ฮาบ่ากุก 1:16 - ้พระคัมภีร์ละว้า

¹⁶ ปุย โม เซ นุ่ม เอิน ไว เรอึป ยุฮ แตะ เซ ไม่ ทไว อื โอเอีฮ ละ อื, นึง โฮลฮ อื โซม ญุ่ก กุก ญึม เบือ เรอึป ยุฮ แตะ เซ.

ฮาบ่ากุก 1:16 Referans Kwoze

ฮาบ่ากุก 1:11

ฟวยจ เซ โม เซ ลอต ฮา นา เซ ฮอยจ ก ไฮญ ตอก ลอต กาื ระ ลั่กกา แตะ โฮ. พะ ทื โม เซ เยอ เอีจ มัฮ เอิน อัมนัต โม โกะ อื ไอฮ,” อัฮ เซ.

ด่านีเอน 5:23

ปะ เอีจ โพรยฮ เปอะ ไอฮ ติ แตะ ละ ตอซู เปอะ ไม่ พะจาว ป อาวต เมือง มะลอง. เกือฮ เปอะ ปุย ตุย อาึง จอก ซัมคัน ป อาวต นึง วิฮัน ยุฮ พะจาว เซ ซองนา แตะ. ฟวยจ เซ โกะ เปอะ ไม่ โม จาวไน ยุฮ เปอะ ไม่ โม ปรโปวน ระ ปรโปวน แตวะ เญือะ เปอะ โฆง เปอะ โกว จอก ซัมคัน เซ ละ ญุ แตะ ไปล นึง ไม่ ลืลาว แม เปอะ พะ ป ยุฮ ปุย นึง มาื นึง ไคร นึง ไร ซเงี นึง ไร เฮลีจ ไม่ โคะ ไม่ ซโมะ เซ. พะ โม เซ เกียฮ ยุ เกียฮ ฮมอง โตว โอเอีฮ. ยุง โตว โอเอีฮ ติ เจือ เนอึม. ปะ ทไว เปอะ โตว โญตซัก ละ พะจาว ป มัฮ กุม จีวิต เปอะ. กัน ยุฮ เปอะ โครยญ เจือ เอีจ มัฮ พะจาว เซ ป ควป คุม แลน แก ละ เปอะ.”

ด่านีเอน 4:30

เญือม เซ กซัต เซ อัฮ เฮี, “เวียง บ่าบี่โลน ป ตึก นึง คึ แตะ เฮี มัฮ เนอึม ป ยุฮ อาึ เบือ อัมนัต ระ ยุฮ แตะ. มัฮ ละ ซ เกือฮ แปน ก อาวต แตะ ไม่ แปน อื โญตซัก ระ เนอึม ละ แตะ,” อัฮ เซ.

เอเซเคียน 28:3

ปะ อัฮ เปอะ ติ แตะ ไมจ พันญา ฮา ด่านีเอน. อัฮ เปอะ ปุย โอ เกียฮ เม่าะ โอเอีฮ ฮา แตะ.

5 โมเซ 8:17

มัฮ เซ ป ไมจ เปอะ แฮน ติ แตะ ฆาื อื ไม่ โอ เปอะ ไมจ อัฮ เฮี โตะ รพาวม แตะ, “มัฮ เบือ เรียง แด่น โกะ โอะ ไอฮ ป จเลิน เบือ อื เมาะ เฮี,” ไมจ เปอะ โตว อัฮ ตอก เซ.

เอเซเคียน 29:3

อาึ ป มัฮ พะจาว เยโฮวา อัฮ ตอก เฮี, ‘เออ ฟาโร, ปะ ป มัฮ กซัต เมือง อียิป เปอ, อาึ ซ ตอซู ปุ แตะ ไม่ เปอะ. ปะ มัฮ เปอะ ตอก จเค ระ ไอจ โตะ โกลง โฮ. อัฮ เปอะ ติ แตะ ปุน กุม โกลงไน แปน คอง แตะ. อัฮ เปอะ ติ แตะ เอีจ ยุฮ โกลง เซ ละ โกะ แตะ ไอฮ.

อิซยา 37:24

เอีจ เกือฮ เปอะ โม ป โฮว ฆรอ ลปุง ตัง แตะ เซ อัฮ เลาะ อัฮ ลาึน ลปุง พามัต อาึ. เอีจ อัฮ เปอะ ติ แตะ ปุน ฮาวก ฮอยจ นึง ไกญ บลาวง เลบ่านอน ฮอยจ นึง เปือง โม ตึก นึง ฮลาวง แตะ. อัฮ เปอะ ติ แตะ เป เบือ โฮวน เลาะ รุป เซิก ยุฮ แตะ. เอีจ อัฮ เปอะ ติ แตะ ปุน ฆู โคะ โซน ซีด่า ตึก นึง ฮลาวง แตะ ไม่ โคะ ฆิ รจวง ป ไมจๆ อื. อัฮ โรฮ เปอะ ติ แตะ ฮอยจ นึง น่อง ตึก นึง ซไง แตะ ไม่ ตึก นึง ไมจ อื.

ลืลาว 22:29

โม ป เกียฮ ฮุน ติ ปลัฮเตะ เฮี ซ จัมเปน อื นุ่ม ไว พะจาว. โม ป เอีจ ยุม แปน เตะ แปน รกาื ซ โฮลฮ ตื โรฮ นุ่ม ไว อื โครยญ โฆะ ปุย.

เยเรมี 44:8

เมอยุ เกือฮ เปอะ อาึ รอก พาวม นึง แตะ ฆาื ซาวป ลอป เปอะ ไว ฮุป ไม่ ทไว แนฮ เปอะ โอเอีฮ ละ พะ ไฮญ ป ไก นึง เมือง อียิป นา ก ฮอยจ เปิง เปอะ เฮี? อัม มัฮ ยุฮ เปอะ ละ ซ เกือฮ เปอะ ติ แตะ ไลจ โลม นึง ซ เกือฮ เปอะ ปุย ไฮญ ติ ปลัฮเตะ เพียก แฮม แตะ ไม่ โกว อื มอยฮ เปอะ นึง รซอม ซะ แตะ โอเอีฮ?

เยเรมี 44:17

เอะ ซ ยุฮ แนฮ ตัม ป ซันญา แตะ ละ ซ ทไว ลั่ง แตะ โอเอีฮ ละ เยือะ กุม มะลอง. ซ เรฮ แนฮ ลั่ง รอาวม อะงุน ละ ตอก เอีจ กอ ยุฮ แตะ ไม่ จัตเจือ ไพรม เมอะ ไม่ โม กซัต ไม่ จาวไน นึง ย่วง แควน ยูด่า ไม่ ตัม กอง เวียง เยรูซาเลม ไพรม อื โฮ. เญือม ยุฮ ฮุ ตอก เซ ไพรม อื เอะ โฮวน ป โซม ป ปอน เนอะ, ไมจ ป ยุ เคราะ ป ฮมอง เงอะ เบือ อื.