ฮักไก 2:23 - ้พระคัมภีร์ละว้า

²³ พะจาว กุม ตฮัน มะลอง อัฮ เฮี, “เซรูบ่าเบ่น กวน เชอันทิเอน ป มัฮ กวนไจ ยุฮ อาึ, ไน ซเงะ เซ อาึ ซ รัป ปะ, ไม่ ซ เกือฮ ปะ แปน ตอก ไฌม ซัมคัน ป ไก ทา ยุฮ ฮุ, นึง เอีจ เลือก เกอะ อาึง ปะ ละ ซ เตียง เปอะ ปุย ฆรอ อาึ,” อัฮ เซ พะจาว กุม ตฮัน มะลอง เงอ.

ฮักไก 2:23 Referans Kwoze

อิซยา 43:10

อาึ อัฮ เฮี ละ โม อิซราเอน, “เอีจ มัฮ โม เปะ ป มัฮ ซกิ พีญัน ยุฮ อาึ อื. โม เปะ มัฮ เปอะ กวนไจ เลือก อาึ ละ ซ ยุง เปอะ ป มัฮ อาึ, ไม่ เจือ เปอะ อาึ, ไม่ ซ ยุง ที เปอะ มัฮ อาึ พะจาว. โนก ฮา อาึ ไก โตว พะจาว ไฮญ. ปัง มัฮ เน่อึม โฆะ ลั่ง ตึน โอ ไก. เฆียง เฮี ปุ โรฮ ซ ไก เฟือฮ.

อิซยา 42:1

พะจาว อัฮ เฮี, “เฮี มัฮ กวนไจ ยุฮ อาึ, ป เกือฮ อาึ เรียง แด่น ละ. เอีจ มัฮ ป เลือก รอยฮ อาึ อาึง ป ปุก เนอึม รพาวม เมอะ. อาึ เอีจ เกือฮ ลปุ แตะ อาวต นึง อื. ปุย เซ ซ เกือฮ กัน ปุก กัน ลอก กัน ซื กัน ไซ ฮอยจ ละ ปุย โครยญ เมือง.

เยเรมี 22:24

พะจาว อัฮ เฮี ละ เยโฮยาคิน ป มัฮ กวน เยโฮยาคิม กซัต เมือง ยูด่า เซ, “ปะ ปัง มัฮ เปอะ ป ระ ไล เนิ ตอก ไฌม ป ไก ทา ซัมคัน นึง เตะ ดอม เมอะ โฮ, แจง ไอม อาึ ตอก ออฮ อาึ แจง โรฮ ซ ปอยจ ปะ ฮา เตะ แตะ ตอก เซ.

รซอมเชียซาโลมอน 8:6

อาึ ปัว โม เปะ เกือฮ อาึ อาวต โตะ รพาวม เปอะ ติ ปุย โน่ง, ตอก ทา ปุฮ ปุย ละ ไม แตะ อาึง โอเอีฮ โฮ. เกือฮ อาึ แปน ตอก ทา ปุฮ ปุย นึง เตะ เปอะ. รพาวม ฮรัก มัฮ ป เรียง เนอึม, เมาะ เอิน เรียง ลั่ก ยุม เอิน. เญือม ฮงา ปุย นึง ปุ แตะ มัฮ ป ระ อัมนัต ตอก เอิน เมือง ป ยุม โฮ. มัฮ ป เกียฮ รเออึป ตอก รเออึป งอ. เกียฮ แปน ตอก งอ ป ตึก นึง กอยจ แตะ โฮ.

1 เปโตร 2:4

โม เปะ ไมจ เปอะ เอีญ เคะ พะโองจาว ป มัฮ ตอก ซโมะ ไก จีวิต นึง. ด่อง ซโมะ เซ มัฮ ป เอีจ โปวฮ ปุย. พะจาว ปังเมอ โซวต แม อื นึง มัฮ อื ป ระ งวยฮ ระ ตุง ละ อื.

2 ทิโมที 2:19

ลักทัน ยุฮ พะจาว อาึง ปังเมอ มัฮ ป ตอน เนอึม. นึง เอีจ ลัปลอง อื นึง ลปุง ไซฮ แตะ อาึง ตอก เฮี, “พะโองจาว ยุง ป มัฮ ปุย ไน แตะ,” อัฮ เซ. อัฮ โรฮ เฮี ติ มวยญ, “ป อัฮ ติ แตะ มัฮ ปุย ไน พะจาว ไมจ อื ละ โปวฮ ป ฆอก ป เบร,” อัฮ เซ.

โยฮัน 6:27

ไมจ เปอะ โตว ซาวป ริ ป โซม ป ปอน ป เกียฮ ไลจ เกียฮ ไฆร โน่ง. ฮา เซ ไมจ เปอะ ซาวป ริ ป โซม ป ปอน โอ เกียฮ ไลจ เกียฮ ไฆร โรฮ, ป แปน จีวิต โอ เญาะ ไก ลอยจ ละ เปอะ. ป โซม ตอก เซ มัฮ ป ซ เกือฮ กวน ปุย ปลัฮเตะ ละ เปอะ. พะจาว ป มัฮ เปือะ อื เอีจ เกือฮ ปุย ยุง แจง แน มัฮ อื ปุย เซ ป ปุก เนอึม รพาวม แตะ,” อัฮ เซ ละ อื.

มัตไท 12:18

“เฮี ป มัฮ กวนไจ ยุฮ ฮุ ป เลือก เกอะ, มัฮ ปุย ฮรัก เกอะ, มัฮ ป ปุก รพาวม เมอะ. อาึ ซ เกือฮ ลปุ แตะ อาวต นึง, ซ ครอฮ ไลลวง ตอก ซ รเตีฮ พะจาว โอเอีฮ ละ ปุย โครยญ เมือง.

อิซยา 49:16

โอ เยรูซาเลม, อาึ เอีจ ไซฮ อาึง มอยฮ ปะ นึง ลเตือก เตะ แตะ. ฆรุง เปอะ เซ อาวต ลอป ซองนา อาึ. แจง โอ เยอะ ซ เกียฮ เบีย เปอะ.

ลืลาว 65:5

โอ พะจาว ป เรอึม เอะ เกือฮ โปน มั่ป, ปะ เอีจ โลยฮ เปอะ รซอม ปัว เอะ นึง เรอึม เปอะ เอะ เบือ กัน ระ ไล ปอ เงอึต ปุย นึง. ปะ มัฮ เปอะ ลั่ก ซโอว รพาวม ละ ปุย ติ ปลัฮเตะ, ฮอยจ ลอยจ เตะ เตือ มะลอง.