อิซยา 13:7 - ้พระคัมภีร์ละว้า

⁷ เคียง เซ เยอ เตะ ชวง ปุย โครยญ โฆะ อื ซ อัฮ ฮรัม ฆาื โอยจ เรียง อื. รพาวม อื ซ โตวฮ ฆราึง ฆาื ฮลัต เตีจ ลอน อื.

อิซยา 13:7 Referans Kwoze

เอเซเคียน 21:7

ดัฮ ปุย โม เซ ไฮมญ เปอะ นึง กัน เยือม เปอะ เซ โฮ, ไมจ เปอะ โลยฮ ละ อื ตอก เฮี, ‘อาึ มัฮ เยือม เมอะ ฆาื ไลลวง ป ฮมอง แตะ เซ. เญือม เอีจ ฮมอง ปุย ไลลวง เซ เยอ, ซ โตฮ เอิน โตะ จัก พาวม ฆาื อื, ไม่ ซ ชุม โกะ ลปิ พาวม อื ฆาื, ซ แปน โรฮ ควน อัฮ เตะ ฮรัม ชวง อื ฆาื อื. ไลลวง เซ เยอ เอีจ ซ ฮอยจ เนอึม,’ อัฮ เซ พะจาว เยโฮวา เยอ.”

นาฮุม 2:10

เวียง เซ โซะไซญ ชิฮ ลวยจ เนอึม. เอีจ ชิป ไฆร โอยจ เอิน ปอ ฮัง เยือ แตะ. ปุย นึง อื ไลจ รพาวม, ฮลัต เตีจ ปอ รกุฮ เอิน มะ ฆราวง แตะ. แปน เอิน อัฮ เตะ ฮรัม ชวง ละ อื ปอ ฮาวต นาตา อื เอิน.

นาฮุม 1:6

เญือม ฮาวก รพาวม พะจาว ละ อื, มัฮ ปุย ป ซ ไอม ลั่ง เงอ? เญือม เรียง รอก พาวม พะจาว เซ มัฮ ปุย ป ซ ปุน อาวต ลั่ง เงอ? รพาวม ฮาวก ยุฮ พะจาว มัฮ ตอก รเออึป งอ ป จาึฮ โอก โฮ. ปัง มัฮ ซโมะ รอัง ม่ะ ตื เอิน ฆาื อื.

เอเซเคียน 7:17

ซ อัฮ เตะ ฮรัม ชวง ฆาื ป เกิต ละ แตะ เซ เตือง โอยจ แตะ.

อิซยา 19:1

ลปุง โม เฮี มัฮ ลปุง ระ ไล ยุฮ พะจาว ป ฮอยจ ละ เมือง อียิป. พะจาว ซ เลีฮ ไม่ ชุต รวู ซ ฮอยจ พราวป นึง เมือง อียิป. ป มัฮ ฮุป ไว ปุย นึง เมือง เซ ซ รกุฮ ดุงเดียง เอิน ซองนา พะจาว. โม อียิป เซ ซ โตวฮ ฆราึง เอิน ปอ โอยจ เปละ โอยจ พาวม แตะ.

เยเรมี 50:43

กซัต เวียง บ่าบี่โลน, เญือม ฮมอง อื คราว ซ ฮอยจ อื, โตวฮ ฆราึง ลัมเลือ รพาวม ฆาื อื, ปอ เอิน อัฮ เตะ ฮรัม ชวง อื, ตอก ปรโปวน อาวม ป โซะ เญือม เอีจ เติง เคิ รอาวม อื โฮ.

อิซยา 51:20

โม ลุกจุ ไพเมือง เปอะ เอีจ ไอจ เฮีย ติ แตะ นึง ตะ โบรก โครยญ กอง ระ กอง แตวะ นึง เอีจ ฮิว ลอน อื, ตอก โรฮ ปอยฮ ป เคริ โม่ะ รโฮญก โฮ. โม เซ เอีจ โฮลฮ ยุ ตอก เติ พะจาว แตะ นึง ฮาวก รพาวม อื ละ แตะ เซ.

อิซยา 37:27

ปุย นึง เวียง โม เซ เญือะ ไก โตว อัมนัต. โฮลฮ โซะ กิจ ปิญ ไง่ ฆาื อื. ปุย โม เซ มัฮ ตอก อื ไรป จัว ป อาวต นึง กังเด่น กังปอย โฮ. ตอก โรฮ ไรป จัว กวยฮ นึง พรัง เญือะ โฮ, เญือม ฮลาึก กอยจ อื ไรป เซ ตูไต ฮอยจ ละ ยุม แตะ.

2 โมเซ 15:15

จาวไน เมือง เอโด่ม ซ ฮลัต เตีจ. ป ระ เรียง เมือง โมอัป ซ รกุฮ รเตียง. ปุย เมือง คะนาอัน ซ โอยจ รพาวม ฆาื ฮลัต ลอน แตะ.

โยชูวา 2:11

เญือม ฮมอง เอะ โอเอีฮ ตอก เซ, ไก โตว ติ ปุย เนอึม ป โอ ฮลัต เตีจ ฆาื อื. มัฮ ฆาื มัฮ เยโฮวา พะจาว ยุฮ เปอะ ป กุม ปลัฮเตะ ไม่ ปลัฮ มะลอง เตือง โอยจ อื.

ลืลาว 58:7

เกือฮ เอิน ลอต ไฆร ตอก รอาวม ปัต โฮ. เกือฮ เอิน ลอต ลาึน ตอก ไรป นึง คระ โฮว ปุย โฮ.

เยเรมี 51:30

ตฮัน เมือง บ่าบี่โลน เญือะ เกียฮ รุป โตว. อาวต เยือ นึง ปอม ตฮัน ยุฮ แตะ. เอีจ โอยจ ตื เรียง แด่น อื. แปน ป ชุมเรียง ตอก ปรโปวน โฮ. ควน ซแก รเวือะ เวียง เซ เอีจ โบวก โอยจ, เญือะ ปุย นึง อื เอีจ ลอก งอ.

เอเซเคียน 21:12

ปะ ป มัฮ ปุย ปลัฮเตะ เอ, ไมจ เปอะ แงงัฮ ไม่ เยือม แตะ เรียง นึง ตุก รพาวม แตะ. มัฮ ฆาื เอีจ มัฮ วิจ เซ ป ซ ตอซู ปุ แตะ ไม่ ปุย ไน อาึ เซ. เอีจ มัฮ วิจ เซ ป ซ ตอซู ปุ แตะ ไม่ โม จาวไน เมือง อิซราเอน เนอ. โม เซ เยอ ซ ยุม เนอึม โกวต อื ไม่ โม ป มัฮ ปุย ไน อาึ เซ เตือง โอยจ อื. มัฮ เซ ป ไมจ เปอะ ปุฮ ไอฮ โกะ แตะ ฆาื อื ละ ซ เปลีฮ เปอะ รพาวม ตุก แตะ เซ.

นาฮุม 2:11

ปเลี่ย เฮี เวียง ป ตอก ทัม อาวต รเวีย ซิงโต เซ โฮว ก เมอ ก โอวน? ไพรม อื นา เซ มัฮ นา ก เกือฮ ซิงโต ป โซม นึง ละ กวน แตะ. มัฮ นา ก กอ เลียก เปิง ซิงโต เตือง ปไฮมญ ปรโปวน อื. มัฮ โรฮ นา ก อาวต ซไบ่ กวน อื นึง, ไม่ โอ อื ไก ป คัม ป คุย เฟือฮ เอิน.