เอซรา 4:1 - ้พระคัมภีร์ละว้า

¹ โม ป เกละยุ โม ยูด่า ไม่ โม เบ่นยามิน เซ, เญือม ฮมอง อื เอีญ โม ป มัฮ ครา เซ, ไม่ ฮมอง อื เอีจ กัมลัง ยุฮ ปุย วิฮัน ละ ซ ทไว อื โอเอีฮ ละ เยโฮวา พะจาว ยุฮ แตะ ตอก เซ,

เอซรา 4:1 Referans Kwoze

เอซรา 1:11

เตือง โอยจ อื ไก 5,400 เจือ ป มัฮ เครอึง ไคร เครอึง มาื โรวก อื เซ. โอเอีฮ โม เซ มัฮ ป โรวก เชตบั่ตซา ไม่ แตะ เญือม นัม อื โม ป เอีญ เน่อึม นึง แปน แตะ ครา นึง เมือง บ่าบี่โลน ฮอยจ นึง เยรูซาเลม.

1 โคริน 16:9

ปัง เอีจ โฮวน ป คัตคัง เงอะ, พะจาว เอีจ โปฮ อาึง คระ เนิ เวือฮ, ละ ซ ยุฮ ฮุ กัน ละ อื ป ซ ไก ป มัฮ อื โฮวน เจือ. เซ ป ฆวต อาวต ลั่ง ฆาื อื.

ด่านีเอน 9:25

“ไมจ เปอะ ง่อต ที แลน, เกือฮ ติ เปอะ คาวไจ. เน่อึม เญือม ดวน พะจาว ปุย เกือฮ เฌาะ ยุฮ โคระ เวียง เยรูซาเลม ฮอยจ ละ เจน กซัต ป เลือก พะจาว อาึง เซ, ซ โอยจ เวลา 7 เนอึม 7 โฮน. เญือม เซ ปุย ซ เฌาะ ยุฮ เวียง เยรูซาเลม เกือฮ โคระ, เตือง คระ โครง ไม่ ปอม ตอน ฮมัน นึง อื โรฮ. เวียง เซ ซ ปุน อาวต ตอน ฮมัน ยุฮ แตะ 7 เนอึม 62 โฮน, ปังเมอ ซ มัฮ เจน เม่ะมั่ก เนอึม ละ อื.

ด่านีเอน 5:13

กซัต เซ เกือฮ เนอึม ปุย โฮว กอก ด่านีเอน. ปุย โม เซ ตาว เนอึม อื เลียก เคะ กซัต. กซัต เซ ไฮมญ ด่านีเอน ตอก เฮี, “อัม มัฮ ปะ ป มอยฮ ด่านีเอน ป เกือฮ เตะ เกอะ ปุย โฮมวต โรวก ไม่ ปุย โฮวน เน่อึม เมือง ยูด่า โฮ?

เอซรา 10:16

ฟวยจ เซ โม ป เอีญ เน่อึม แปน แตะ ครา เซ ยุฮ เนอึม อื ตัม เซ. เอซรา ป มัฮ ซตุ เซ เลือก อาึง ปุย ป มัฮ ฮัวนา ซฆลาวม เซ, ไม่ โจต อื อาึง มอยฮ อื โครยญ โฆะ อื. เญือม ฮาวก เคิ กาว ติ ซาวม เมอ, โม เซ รโจะ ดิ เนอึม คิต ง่อต ไลลวง เซ.

เอซรา 10:7

โม ฮัวนา ปุย ครอฮ อื ละ ปุย เลี่ป เมือง ยูด่า ไม่ เยรูซาเลม เซ ละ โม ป เอีญ เน่อึม แปน แตะ ครา โครยญ โฆะ อื, เกือฮ อื ฮอยจ รโจะ โพรม ดิ นึง เยรูซาเลม เซ.

เอซรา 7:9

เญือม โอก โรง อื ฮา เวียง บ่าบี่โลน เนอ, ปุก ฮาวก เคิ ติ เซ ติ ซาวม. เญือม เอีจ ฮอยจ อื นึง เวียง เยรูซาเลม เซ ปุก ฮาวก เคิ พอน เซ ติ ซาวม. มัฮ เบือ อาวต อัมนัต พะจาว ไม่ กุนมุ่น ยุฮ อื ไม่ อื.

เอซรา 6:16

เญือม เซ โม อิซราเอน เตือง โม ซตุ, โม เลวี, ไม่ โม ป เอีญ เน่อึม แปน แตะ ครา ปุย เตือง โอยจ อื เซ, ชลอง กัน ทไว แตะ วิฮัน เซ ละ พะจาว ไม่ รพาวม ไมจ มวน แตะ.

เอซรา 3:13

เญือะ ไก โตว ป ยุง ที ป มัฮ เซียง เยือม นึง อื ไม่ ป มัฮ เซียง มวน รพาวม ฆาื ลอยฮ ลอน อื. เซียง ลอยฮ ปุย โม เซ ปอ เอิน เกียฮ ฮมอง ปุย อื ฮอยจ ก ซไง อื.