เอซรา 8:17 - ้พระคัมภีร์ละว้า

¹⁷ อาึ ดวน ปุย โม เซ โฮว เคะ อิตโด่ ป มัฮ ป ระ ป คาว นึง ย่วง คาซิเฟีย. คระ เฌือต ปุย เซ มัฮ ป ยุฮ กัน นึง วิฮัน ไพรม อื. มัฮ ปัว เยอะ โม เซ เกือฮ ตาว ปุย เกือฮ โฮว ไม่ เอะ ละ ซ รซอฮ อื นึง วิฮัน ยุฮ พะจาว ทื เอะ.

เอซรา 8:17 Referans Kwoze

เอซรา 2:43

จัตเจือ โม ป ยุฮ กัน นึง วิฮัน นึง อื ป โฮลฮ อื เอีญ มัฮ ตอก เฮี. จัตเจือ ซีฮะ, ฮาชูฟา, ทัปบ่าโอต, เคโรต, ซีอาฮา, พาโด่น, เลบ่านา, ฮากาบ่า, อักคุป, ฮากาป, ชัมไล, ฮานัน, กิตเด่น, กาฮา, เรอายา, เรซีน, เนโคด่า, กัตซัม, อุตซา, ปาเซอา, เบ่ไซ, อัตนา, เมอูนิม, เนฟิซิม, บั่กบุ่ก, ฮาคูฟา, ฮารฮุน, บั่ตลุต, เมฮิด่า, ฮารชา, บ่ารโคต. ซิเซรา, เทมา, เนซิยา ไม่ ฮาทิฟา.

ติโต 1:5

มัฮ เฮี ป ละ อาึ ปะ ฆาื อื นึง เกาะ ครีต เตอ, มัฮ เกือฮ ปะ เพรียง ป โอ ดิ ไมจ เกือฮ ไมจ, ไม่ เกือฮ เปอะ ดุฮ โม ป กวต ละ ปุย ไน พะจาว โครยญ ย่วง. ไมจ เปอะ ไตม ตอก เอีจ อัฮ อาึ อาึง ละ เปอะ.

เยเรมี 15:19

เญือม เซ พะจาว โลยฮ อื ละ อาึ ตอก เฮี, “ดัฮ ปะ เฌาะ รพาวม แตะ แม เคะ อาึ โฮ, อาึ ซ เกือฮ แม ปะ รซอฮ ละ แตะ ตอก ไพรม อื. ดัฮ ปะ โอ เญือะ อัฮ โอเอีฮ ไอฮ พาวม แตะ ไม่ อัฮ เปอะ ลปุง แปน กุน ละ ปุย โฮ, ปะ ซ โฮลฮ เปอะ แปน ป ซึป ลปุง อาึ ละ อื. ปุย โม เซ ซ ลเตือฮ แม ฮอยจ เคะ ปะ ฆาื อื. ปะ ปังเมอ โอ เปอะ ไมจ ลเตือฮ ฮา อาึ โฮว เคะ โม เซ.

เยเรมี 1:9

เญือม เซ พะจาว ซนาว เตะ แตะ จิ มวยญ เญอะ. อัฮ เฮี เนิ, “ปเลี่ย เฮี อาึ เอีจ เกือฮ ลปุง แตะ อาวต นึง มวยญ ปะ.

เอซรา 7:7

ไก โม อิซราเอน ง่อน, มัฮ จัตเจือ โม ซตุ, โม เลวี, โม นัก โด่นตรี, โม ป มอง โตะ รเวือะ, ไม่ โม จัตเจือ ป รซอฮ นึง วิฮัน เซ. ปุย โม เซ ฮาวก ดิ ไม่ เอซรา เน่อึม นึง บ่าบี่โลน, ละ ซ เอีญ แตะ ฮอยจ นึง เวียง เยรูซาเลม, ปุก เนอึม อาแลฮ นึง กัน แปน อาทาเซอซิต กซัต เซ.

เอซรา 2:58

จัตเจือ โม ป ยุฮ กัน นึง วิฮัน ไม่ โม จัตเจือ กวนไจ ซาโลมอน เซ เตือง โอยจ อื ไก 392 ปุย.

2 ซามูเอน 14:19

กซัต เซ ไฮมญ อื ตอก เฮี, “ไลลวง เซ อัม มัฮ โยอัป ป ดวน ปะ อัฮ ฮา?” อัฮ เซ. ปรโปวน เซ โลยฮ แม อื ตอก เฮี, “โอ กซัต ป มัฮ จาวไน ยุฮ ฮุ, แจง ไอม ปะ ตอก ออฮ, อาึ แจง โรฮ โอ ซ เกียฮ เม่าะ โอเอีฮ ฮา เปอะ ติ เจือ เนอึม. เอีจ มัฮ เนอึม โยอัป ป มัฮ กวนไจ ยุฮ เปอะ เซ ป ดวน อาึ อัฮ ตอก เซ เยอ. เอีจ เพอึก เนอึม ไลลวง เซ ละ อาึ ป มัฮ กวนไจ ยุฮ เปอะ เฮี.

2 ซามูเอน 14:3

ฟวยจ เซ ไมจ เปอะ เลียก เคะ กซัต เซ ไม่ อัฮ เปอะ รซอม โอเอีฮ ละ ตัม ป ดวน อาึ แตะ อัฮ,” อัฮ เซ. เญือม เซ โยอัป เพอึก ไลลวง ป ไมจ ปรโปวน เซ อัฮ ละ กซัต เซ.

5 โมเซ 18:18

อาึ ซ เกือฮ ป ซึป ลปุง แตะ ตอก ปะ เฮี ฮอยจ ละ อื ติ ปุย. ซ มัฮ โรฮ จัตเจือ โม โกะ อื. อาึ ซ เกือฮ ลปุง แตะ อาวต นึง ดัก ดอย อื. ปุย เซ ซ ซึป ลปุง ดวน อาึ แตะ ซึป ละ ปุย โม เซ โครยญ เจือ.

4 โมเซ 18:6

อาึ เอีจ เลือก โม เลวี, ป มัฮ เอียกปุ คระ เฌือต เปอะ, โอก เน่อึม นึง โม อิซราเอน ไฮญ เซ ละ ซ แปน อื คอง ควัน เกือฮ อาึ ละ ปะ. โม เซ เอีจ มัฮ ป รกัฮ โน่ง อาึ ละ โกะ แตะ, ละ ซ โฮลฮ อื ยุฮ กัน ป เกว ไม่ พากัง ระ เซ.

2 โมเซ 4:15

ปะ ไมจ เปอะ อัฮ ละ อื เกือฮ ซึป ลปุง เปอะ. อาึ ซ อาวต นึง มวยญ เปอะ ไม่ ซ อาวต โรฮ นึง มวยญ อาโรน. ซ เพอึก ละ เปอะ ตอก ซ ไมจ เปอะ ยุฮ อัฮ ฮา.

3 กซัต 9:2

โม ป โฮลฮ แม เอีญ อาวต นึง เตะ ยุฮ โกะ แตะ นึง ย่วง อาวต ไพรม แตะ รกา ปุย นึง อื, มัฮ โม ลัปซด่อน อิซราเอน ง่อน, ไม่ โม ซตุ, โม เลวี, ไม่ โม กวนไจ ป ยุฮ กัน นึง วิฮัน ง่อน.

เอซรา 8:16

ฟวยจ เซ อาึ เกือฮ ปุย โฮว กอก เอลีเยเซอ, อารีเอน, เชไมยา, เอนนาทัน, ยาริป, เอนนาทัน, นาทัน, เซคาริยา ไม่ เมชูลัม, โม ป มัฮ ฮัวนา ปุย, ไม่ เกือฮ ซาวป กอก โยยาริป ไม่ เอนนาทัน ป มัฮ ปุย ไมจ พันญา.