เอซรา 8:28 - ้พระคัมภีร์ละว้า

²⁸ ฟวยจ เซ อาึ อัฮ ละ ปุย โม เซ ตอก เฮี, “โม เปะ เตือง โอยจ เปอะ เอีจ มัฮ เปอะ ปุย ซัมคัน นึง เอีจ ทไว ปุย เปอะ ละ พะจาว. เครอึง โกว ปุย ไม่ ไคร มาื นึง อื เอีจ มัฮ ตื โรฮ ป ซัมคัน นึง มัฮ อื ป ทไว ปุย ไม่ เตม รพาวม แตะ ละ เยโฮวา พะจาว ทื โม จัตเจือ ไพรม โม เปะ เซ.

เอซรา 8:28 Referans Kwoze

อิซยา 52:11

โม เปะ ป ไปญ โดง เดือง อาวต ไพรม นึง วิฮัน ยุฮ พะจาว, โอก แปฮ ฮา เวียง บ่าบี่โลน เมือง โอ ไมจ เซ. เกือฮ ติ เปอะ ซง่ะ ซงอม. ปุ ลอก โอเอีฮ ป รแอม ละ พะจาว. โอก แปฮ ฮา, เกือฮ ติ เปอะ โปน.

4 กซัต 24:14

เญือม เอีจ ฟวยจ อื ยุฮ เพรียง แตะ วิฮัน เซ, มาื พาซี ป โฮฮ ฮา โกว อื เซ เอีญ ตาว แม อื ละ กซัต ไม่ เยโฮยาด่า. เญือม เซ เยโฮยาด่า เกือฮ แม โรฮ ปุย โกว ไคร มาื โฮฮ เซ ละ ยุฮ แตะ เชือม โบลง ไม่ เครอึง ป โกว ปุย นึง วิฮัน ยุฮ พะจาว เญือม ทไว อื โอเอีฮ ละ พะจาว. ติ เจน ไอม เยโฮยาด่า เซ ปุย ฮอยจ ตอง ลอป ทไว โอเอีฮ นึง วิฮัน ยุฮ พะจาว เซ.

3 กซัต 23:28

กัน ลัง ยุฮ โม เลวี เซ มัฮ ตอก เฮี, มัฮ กัน เรอึม โม ซตุ ป มัฮ จัตเจือ อาโรน เซ, นึง กัน รซอฮ อื นึง วิฮัน ยุฮ พะจาว เซ โครยญ เจือ. แปน โรฮ ป แลน แก ควง วิฮัน เซ ฮอยจ ละ โตะ ฮอง ป ไก นึง เฆียง อื, ไม่ แลน แก อื คาวคอง ป เมีญ ปุย มัฮ ป ซัมคัน เซ โครยญ เจือ.

5 โมเซ 33:8

อัฮ อื ละ เจอ เลวี ตอก เฮี, “โอ พะจาว, ปัว เปอะ เกือฮ ทูมิม ไม่ อูริม ยุฮ เปอะ อาวต ไม่ โม เลวี ป มัฮ ปุย ซัมคัน ยุฮ เปอะ เซ, มัฮ โม ป เอีจ ลอง เปอะ แลน นึง ย่วง มัตซา โฮ. มัฮ โรฮ โม ป เอีจ กวต เปอะ แลน โตะ รพาวม อื นา ก ปลาึฮ รอาวม นึง เมริบ่า โฮ.

2 โมเซ 35:29

โม อิซราเอน เตือง ปรเมะ ปรโปวน, เมาะ ป เตม รพาวม นึง ฆวต ทไว แตะ โอเอีฮ เซ, โรวก เนอึม ทไว อื ละ พะจาว ละ ยุฮ ปุย กัน เซ นึง เตือง โอยจ อื, ตัม ดวน พะจาว ไอ โมเซ ยุฮ โครยญ เจือ.

เอซรา 8:27

มัฮ ซโลวง ไคร ง่า โม่ว นัมนัก 1,000 แทป, มัฮ แม ซโลวง ไร ซเงี ญื ปุย เกือฮ ตอฮ ลอา โม่ว, งวยฮ อื เมาะ โรฮ งวยฮ ซโลวง ไคร เซ.

3 กซัต 26:20

โม เลวี ป โฮลฮ แปน ป มอง ฮอง ก แฮรน ปุย เครอึง ระ งวยฮ นึง วิฮัน, ไม่ ฮอง ก แฮรน ปุย คอง ทไว เยอ, มัฮ อาฮิยา ป ควป คุม อื.