เอซรา 7:23 - ้พระคัมภีร์ละว้า

²³ โอเอีฮ เมาะ ป ซตอก พะจาว เมือง มะลอง ปุย เกือฮ ละ ซ โกว ปุย อื นึง วิฮัน ยุฮ อื เซ, ไมจ เปอะ เกือฮ เตม เมาะ อัฮ อื เซ, เดอึม พะจาว เซ โอ ซ ฮาวก รพาวม ละ ปุย นึง บั่นเมือง ยุฮ อาึ เฮี, ไม่ โม กวน เนอะ เซ โรฮ.

เอซรา 7:23 Referans Kwoze

ลืลาว 119:4

โอ พะจาว, ปะ เอีจ เกือฮ เปอะ พะทัม โกตไม ยุฮ เปอะ ละ เอะ. เอีจ เกือฮ เปอะ เอะ ยุฮ ตัม โกตไม เซ ไม่ รพาวม เนอึม แตะ.

เซคาริยา 12:3

ซเงะ เซ ปุย โครยญ ปะเทต ซ ฮอยจ รโจะ ปุ แตะ ละ ตอซู แตะ ไม่ เวียง เยรูซาเลม, อาึ ปังเมอ ซ เกือฮ เวียง เยรูซาเลม ตอก ซโมะ เชียน ละ ปุย. ป ออฮ ป เอีฮ ญุ่ก ป ริ ยวก เกอ ซ ลอก ป โซะ ฆาื อื.”

เอซรา 7:18

“ป มัฮ ไคร มาื ป โฮฮ ลั่ง อื เซ, ปะ ไม่ โม เอียกปุ เปอะ ไน โม ยิว เตอึม ตอก แกต เปอะ โซมกวน ไมจ โกว, ดัฮ แนฮ เปอะ เอีจ โกว ตัม ปุก อื รพาวม พะจาว ยุฮ แตะ.

เอซรา 7:13

“อาึ โปง รซอม แตะ ละ โม อิซราเอน ตอก เฮี, โม ป มัฮ ซตุ, โม เลวี ไม่ ปุย ไฮญ นึง อื เมาะ ป อาวต นึง นาตี เคียง ก ตัตเตียง อาึ อื, ดัฮ ไก ป ไก รพาวม ฆวต เอีญ ไม่ เปอะ ฮอยจ นึง เวียง เยรูซาเลม เมอ, เกือฮ เอีญ ไม่ เปอะ เมิฮ.

เอซรา 7:22

ไมจ เปอะ เกือฮ มาื ละ ตัม เมาะ ปัว อื, เมือน เตอ โอ เกิน ฮา ติ รอย ตะลัน, ไม่ เฮงาะ ซาลี ปุ โรฮ เกือฮ ละ อื เกิน ฮา ติ เปือน ไปล ลอา รอย ทัง. รอาวม อะงุน ปุ โรฮ เกือฮ ละ อื เกิน ฮา 2,200 ลิต. ลออยฮ กาวก ปุ โรฮ เกือฮ ละ อื เกิน ฮา 2,200 ลิต. กิฮ, เตอึม เมาะ ปัว อื เกือฮ ละ อื.

เยเรมี 29:7

ไมจ เปอะ ซาวป ตอก ซ เกือฮ แตะ เมือง อาวต เปอะ เซ โฮลฮ อาวต เฮน อาวต ฮลอง, นึง มัฮ อื อาึ ป เกือฮ เปอะ อาวต นา เซ แปน ตอก ครา ปุย โฮ. ไมจ เปอะ ไววอน ปัว พะจาว ปิฮ มุ่น ละ เมือง อาวต เปอะ เซ. ดัฮ เมือง เซ อาวต เฮน อาวต ฮลอง โม เปะ ซ โฮลฮ โรฮ เปอะ อาวต เฮน อาวต ฮลอง เบือ อื.

2 โมเซ 5:3

ไอ โมเซ ไม่ อาโรน โลยฮ อื ตอก เฮี, “พะจาว ทื โม ฮีบรู เอีจ ฮอยจ เปลีฮ ติ แตะ ละ เอะ. ปัว เปอะ เกือฮ เอะ โฮว นึง ลาึน เวือฮ เมาะ ลอวย ซเงะ คระ ฆาื อื. เอะ ซ มอก ตอง ทไว โอเอีฮ ละ พะจาว ทื แตะ. ดัฮ โอ ยุฮ ตอก เซ, เอะ ฮอ นึง ซ เกือฮ อื เอะ ยุม นึง พาญัต ฆอก, ฮอ โรฮ นึง ซ เกือฮ อื เอะ ยุม นึง วิจ โรฮ,” อัฮ เซ ละ กซัต เซ.