แตะ ลังเตะ, ฆาื ยุฮ ลอป แตะ ป พิต ละ เยโฮวา พะจาว ยุฮ แตะ, เตือง โกะ โอะ เตือง จัตเจือ ไพรม เมอะ. เอะ ยุฮ โตว ตัม ลปุง ซตอก เยโฮวา พะจาว ยุฮ แตะ ละ แตะ เน่อึม เญือม กวนดุ ลั่ง แตะ ฮอยจ ปเลี่ย,” ไมจ เอะ อัฮ ตอก เซ.

เยเรมี 8:5

ดัฮ มัฮ ตอก เซ ปุย เมือง เฮี เมอยุ พิต อื คระ ยุฮ ฮุ ไม่ โอ แนฮ อื แม ติ ชวง เงอ? ตอน ลัมเลือ รพาวม นึง ทื แตะ ฮุป ป จุ อื โกะ แตะ นึง เซ. ญอม โตว เอีญ เคะ อาึ ติ ชวง.

อาโมต 7:2

ซดู ยุ บลอง อาึ เซ โซม เอิน ไรป นึง เมือง เซ ปอ โอยจ อื. อาึ ปัว ฆาื อื นึง พะจาว ตอก เฮี, “โอ พะจาว เยโฮวา, ปัว ปะ ยวก มั่ป กัฮ ตุต ยุฮ ปุย. โม ยาโคป เปอ มัฮ โม ป แตวะๆ ลอน ไม่ ชุมเช ลัมเลือ อื, ซ เกียฮ ไอม เนอึม ตอก เมอ,” อาึ อัฮ เซ ละ.

เยเรมี 5:25

กัน พิต กัน มั่ป ยุฮ เปอะ เอีจ เกือฮ ป ไมจ ตอก เซ ซไง ฮา เปอะ ฆาื อื.

เยเรมี 10:19

ปุย เวียง เยรูซาเลม อัฮ เฮี, “เอะ โซะ ลัมเลือ ป อาวม เมอะ. เบราะ บั่ต ลอก เกอะ ไก โตว ซเงะ ไฮ. เอะ เอีจ อัฮ ตอก เฮี, เอีจ มัฮ ตุต ลัง ลอก เกอะ, มัฮ ป จัมเปน เอะ โอต, เอีจ อัฮ เซ.

มีคา 7:9

ปเลี่ย เฮี อาึ จัมเปน เนอะ โอต รพาวม ฮาวก ยุฮ พะจาว ติ วัง ฮัม. มัฮ ฆาื เอีจ ยุฮ อาึ ป พิต ละ อื. กังเคะ เอ พะจาว ปังเมอ ซ ฮอยจ เรอึม แม อาึ เกียฮ เกือฮ โรฮ อาึ แปน ปุย ปุก ปุย ลอก ละ แตะ. ซ นัม อาึ เกือฮ ฮอยจ นึง รัง ซเปีย ยุฮ แตะ. อาึ ซ โฮลฮ เนอึม ยุ ตอก เรอึม พะจาว แตะ.