เอซรา 1:5 - ้พระคัมภีร์ละว้า

⁵ เญือม เซ พะจาว โบว รพาวม ปุย ง่อน เกือฮ อื ฆวต เอีญ. มัฮ โม ฮัวนา ซฆลาวม โม ยูด่า ไม่ โม เบ่นยามิน ง่อน ไม่ โม ซตุ ไม่ โม เลวี ง่อน. โม เซ เพรียง ติ แตะ ละ ซ เอีญ ยุฮ โคระ แม แตะ วิฮัน ละ พะจาว ป อาวต นึง เยรูซาเลม.

เอซรา 1:5 Referans Kwoze

เอซรา 1:1

เนอึม โฮลฮ โรง ไซรัต กซัต เมือง เปอเซีย แปน กซัต ระ อา, เญือม เซ พะจาว โบว รพาวม อื เกือฮ อื เนอึง ป อัฮ แตะ. มัฮ ยุฮ อื ตอก เซ นึง ซ เกือฮ แตะ โอเอีฮ เกิต ตัม ป อัฮ เยเรมี อาึง. กซัต เซ เกือฮ ปุย โฮว ครอฮ ไลลวง เฮี ละ ปุย เลี่ป เมือง เตียง แตะ เซ. เกือฮ โรฮ ปุย ไซฮ อื แปน นังซื ตอก เฮี,

ฟีลิปปี 2:13

มัฮ เนอึม พะจาว ป รซอฮ กไน เปอะ. มัฮ ป เกือฮ เปอะ ไก รพาวม ฆวต ยุฮ กัน ละ แตะ, ไม่ เกือฮ อื โม เปะ ปุน ยุฮ ตัม ปุก อื รพาวม แตะ.

2 โคริน 8:16

เอะ ญันดี่ ไม่ พะจาว นึง เกือฮ อื ติโต เรียง รพาวม นึง ไฌม แตะ โม เปะ ตอก เรียง รพาวม เอะ โรฮ.

เนฮะมี 2:12

อาึ ดิ รโฮงะ โตว ละ ปุย ตอก เกือฮ พะจาว อาึ ไก รพาวม ฆวต เพรียง เวียง เยรูซาเลม เซ. ติ ซาวม อื แม เมาะ ง่อน ซาวม เมอ, อาึ โกฮ โฮะ. บะ ปุโฮมว แตะ ลอา ลอวย ปุย โฮว ไม่ แตะ. อาึ โรวก โตว ซัตซิง ไฮญ โนก ฮา บรัง บุก เกอะ ติ ตัว เซ โน่ง.

4 กซัต 36:22

ฟวยจ เซ กซัต ไซรัต โฮลฮ แปน กซัต เมือง เปอเซีย. กา เฆียง ไคว อื ติ เนอึม แปน อื กซัต เซ, พะจาว โบว รพาวม อื นึง ซ เกือฮ แตะ โอเอีฮ เกิต ตัม ป อัฮ เยเรมี อาึง. กซัต เซ เกือฮ ปุย โฮว ครอฮ ไลลวง เซ ละ ปุย เลี่ป เมือง เตียง แตะ เซ. เกือฮ โรฮ ปุย ไซฮ อื แปน นังซื ตอก เฮี,

3 โยฮัน 1:11

ปะ ป มัฮ ปุโฮมว ฮรัก เกอะ, ปุ เฮียน โม ป ยุฮ กัน ฆอก กัน เบร เยอ. ไมจ เปอะ เฮียน โม ป ยุฮ กัน ไมจ. ป ยุฮ กัน ไมจ เจอ เอีจ มัฮ ปุย บลัฮ ลั่ก พะจาว. ป ยุฮ กัน ฆอก กัน เบร เยอ มัฮ ป โอ ดิ ยุง ป มัฮ พะจาว.

ซตอกรเง่อึม 16:1

ปุย ปลัฮเตะ เอ ตึน ซ ไก แพนกัน ยุฮ โตะ กไน รพาวม แตะ ไอฮ. ป เกียฮ เกือฮ แพนกัน เซ ฟวยจ, ปังเมอ มัฮ พะจาว โน่ง.

เอซรา 1:2

“เฮี มัฮ รซอม ไซรัต กซัต ระ เมือง เปอเซีย, พะเยโฮวา ป มัฮ พะจาว กุม เมือง มะลอง เอีจ มอป เมือง ปุย ติ ปลัฮเตะ ละ อาึ เตือง โอยจ อื. เอีจ ดวน โรฮ อาึ ยุฮ วิฮัน ละ แตะ นึง เวียง เยรูซาเลม ป ไก นึง เมือง ยูด่า เซ.

เอซรา 1:4

โม ป มัฮ ลั่ง ปุย ไน พะจาว ปัง อาวต นา ออฮ นา เอีฮ ญุ่ก, ดัฮ ไก ป ตองกัน ปุย เรอึม แตะ นึง กัน ซ เอีญ อื ฮอยจ นึง เมือง แตะ เซ, เกือฮ เอิน ปุย ย่วง อาวต อื เซ เรอึม. ไมจ อื เกือฮ ไคร มาื ละ ไม่ จลิต คอง กิน ไม่ ซัตซิง ละ ซ ตัง อื โรวก โอเอีฮ นึง อื. ไมจ โรฮ อื เกือฮ ไม่ โอเอีฮ ละ ซ ทไว อื ละ พะจาว ตัม รพาวม ฆวต ทไว แตะ นึง วิฮัน ป ไก นึง เวียง เยรูซาเลม เซ,” อัฮ เซ รซอม กซัต เซ.

ฮักไก 1:14

เญือม เซ พะจาว นัม รพาวม ปุย เตือง โอยจ อื เกือฮ ยุฮ วิฮัน เซ. โม เซ มัฮ เซรูบ่าเบ่น กวน เชอันทิเอน ป มัฮ จาวเมือง ยูด่า เซ, ไม่ โยชูวา ฮัวนา ซตุ ป มัฮ กวน เยโฮซาดั่ก, ไม่ โม ป เอีญ เน่อึม แปน แตะ ครา เซ เตือง โอยจ อื. ปุย โม เซ เรอึม เนอึม ปุ แตะ ยุฮ ดิ วิฮัน ละ พะจาว กุม ตฮัน มะลอง ป มัฮ พะจาว ยุฮ แตะ เซ.