ฮาบ่ากุก 3:19 - ้พระคัมภีร์ละว้า

¹⁹ พะจาว เยโฮวา มัฮ เรียง แด่น ยุฮ อาึ, มัฮ ป เกือฮ ชวง อาึ ตอน ตอก ชวง จัก ปอยฮ โฮ, เกือฮ โรฮ อาึ โฮลฮ โฮว ซไบ่ นึง บลาวง ฮลาวง โฮวน โดฮ. รซอม เฮี มัฮ ป ฮอยจ ละ ฮัวนา โม ป เชีย ป โกว พิน ระ พิน แตวะ.

ฮาบ่ากุก 3:19 Referans Kwoze

2 ซามูเอน 22:34

เอีจ เกือฮ เนอึม ชวง อาึ เลียน ตอก ชวง ปอยฮ โฮ. เอีจ เกือฮ โรฮ อาึ โฮลฮ ชุง ซไบ่ นา ก ฮลาวง อื.

ลืลาว 18:33

เอีจ เกือฮ เนอึม ชวง อาึ เลียน ตอก ชวง ปอยฮ โฮ. เอีจ เกือฮ โรฮ อาึ โฮลฮ ชุง ซไบ่ นา ก ฮลาวง อื.

ฟีลิปปี 4:13

ปัง อาวต ตอก ออฮ ตอก เอีฮ ญุ่ก, อาึ ปุน อาวต ไม่ โครยญ เจือ เบือ เรียง แด่น เกือฮ พะคริต ละ แตะ.

ลืลาว 46:1

พะจาว มัฮ ตัว เปิง เอะ. แปน เรียง แด่น เนิ. อาวต ลอป ไม่ เอะ ละ ซ เรอึม แตะ เอะ เญือม อาวต เตอะ ไม่ เม่ะมั่ก แตะ.

5 โมเซ 32:13

พะจาว เกือฮ อื โฮลฮ กุม ปลัฮเตะ ฮลาวง นึง บลาวง ฌื. เกือฮ อื โฮลฮ โซม ไมจ ไอจ ญึม. เกือฮ อื โฮลฮ ญุ รอาวม โกะ แฮ เน่อึม นึง ซโมะ ระ. เกือฮ โรฮ อื โฮลฮ ลออยฮ กาวก นึง ราวก ซโมะ.

ลืลาว 27:1

พะจาว มัฮ รัง ซเปีย ยุฮ อาึ. มัฮ โรฮ ป เกือฮ อาึ โปน ฮา ป โอ ไมจ. อาึ อัม ทา เยอะ ฮลัต นึง ปุย ปลัฮเตะ? พะจาว เฆีญ อาึ ฮา ป กอยจ ป ราวม โครยญ เจือ. มัฮ เซ ป โอ อาึ ฮลัต เตีจ ฆาื อื.

อิซยา 58:14

เญือม เซ โม เปะ ซ โฮลฮ เปอะ รพาวม ไมจ มวน แตะ เบือ อาึ. อาึ ซ เกือฮ ปุย ติ ปลัฮเตะ นัปทื โม เปะ, ซ โฮลฮ เปอะ โซม ไมจ ไอจ ญึม นึง บั่นเมือง ป เอีจ มอป อาึ อาึง ละ ยาโคป ป มัฮ จัตเจือ ไพรม เปอะ เซ. อาึ มัฮ พะจาว ป อัฮ ละ เปอะ ตอก เซ,” อัฮ เซ.

เอเฟโซ 3:16

อาึ ปัว พะจาว เซ เกือฮ อัมนัต ละ โม เปะ เบือ ลปุ แตะ กุมปอ เน่อึม นึง รัง ซเปีย คึนัก ยุฮ อื, ละ ซ โฮลฮ เปอะ เรียง แด่น ละ โตะ รพาวม รโม่ยฮ เปอะ โครยญ เจือ.

โคโลซี 1:11

อาึ ปัว เกือฮ โม เปะ โฮลฮ เรียง แด่น แตะ โครยญ เจือ เบือ เรียง แด่น ป ฮอยจ เน่อึม นึง อัมนัต คึนัก ยุฮ อื, เดอึม โม เปะ ซ ปุน โอต โอเอีฮ โครยญ เจือ ไม่ รพาวม ลั่ง แตะ.

อิซยา 12:2

มัฮ พะจาว ป โพต เนอึม อาึ เกือฮ โปน ป โอ ไมจ เจอ. อาึ ซ อาึง เงอะ รพาวม แตะ นึง. ซ ฮลัต โตว นึง โอเอีฮ ฆาื อื. พะจาว เยโฮวา มัฮ เรียง แด่น อาึ. มัฮ โรฮ ป เกือฮ อาึ โฮลฮ เชีย ไมจ มวน. เอีจ ที มัฮ อื ป โพต อาึ เกือฮ โปน ป โอ ไมจ เจอ,” ซ อัฮ เปอะ เซ.

5 โมเซ 33:29

“โม เปะ ป มัฮ โม อิซราเอน เนอ, โม เปะ เตือง โอยจ เปอะ เอีจ โฮลฮ เนอึม เปอะ รพาวม ไมจ มวน แตะ. ไก โตว ป โฮลฮ ป ไมจ ตอก โม เปะ เฮี ติ ตื เนอึม. โม เปะ เอีจ โปน เปอะ เม่ะมั่ก แตะ เบือ เรอึม พะจาว เปอะ. อัมนัต พะจาว มัฮ ป เฆีญ โม เปะ ฮา ป ฮลัต เปอะ นึง, มัฮ โรฮ ตอก วิจ ละ ซ เป เปอะ โม ป รุป ไม่ เปอะ. โม ป ไป นึง เปอะ เซ ซ มาว ปุ ฮอยจ ละ ซ ปัว อื โม เปะ เลียก พาวม นึง แตะ. ปุย โม เซ ซ โฮลฮ อาวต ฆรึม ลเตือก ชวง โม เปะ,” อัฮ เซ.

เซคาริยา 10:12

อาึ ซ เกือฮ โม อิซราเอน เซ ตอน ฮมัน นึง พะจาว. โม เซ ซ นัปทื เนอึม อาึ ไม่ เนอึง อื ป อัฮ ฮะ,” อัฮ เซ พะจาว.

ลืลาว 18:1

โอ พะจาว, ปะ มัฮ เปอะ เรียง แด่น เนิ, อาึ ฮรัก เนอึม ปะ.

อิซยา 45:24

ปุย โม เซ ซ อัฮ ไลลวง อาึ ตอก เฮี, ‘มัฮ พะจาว โน่ง ป เกียฮ เกือฮ ปุย แปน ปุย ซื ปุย ไซ ไม่ เกือฮ อื ปุย ไก เรียง แด่น เนอ.’ โม ป เกละยุ พะจาว ปังเมอ ซ จัมเปน เลียก เคะ อื ไม่ โซะกิจ ปิญไง่ แตะ.

ลืลาว 54:1

โอ พะจาว, ปัว ปะ เรอึม แตะ เกือฮ โปน ฮา ป โอ ไมจ เบือ อัมนัต ระ ยุฮ เปอะ, ไม่ เบือ รที เรียง ยุฮ เปอะ.

2 ซามูเอน 2:18

กวน เซรุยา เตือง ลอวย อื อาวต ตื นา เซ, ป มัฮ โยอัป, อาบี่ไช ไม่ อาซาเฮน. อาซาเฮน เซ มัฮ ปุย เลียน ตอ ตอก จัก ปอยฮ โฮ.

ลืลาว 18:32

พะจาว เอีจ มัฮ ป เกือฮ เรียง แด่น ละ อาึ. เอีจ เกือฮ อาึ โฮลฮ โฮว นึง คระ เฮน คระ ฮลอง ยุฮ แตะ.

รซอมเชียซาโลมอน 2:7

โอ ปรโปวน เวียง เยรูซาเลม, ปัว เปอะ ซันญา อาึง ละ อาึ เบือ จัก ปอยฮ ป อาวต นึง กังเด่น, นึง โอ เปอะ ซ ซุกซัก นึง กัน เปลีฮ เอะ รพาวม ฮรัก แตะ ละ ปุ แตะ.

เอเซเคียน 36:2

พะจาว เยโฮวา เซ อัฮ เฮี ละ เปอะ, โม ป เกละยุ เปอะ เซ เกียฮ ฮุน ไม่ อัฮ แตะ ตอก เฮี, ‘บลาวง ไพรม เฮี เอีจ ลอต แปน คอง เอะ,’ อัฮ เซ ละ ปุ แตะ.

ลืลาว 18:34

เอีจ เพอึก อาึ เกือฮ เลียน ละ กัน รุป เซิก, เอีจ เกือฮ โรฮ เตะ อาึ เกียฮ ววยฮ ทนู ไร ซเงี.